Gagnalaus áróðursrulla

Það eru engin gögn til sem styðja neitt af neinum fullyrðingum varðandi loftslagsáhrif af mannavöldum, engin.

Loftslags umræðan eru sósíalista öfgar, hannaðar til þess að rústa vestrænni menningu og leggja niður siðmenningu hennar, og það er í þann mund að heppnast.

 

„Líf plánetunnar að veði“

Athugasemdir

[Ingólfur Sigurðsson, 12.11.2022 kl. 23:13]

Þú hefur sýnt einstakan kjark og gáfur til að benda á allskonar spillingu, og ég dáist að þér fyrir pistilinn um Kanye West, til dæmis. Bara það atriði útskýrir nútímann og það sem er að gerast á okkar dögum, en ég neita að fara nánar útí það. Sumt er svo augljóst að fólk verður sjálft að fatta það. Ef ég á að vera alveg hreinskilinn þá finnst mér þú hafa þennan sama hæfileika og spámenn Biblíunnar að blanda saman lygi og sannleika í hæfilegri blöndu þannig að valdið leyfi það og sjái sér jafnvel hag í að taka undir það.

Jafnvel Samael (sósíalistamafían) verður að hafa einhvern sannleika með lygum sínum. Næstum öll sagnfræði aldanna er skrifuð svona, með því að leyfa sannleikskornum að koma í gegn, en krydda þau með lygum og blekkingum, "því sannleikurinn mun gera yður frjálsa" eins og Kristur sagði, og Jehóva er ekki að líða frelsi mannanna, ekki algjört, þar er líka hugsað um að halda völdum. Þó skrifaði ég pistil sem ég er sáttur við til að styðja málstað Votta Jehóva. Einhversstaðar í arkívinu þínu segir þú frá að hafa verið í þeirra hópi einu sinni. Amma mín var bókstafskristin og kenndi mér að forðast þá. Engu að síður, ég gerði uppreisn gegn öllum hennar gildum á unglingsárunum, og mér finnst Vottar Jehóva koma með merkilega fræðslu í mörgum málum, meðal annars um þau samskipti kynjanna sem eru hefðbundin, en að trúa á Jahve eða Jehóva er allt annað mál, og maður þarf þess ekki þótt maður viðurkenni það sem vel er gert hjá svona fólki.

Þú spyrð eftir sönnunum og gögnum um loftslagsmál. Gott og vel, falsfréttamiðlarnir, elítan, hvar eru gögnin á bakvið femínismann og allt hitt kjaftæðið? Uppspunnin gögn og skálduð. Hver tekur mark á gögnum lengur? 

Að minnsta kosti eru vísindamenn með meiri gögn um loftslagsbreytingar en kynjafræði, það er pottþétt. Mér finnst þeir sem gagnrýna náttúrverndafólk ættu að beina athyglinni annað. Nóg er um ruglið og falsfréttirnar. 

Eitt sinn lærði ég í rökræðum á netinu að þeir sem eru sannfærðir hafa engan áhuga á tilvitnunum í vísindamenn eða aðra. Ef þú rökræðir við vinstriöfgamann eru 90% líkur á að það sé orkueyðsla. Til hvers að tína upp gögn og tilvísanir? Maður neyðist til þess í skóla, nennir því annars ekki. Það sem maður man er það sem skiptir máli, litlu sannleikskornin sem meika sens og búa til rökrétt samhengi úr ruglinu í áreitunum útum allt.

Örlítið um orðið hatursegð. Ég er mjög sammála þér um að við þurfum tjáningafrelsi og Elon Musk er meiriháttar bjargvættur og ljós heimsins á myrkum tímum.

En hvernig skiptirðu orðinu hatursegð? Er þetta haturs-segð eða haturs-egð? Egðir er gamalt arnar og úlfsheiti í þulum, skylt agi og ógn. Þetta ágæta nýyrði hjá þér er rökrétt hvort heldur sem er, hvort sem aukalegt s er sett á milli eða ekki. Haturs-egð myndi þá vera ógn vegna haturs en haturs-segð tjáning haturs, eða að segja frá, segð gæti þýtt tjáning eða að segja frá. Góður vinur minn er bæði guðfræðingur og málfræðingur, og við ræðum talsvert um orð.

Ég held því fram að hatrið aukist með því að bæla það, með því að banna svokallaða hatursorðræðu. Kynþáttahatur og annað hatur verður aðeins viðráðanlegt þegar fólk viðurkennir að hafa slíkar hneigðir og skoðanir og tekst á við það eins og fíknir - ef það á annað borð hefur áhuga á losna við slíkt.

Ég er ekki sammála öllum þínum pistlum, en þegar þú skrifar þína beztu pistla eru þeir framúrskarandi góðir og einstakir, ættu að vera leiðarvísir fyrir þá sem stjórna landinu. Ekki sízt þegar kemur að frelsi þegnanna og frjálshyggjunni ómengaðri, sem margir svokallaðir hægrimenn hafa útþynnt nú til dags. Ég er þó ekki sammála þessum pistli um áróðursrullu í umhverfismálum. Finnst þó heiðarlega að segja það.

 

[Guðjón E. Hreinberg, 13.11.2022 kl. 20:40]

Takk fyrir góðu orðin Ingólfur. Jú, við erum að slá fram hlutum sem ekki segja má, hvort við höfum rétt fyrir okkur eða ekki, þá rangsnýr elítan því örugglega.

Varðandi Hatursegð, þar er ég undir áhrifum frá notkun Tölvuorðasafns Skýrslutæknifélags Íslands, sem ég notaði mikið við kennslu. Segð er "expression" ef ég man rétt.

Reit tvær greinar um þetta á hreinberg.is, því þeirri fyrri var hafnað af Mogganum (kann ekki að kóta tengla í athugasemd):

• http://hreinberg.is/?p=3035

• http://hreinberg.is/?p=3032