Viðbótarfærslan (Addendum)

Til viðbótar við tvær síðustu færslur, má nefna að tveir alþjóðabánkar hafa nú risið. NDB banki BRICS samtakanna hefur litið dagsins ljós, í hægum og þéttum skrefum undanfarin þrjú ár, en nú um helgina var ákveðið á SCO fundinum að stofna SCOD bankann.

 

 

Síðan "Vestrið okkar" var svo snjallt að loka og valdnema (Occupy) bankainnistæður rangstæðra ríkja á undanförnum þrem árum, hefur því þrennt gerst.

a. Kína, Rússland, Íran og Indland hafa öll hafið þróun á nýju SWIFT kerfi og hafið samstarf sín á milli um notkun þeirra, og fer það samstarf fram meðal BRICS þjóðanna. Þetta merkir að SWIFT kerfið sem hingað til hefur verið svo til einrátt í milliþjóða færslum, er búið að vera, og þar með gæti öflugasti banki allra tíma (BIS) misst allsherjarvald sitt yfir seðlabönkum heimsins, þ.m.t. Vesturlanda.

b. Tugir þjóðríkja í þriðja heiminum hafið takmarkanir á hversu mikið þær vilja versla með Petró Dollaranum - eða gera alþjóðaviðskipti sín í Dollurum - og samhliða þessu hafið flótta frá Vestrænum bönkum. Sérstaklega er þetta algengt meðal fjárfesta og fjárfestisjóða á almenna markaðnum.

c. Loks hafa litið eða eru að líta dagsins ljós tveir öflugir bankar sem með beinum hætti skáka allsherjarvaldi World Bank og International Monetary Fund sem hingað til hafa verið svipa UN/UK/US á heiminn.

Þessi fjárhagslegi flótti - eða EXODUS frá City of London og Wallstreet er eins og aurskriða, því svona skriður fara hægt af stað, menn vilja ekki hreyfa við fjármálaferlum sínum og farvegum, nema þeir telji sig tilneydda, og aurskriður skipta ekki um stefnu, lagðar af stað.

"Sorrý, það ert ekki þú, það er ég." --Heimssamfélagið

Rétt eins og fólk sem fylgdist vel með þegar vestrænir bankar hófu fyrir fjórum árum að loka á bankaviðskipti fólks með óreiðuskoðanir og enginn fjölmiðill vildi ræða það, og jafnvel þjóðarleiðtogar lentu í bankabanninu, hóf fólk að geyma fé hjá fyrrverandi frekar en hjá kommúnistabankanum. Eins er notkun reiðufé að aukast, því fólk veit hvað er að gerast með miðlægu rafmyntirnar (CBDC) sem eru að yfirtaka fjárreiður fólks þegjandi og hljóðalaust þ.e. í vitorði með fjölmellumiðlurum.

Fólk sem lítur út fyrir appa svæpið er orðið skíthrætt.

Þar sem minn ræðir ekki við Antivista og Samsæraútskýrendur og hefur áhuga á að komast að í samræðum við sér yngra fólk, hvernig það sér heiminn, er rétt að vitna í unga móður sem vinnur í iðngeiranum og ungan háskólamenntaðan föður: "Maður er að hætta að horfa á fréttir, því þær hefjast allar á hörmungum og "shock factor" og eru allar eins hjá öllum miðlum, og lífið sem í boði er í Þjóðfélaginu rígbindur mann í verðbólgu og okurvexti, og rænir mann öllum sjálfs-áhrifamætti; svo maður lifir í "skelfingarástandi."

Grínlaust, þá er þetta það sem unga fólkið er að segja manni. Skelfingarástand, í mestu siðmenningu allra tíma, og við erum að ræða hér um fólk sem trúir ekki á samsæriskenningar, heldur trúir elítunni, mætti fúslega í sprauturnar, og hlýðir múgsefjun samfélagsins vitandi vits.

Kannski flókin færsla. Einföldum.

Þriðji heimurinn er að yfirgefa Vestrið, fjárhagslega, og hratt. Vestrið var þá þegar búið að leggja niður eigin iðnað, fyrir áróður frá IPCC, og síðan sprauta glundri í ónæmiskerfi og sálar-og-getnaðar-líf fólks, og breyta eigin efnahagslífi úr framleiðslu og iðnaði, yfir í þjónustu og ríki, og stjórnmálum, menntun og samræðum, í froðufellandi nefndir - eða flókna texta með löngum orðum sem segja akkúrat ekkert.

Fólk er á sama tíma hætt að treysta þjóðarleiðtogum sínum og öðrum í fararbroddi innri samfélaga þess. EXODUSið er í raun hafið, en það er ósýnilegt, enn. Því eins og við útskýrðum í stuttu og vel þekktu myndskeiði, sumarið 2012, þegar orðræða Endurreists Þjóðveldis fæddist; þú yfirgefur hugarlandið, ferð í bátana og nemur nýtt hugarland.

Glundroðinn sem við spáðum réttilega fyrir og hefur aukist frá misseri til misseris, hefur enn ekki hámarkast, og því miður eru engir á radarnum sem viðhafa neina þá orðræðu, er fólk treystir, til að glundroðinn verði friðsamlegur og yfirvegaður þegar fólk snýr baki við þeim kerfum og hugmyndafræðum sem í dag rammar það inni og njörvar niður.

En aftur að efni færslunnar. Við bentum á í síðustu tveim færslum, með skírskotun til bæði liðinna tíma og núlíðandi, að fólki er sagt akkúrat ekki neitt. Þessi er létt viðbót við hið sama.

Vestræna fjármálakerfið hangir núna á einni horrim, og aðeins einni, Tariffaconninu hans Trömp! Kerfið er steindautt: Fjárhags og efnahagslegt Siðfall (Implosion)!

Forðaðu monningunum þínum úr landi!

Um leið má draga fram annað stórt atvik sem gerðist á dögunum, þegar Pistorius stríðsráðherra Þýskalands skammaði forvera sinn hennar hátign Von der Leyen, fyrir að ætla sér stríðsgjörninga sem hún hefur enga lagaheimild til. Atyrðingin er af því tagi, sem ekki hefur leyfst í ESB undanfarin ár, og hefur talsverðan þunga, með tilliti til Eurocorps svikamyllunnar.

... aftur, kvöldkyrrð (Crickets) hjá þeim sem við treystum til að upplýsa okkur, en hér mætti rita lánga færslu um hversu stór frétt er hér á ferðinni.

... SorosÍsland segir manni ekki einu sinni frá að loksins á að sækja Soros veldið til saka í Vesturheimi, eða FBI rannsóknin á John-Bolton-neocon-in-chief!

... eða bannaðasta umræðuefni hér á Stórastamöggins, þegar lög og réttur breyttist í nýja útgáfu af sýndarréttarhöldum Stalíns, til að hundelta alla þá sem vilja viðhalda Sið og Menningu!

Má bjóða þér snákaolíu? Hún lagar alla kvilla, en þú þarft samt að leita til læknis til öryggis, eða af lagalegum ástæðum. Engin spurning.

Snákolían ku vera unnin af Brazilískum töfralæknum (Shamans) úr eitri sjaldgæfra snáka sem búa á Brazilískri eyju og nær enginn kemst út í eyjuna nema fuglar sem lifa á að ræna snákum og sleppa þeim úr hæð svo þeir drepist, og steypa sér síðan til að éta þá. Slíkir fuglar eru algengir í hitabeltinu, en sjaldan hægt að temja þá.

Fuglatemjarar þarlendir, ekki af Íslenskum ættum, hafa náð að þjálfa og rækta afbrigði af þessum fuglum til að ná í hið sjaldgæfa snáka eitur og blanda það saman við sérvaldar ilmkjarna olíur, s.s. lífrænt ræktaðar kaldpressaðar jómfrúar, svo og dash af Frankincense og Myrru og eitthvað fleira sem er snákolíuvísindalegur leyndardómur.

Glasið af 10 ml kostar aðeins 90 dollara, er mér sagt. Virkar súper vel. Amma tók þetta daglega vikurnar áður en hún hrökk uppaf, og hún var bilað hressari afessu. Sagðún.

Gvúarantííd!

En að öllu gríni slepptu, þá er minn svo leiður á nýjasta frasanum undanfarin tvö ár, hjá alþjóðagrínendum sem nefna sig rýnendur og hafa nær aldrei frætt mann, I have a bridge to sell you.

Það er hvergi neitt ímyndunarafl lengur ...

OG NEI VIÐ ERUM EKKI AÐ SELJA NEINA SNÁKOLÍU.

Elítan er snákurinn, og hún sprænir í æðarnar á þér, Ríkið er komið inn fyrir skinnið, ef þú manst.

Má bjóða þér sjaldgæfa snákolíu? Hún virkar eins og maltöl. Bætir, Hressir, Kætir, og er alveg Ljómandi góð. Hún læknar sinnuleysi, sjálfumgleði og tækifæraflótta, fljótt og vel.

 

Athugasemdir

[Magnús Sigurðsson, 2.9.2025 kl. 20:58]

Góður Guðjón, -bætir, hressir og kætir, -og eikur útlitið, gleymdu ekki því.

Bestu kveðjur.

[Guðjón E. Hreinberg, 2.9.2025 kl. 21:50]

Takk fyrir að líta við, Magnús.

Hálf maltöl á dag, hjálpar þarmaflórunni eftir sýklalyfjagjafir, en aðeins ef maður fær enga brazilíska snákolíu.

Bestu kveðjur.