Rautt pasta

Eins og allir vita eru til tímagáttir í sumum Evrópskum skógum, yfirleitt nálægt tærum lindum sem spretta fram við sögusteina. Sosum ekkert merkilegt.

Einhverju sinni álpaðist William Shakespeare inn í skóglendi í Staffordskíri á Englandi, og fann slíka lind við sögustein, en álpaðist óvart í gegnum tímagáttina.

Líklegast var hann eitthvað annars hugar.

Skyndilega var hann staddur árið 2012 í Sheffieldskíri á Englandi, því búið var að byggja úthverfi þar sem hann hafði álpast að lindinni, og sú tímagátt virkaði einungis í aðra áttina.

Næstu misserin eyddi William þó nokkrum tíma í að finna nýja tímagátt og læra um slíka leyndardóma í fornum bókum sem hann gróf upp í fornbókabúðum.

Hann vildi, jú, heim.

Vandinn var að þó hann sé - væri - fremsti ensku maður allra tíma - og að sumra mati höfundur enskrar tungu - og líklega enskari en allt sem enskt var/er, þurfti hann að betla sér til viðurværis.

Enda var litið á hann skilríkjalausan sem ólöglegan innflytjanda og þó hann fengi bráðabirgðavistarleyfi af mannúðarástæðum, fékk hann ekki að taka nein enskupróf svo hann gæti t.d. séð fyrir sér við enskukennslu, því hann hafði ekki nein önnur tilskilin skírteini.

Þegar William loksins fann aðra tímagátt, í skóglendi vestur af Waterford á Suður Írlandi, skrifaði hann Lé konung, og síðan frægast alls, Macbeth.

Svona sérðu nú visku reglugerða og vottunarskírteina og annarra stofnana úrræða. Þú veist aldrei hvaða gott þær leiða af sér. Soldið eins og hreinar kaþólskar meyjar segja um anal, vont en gott.

Þetta veit elítan og því streitist hún við að kreista okkur eins og tóma tannkremstúpu. Aldrei að vita nema útkoman verði "rautt kvikasilfur."

Þú veist söguna um rautt kvikasilfur og nasistana og tannkrems "pastað."

Ah, þú kannt bara skólanámið og fréttabrunninn.

Sorrý.

 

e.s. Nú veistu hvernig Villi hitti Önnu Jónsdóttur frá Heiðarsveitarkoti ... sem var "vinnukona" hjá honum og samdi allar sonnetturnar.

Það er ýmislegt til, og margt af því blasir við, en þú getur ekki séð það, veist það ekki og því síður hvers vegna. Sem væri alltílæ, ef sú orka væri ekki mjólkuð úr þér til að kúga okkur hin.

 

 

 

Til eru menn sem hafa farið heim af balli með [sel-]urtu, og átt með henni skyndikynni, en gætu aldrei trúað því þó þeim væri það sannað, en vita mega hvers vegna hún gaf þeim ekkert símanúmer morguninn eftir.