HS Veitur vara við óvissustigi, við hin óttumst glundroða

Svo vitnað sé í tilkynningu HS Veitna: "Óvissustigi almannavarna hefur verið lýst yfir vegna jarðhræringa á Reykjanesi. Landris hófst á föstudaginn 27. október nærri Svartsengi og virðist landið rísa mun hraðar en áður þó dregið hafi úr því. Er þetta í fimmta sinn sem landris mælist norðvestan við Þorbjörn á Reykjanesskaga síðan árið 2020. "

• https://www.hsveitur.is/um-okkur/frettir/ovissustig/

Þá er áhugaverð frétt á mbl, þar sem rætt er við formann Framsóknardeildar VG:

Segir hann:

"Við búum á Íslandi og við get­um ekki stjórnað nátt­úru­öfl­un­um. Við get­um reynt eins og hægt er að bregðast við en við get­um nátt­úr­lega aldrei verið búin að koma upp öll­um mögu­leg­um viðbragðstækj­um og græj­um fyr­ir alla mögu­lega at­b­urði sem geta komið upp á Íslandi,"

En ofar í fréttinni segir:

"Eins og fram kom í Morg­un­blaðinu í dag er eng­in vara­hita­veita fyr­ir Suður­nes frek­ar en ann­ars staðar á land­inu."

• https://www.mbl.is/frettir/innlent/2023/10/31/erfitt_er_ad_bregdast_vid_einn_tveir_og_thrir/

Fyrst þegar við sáum tilkynningu HS Veitna á FB í morgun, deildum við eftirfarandi sem athugasemd fyrir færslu þeirra: "Við erum enn í útlegð vætta frá apríl 2018, sem var endurstaðfest í júní 2023. Þú ert enn í afneitun."

Ég hef oft heyrt mér eldri menn hafa á orði, að þegar hitaveitan var lögð, var þess krafist að fólk afhenti olíukyndinguna og yrðu einháðir frekar en sjálfráðir.

Ljóst er að Þjóðríki sem borgar fimmtíu sinnum meira í erlenda loftskatta en til vegakerfis, eða tvítugfalt meira fyrir marxíska útskiptimenningu (Replacement culture) en í vegakerfi eða öryggisinnviði, en elíta* þess montar sig af innviðauppbyggingu skrifræðisbákns og gáfumenningar (Intelligentsia), sem ropar meir en hún raupar, lendir einn daginn með brækurnar á hælunum.

Ef greining okkar undanfarin ár, er rétt, svosem lagaleg greining síðustu vikna bendir til, að Íslenska þjóðríkinu hafi verið stýrt af þjófum, loddurum og ræningjum, allar götur frá 1918, og að Fjölnismenn nítjándu aldar hafi verið samsæri til undirbúningi ríkisráns, þá er eðlilegt að fólk hérlendis hafi smámsaman fyrnt (Depreciate) sín eigin verðmæti og loks sjálft sig, því eftir höfðinu dansa jú limirnir.

Jósúa Maríuson, sem Rómverskir nefna Krist, benti á að betra sé að byggja á kletti en sandi.

Hér má bæta við frumspekilegu vitundarfyrirbæri (Metaphysical Sentience) sem við gleymum iðulega að draga fram. Því okkur þykir munurinn augljós, en fæstir sjá. Fólk sem ber vitnisburð, er ekki að gera það í þeirri meiningu að heyrandinn eða lesandinn eigi að bregðast við með félagslegum hætti, s.s. með aðgerðum (Activism), pólitískri þátttöku, eða öðrum hætti.

Oft eru viðbrögð almenns fólks, þegar það íhugar áhugaverðan vitnisburð; og hvað á maður að gera í þessu, eða, hvað er hægt að gera í málinu, og svo mætti lengi telja. Þeir hinir sömu átta sig sjaldan á að þeir eru aldnir upp í maríneringu félagshyggjunnar, þar sem öll kennsla skólans, áróður fjölmiðla, eða stjórnmálastéttar, er hvatning (Compel) til viðbragða (í félagsmótun) annars vegar eða vals á foringja-aðgerð hins vegar.

Enginn munur er þannig lagað á milli trúarbragða eða félagslegs húmanisma; þó orðræða þessara félagslegu hópa hafi ólík viðfangsefni, er mótunarhyggja þeirra allra, og ópíum fræðinga þeirra, hið sama, með skelfilegum niðurstöðum.

Vitnisburður er allt annars eðlis. Hann er tjáning um gildismat og sýn á veröldina, hvort heldur hann þreifar á og upplifir hana, eða honum er sýnd hún og útskýrð.

Gildismat er hluti þess að moka upp efnivið sem þétta má í góða undirstöðu. Áróður og innprentun er blautur sandur. Sá sem liggur í kviksyndi fagnar hverjum þeim sem kastar til hans reipi, og þykist síðan ekki hafa afl til að draga hann á fast. Hinn er á föstu landi og spyr hvern sem kemur, hvaða þvætting færir þú í hlað?

Dæmi; við vitum öll að Lýðveldið Ísland mun ekki breyta sér í siðferðisríki, eða borgarar þess krefjast þess af elítunni* að fara að eigin lögum og breyta þykjustusiðferði sínu í alvöru, sama hversu mikið við rýnum lygar og rán, eða sönnum sífelld - og yfirveguð (deliberate) - stjórnarskrárbrot. Um vitnisburð er að ræða en ekki hvatningu til viðbragðs.

Sá sem hins vegar íhugar vitnisburðinn og kemst að raun um að hann hefur e.t.v. aldrei valið sér sitt gildismat sjálfur, gæti hafið gönguna frá innprentuðu siðferði, til þjálfunar og ögunar ábyrgrar siðfræði, tilveru sjálfs sín til heilla. Hann breytist úr útvarpsviðtæki ósýnilegrar hugsunar, í staðfasta og óbilgjarna sendistöð annarrar og traustari. Hann yfirgefur kviksyndið, fyrir hagsmuni og sálarheill sjálfs sín, eftir eigin ákvörðun - og mun nottla áfram kjósa ranga flokka og bulla eintóma vitleysu á bloggtúnglinu - en hann breytist úr mann-veru í manneskju, og augu hans munu uppljúkast fyrir mykjunni sem umvefur hann og hann verður bilað óhamingjusamur í langan tíma, og hann mun sakna þess tíma þegar hann trúði að hann væri hamingjusamur og stórastur í heiminum og að afstaða hans á þingi SÞ skipti þó engu máli.

Vitnisburður er bara það, vitnisburður, og spennulosun, og þú átt að vorkenna mér en ekki taka mark á mér, fyrir að geta ekki tileinkað mér leirhnoð og bergmál í samstilltum kórnum.

 

* Innlenda elítan er hluti hnattrænu Elítunnar - þessi greinarmunur fer oft ofan garðs og neðan. Enginn í yfirmenginu og alls enginn í undirmenginu telur sig hluta almennings, eða mannhafsins, frekar en aristókratarnir sem bjuggu þau til og lugu svo inn á okkur ókeypis atkvæðisrétti, sem við trúðum að væri einhvers virði, fyrirhafnarlaust.

3,7 stiga skjálfti og virknin eykst

Athugasemdir

[Ingólfur Sigurðsson, 31.10.2023 kl. 13:45]

Ef húsið hans afa míns að Digranesheiði 8 hefði ekki verið rifið hefðu aldrei byrjað jarðhræringarnar sem sér ekki fyrir endann á, og ef húsið hans Ingvars frænda hefði ekki verið rifið að Hábraut 4 hefði ekki verið rifið hefði Úkraínustríðið ekki byrjað eða þessi mynd Gazastríðsins. Allt er þetta heimsku fólki að kenna, sem vill ögra, sem þykist vera sjálfstætt og er í unglingamótþróa allt sitt líf. Þarna eru álfabyggðir og það er skýringin.

Þú ert einn af fáum Íslendingum sem hefur möguleika á að skilja þetta og virðingarinnar vegna útskýri ég þetta því. Þú hefur bloggað vel um álfa og huldufólk, og hef horft á þannig myndskeið með þér.

Takk fyrir, beztu kveðjur.

[Guðjón E. Hreinberg, 31.10.2023 kl. 13:52]

Takk sömuleiðis, Ingólfur, já ég sé að þetta er laukrétt, en líklega þyrfti dálítið langa ritgerð til að útskýra raunsæið fyrir hinum rökréttu.

Hlakka til að sjá hvort vinur okkar austan heiða hafi einhverju við að bæta.

[Magnús Sigurðsson, 31.10.2023 kl. 15:43]

Ég er ekki svo viss um að álfarnir séu agndofa þó innviðaráðherrann hafi komist á óvissustigið fyrir hádegi, það fer svolítið eftir því hversu rykaður hann verður seinni partinn. En vættirnir eru vaknaðir og það er aum þjóð sem rýfur sína sögu.

[Guðjón E. Hreinberg, 31.10.2023 kl. 16:26]

Góður :) - bestu kveðjur.