Dýrasiðfræðin og annað sakramenti frá [skin]heilögum kommúnistum (allra flokka)

Samanber meðfylgjandi sakrament úr tengdri frétt: "

Hval­veiðar við Íslands­strend­ur sam­ræm­ast ekki mark­miðum laga um dýra­vel­ferð. Þetta sagði Svandís Svavars­dótt­ir mat­vælaráðherra á opn­um fundi at­vinnu­vega­nefnd­ar Alþing­is um nýja eft­ir­lits­skýrslu Mat­væla­stofn­un­ar (MAST) um vel­ferð hvala við veiðar á langreyðum á Íslandi 2022.

"

Það samrýmist þó ólögum um dýravelferð að borða kjúklínga borgara og nauta hakk.

--Dáin menning

 

Ekkert í lögum um dýravelferð, snýst um dýravelferð. Ekkert. Þegar dýr fá mannréttindi, missir þú borgararéttindi. Til að úthluta Kommúnistum og Marxistum "réttinn" til að skilgreina þín, hefur þú afhent þau.

Vertu sinnulaus, eins sinnulaus og þú vilt; en þá ertu líka húsdýr Elítunnar.

Á sínum tíma þegar tíu ára börn í fullorðnum líkömum - á Ríkisþinginu sem uppnefnist Alþingi - ákváðu að setja lög um rétta meðhöndlun kettlinga og kjölturakka, var það vandlega undirbúið. Fyrst var blásið upp í fréttum Elítunnar að eitthvað fíbbl fyrir vestan hafði drekkt hundi sem hann átti með því að binda hann í bíldekk og henda út í á. Þegar sá spuni var búinn - atburðurinn gerðist en var blásinn upp í froðu, og hugsanlega sviðsett - var hamast í refa- og minkaveiðimanni sem elur upp veiðihunda; með allskyns tilfinningaríkum DV fréttum af hvernig hann sinnti hundum sínum. Hvergi kom fram hvort fréttirnar væru ýktar, stílfærðar eða hreinlega rangar, því kommúnistar leyfa ekki svör við siðferði (Morality) sínu, enda hafa þeir enga siðfræði (Ethics). Þegar þessir spunar höfðu kraumað smávegis tíma í fréttum þjóðarsálarinnar, kom smiðshöggið. Í ljós kom að einhver óprúttinn bóndi norður í landi hafði bundið kvígu eða kú aftan í traktor og dregið hana (liggjandi) eftir heimdraganum, henni til örkumls og þurfti að aflífa dýrið.

Nú var ljóst, að ef ekki væru samþykkt dýramannréttindi, þá værir þú hlynntur því að svona illa væri nú komið fram við dýr EF heilbrigð skynsemi yrði ekki sett í reglugerð. Já, því hreppstjórar og sýslumenn hafa brugðist við með heilbrigðri skynsemi í sex þúsund ára sögu siðmenningar þegar fíbbl, fávitar og þrjótar fara illa með dýrin.

Ég er sjálfur alinn upp í sveit og hef oft starfað í sveitum og hef aldrei verið vitni að því sjálfur að farið sé illa með dýr. Það merkir ekki að ég hafi ekki orðið vitni að umönnun dýra sem mér þykir ábótavant eða finnst að ætti að vera öðruvísi farið. Um tíma umgekkst ég mikið fólk í hundarækt og leitarhundaþjálfun og sakna ekki þeirrar menningar, því ég hef aldrei hitt fólk í þeim hópi sem getur umborið hvernig náunginn hugsar um sín dýr. 

Sitt sýnist hverjum. Það breytir ekki þeirri menningarlegu staðreynd að hvernig þú hugsar um húsdýr þín eða gæludýr kemur Ríkinu og prestum þess ekki við, né heldur hvernig þú veiðir villt dýr.

Hefurðu tekið eftir tilfinningaspununum nú undanfarið, um hvalveiðar, til að undirbúa hertar reglur kommúnismans?

Sem fyrr segir: Lög um dýravelferð snúast alfarið um að lögleiða þitt eigið sinnuleysi og siðblindu. Almennt siðrof.

Ef þú sérð ekki í gegnum spuna og þjóðfélagsverkfræði, áttu að fara í allar sprautur Elítunnar og ekki sóa tíma þínum í að lesa heilbrigða skynsemi (Common sense).

Hafir þú til að bera raunsæi, ertu að undirbúa flótta eða ert tilbúinn.

 

 

Glöggir munu taka eftir að á viðhengdum myndskeiðum eru ómannúðlegar gaddavírsgirðingar! Maður er alveg bit yfir slíkri meinfýsni (Wickedness). Sem minnir mig á að þú borðar of mikinn sykur og því er nauðsynlegt að hækka sykurskattinn.

 

 

 

Óvissa um framtíð hvalveiða