Fimmtudagur, 8. desember 2022
Hvað með Ærðatréð?
Vafalaust hafa athugulir veitt því eftirtekt að sérfræðingar hafa nýverið flokkað furutré sem illgresi. Það mun hins vegar æra óstöðuga að reyna að skilja hvernig það er rökstutt, nema þeim sem trúa á dulspeki á borð við kolefnisfótsporið.
Skógareyðingar eru eitt af því sem mín kynslóð var alin upp við að trúa í blindni. Um 1980 var það vísindaleg staðryend að Amazon skógarnir, og aðrir regnskógar, yrðu horfnir um og upp úr 2010. Að fljótlega myndi allt líf á jörðinni kafna úr súrefnisskorti.
Enginn elítu-miðill segir þér frá því að vöxtur skóga og runnagróðurs hefur aukist og breitt úr sér um 25 til 30 prósent síðan 1970. Enginn birtir samanburðarkort af skógargróðri Evrópu, til samanburðar við notkun eldiviðar - eða smíðatimburs - síðustu 2000 árin.
Já, ég hef séð slíkar samanburðarmyndir, og leitað eftir þeim; Evrópa ræður ekkert við skógana sína, eina leiðin til að álfan kafni ekki úr trjám og runnum er að hætta að kynda eða matreiða við gasloga og hefja aftur eldiviðarnám.
Ærðir og óstöðugir vilja ekki vita þessa hluti, né heldur bera sig eftir að sannreyna hvort þetta standist. Þeir eru á leiðinni til Tene, að skoða umheiminn. Þeir trúa því að beljuprump muni eyða öllu lífi á jörðinni, nema Öfga-Vinstrið frelsi þá frá sjálfshatri sínu.
Að taka mark á kommúnistum - eins og öðrum sósíalistum - er andlegt og vitsmunalegt sjálfsvíg.
Fura er illgresi, helmingur þess sem þú gætir sagt er hatur eða sósíalískt guðlast, heilbrigð menning er hægri-öfgar, flensa er nú skæð farsótt og skyndilega er helmingi mannkyns smalað í allsherjar lyfjatilraun; og þess vegna veistu að þetta reddast, því Pútler er svo vondur, nema Nefndin (Sovétið) segi annað.
Og vísindi? Skilgreindu hvað það er, á meðan það er ekki bannað.
Mannkynið er dáið. Dautt fólk á ferli.
Bæn.
Iðrun.
Vitnisburður.
Fyrirgefning.
Umorðun; fetaðu sjaldfarna veginn að nálarauganu. Það er engin önnur leið opin.
Viðót, 19:18.
![]() |
Innflutningur sem stuðlar að skógareyðingu bannaður |
Tilkynna um óviðeigandi tengingu við frétt |
Athugasemdir
Góður pistill Guðjón, -lýsir því vel hvernig skórækt breyttist í órækt á 40 árum.
Það voru fréttir af því í sumar að við Barcelóna væru yfirvöld farin að skoða að verða sér út um suðafé til að beita á óræktina til að minka hættu á að skógareldar breiddu úr sér í lággróðri.
Hér á Héraði eru 30 ár síðan Skórækt ríkisins hóf massa órækt með samningum við bændur, þannig að Héraðið er nú orðið líkast strikamerki, eða eins og heil helvítis Svíþjóð.
Hungurvofan gægist nú orðið út um hverja gátt til sveita. Enn hafa, sem betur fer, útigrillandi flækingar ekki náð að kveikja í óræktinni, enda brynni þá Héraðið stafna á milli.
Búfénaður er allur á hverfanda hveli, eða þá ekki komin yfir móðun amiklu. Þá dettur kolefnisgáfnaljósunum, sem fórnuðu arfleiðinni og landi feðranna, helst í hug að reisa vindrellur til að standa logandi upp úr óræktinni líkt og í þykkvabænum, sælla minninga.
Maður er alveg hættur að átta sig á hvað hefur farið úrskeiðis á milli eyrnanna á þessu liði. Sennilega er það alveg rétt til getið hjá þér, að um vitsmunalegt sjálfsvíg gæti verið að ræða.
Magnús Sigurðsson, 8.12.2022 kl. 19:04
Mæltu manna heilastur.
Guðjón E. Hreinberg, 8.12.2022 kl. 19:20
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.