Lokafærslan - 20250607

Svo lesendunum fjórum komi það ekki á óvart, en ekki verður sett meiri orka eða tími í þetta krafs. Mun loka þræðinum og fjarlægja færslurnar í vikunni. Þetta er orðið ágætt.

Ekkert panikk eða neitt - bara leiður á að blogga hér, og á þennan hátt. Afritið verður sett upp á not.is, eins og gert var síðast þegar minn fékk nóg.

Bestu kveðjur.

 

Athugasemdir

[Ingólfur Sigurðsson, 8.6.2025 kl. 00:42]

Þú ert einn af beztu bloggurunum hér, ekki spurning. Það eru margir sammála. Lesendur eru frekar nokkrir tugir og uppí hundrað eða meira þegar bezt lætur. Það er ekki svo slæmt. Þú ert auk þess virtur af jafnvel fleirum en lesa þetta daglega, en sízt eru allir sammála, heldur ekki hjá þeim vinsælustu.

En ef þú ferð og fjarlægir þetta, þá vona ég innilega að þú komir aftur.

Páll Vilhjálmsson er ekki eins beittur og áður. Búið er að hræða hann með ofsóknum.

Magnús er allavega í fríi núna, og ýmsir góðir eru látnir, eins og Halldór nokkur. Ég fullyrði að gæðin á bloggsvæðinu í heild minnka mikið án þín.

En að endurskipuleggja sig og breyta starfsaðferðum getur verið gott.

Ég til dæmis er hundleiður á að fjalla um eitthvað sem enginn les en mér finnst merkilegt. En ég hef líka áhuga á allskonar bulli um pólitík. Finnst skárra en ekkert að fjalla um það.

Ef þú ferð þá er aðeins eftir "stýrð andstaða", nokkurnveginn. Allt í sömu hólfunum. Þú ert ekki þar, alveg nauðsynlegur í þetta.

Annars takk fyrir góðar færslur, hvað sem þú gerir.

Beztu kveðjur.

[Guðjón E. Hreinberg, 8.6.2025 kl. 01:21]

Takk fyrir hlý orð og hvatningu, Ingólfur. Ef ég þekki sjálfan mig rétt, verður þetta bara pása, en hef oft tekið slíkar.

En mér hefur liðið þannig undanfarið maður hrópi inn í gímald, og það er vond tilfinning. Ég kann vel að meta þau viðbrögð sem ég hef fengið frá hugsandi fólki, og þá vináttu sem myndast hefur í gegnum þetta.

En já, ég þarf að taka smá pásu.

Bestu kveðjur.