Þrautir þreyttar í þolgæði

Fólk sem rænir, kúgar og drepur fólk, eru ekki fólk, heldur djöflar sem staðfærast (Manifest) sem fólk, þeir hata fólk Guðs og gera allt sem í þeirra valdi stendur til að vinna því mein, og best ef þeir geta tælt það til sjálfsmeina. Djöflar þessir virðast hata fólk, og allt sem lifir í heilbrigði, sem ályktast svo að þeir hati Skaparann sjálfan eða Guð.

 

 

Þú berst ekki gegn djöflum, en oft þarftu að standa gegn þeim, því - samanber framangreint - ef þú til heyrir Guði þá berjast þeir gegn honum. Þitt er að tileinka þér Guðdómleg gildi - þau loka gáttunum sem þeir laumast um að þér - hvernig svo sem þú lærir þau; hver svo sem kreddan (Dogma) er sem kennir þau, hvernig svo sem lífið slípar þau.

Það er því Guð sjálfur sem djöflar herja gegn, og hann svarar þeim, þitt er að þreyja; og biðja útdilkunar (Deliverance) svo helvítið sem þú upplifir umbreytist óháð stað og tíma í hið guðdómlega ástand (Divine State).

Virku vopnin þín, eru Bæn þar sem þú opnar alla sál þína fyrir Skapara þínum og þú lokar aldrei bæn, Iðrun þar sem þú gengst við öllu í eigin sál og huga sem þú helst vilt sjálfum þér hylja og fyrirverð þig ekki fyrir hið eitraða því það heilast þegar þú hleypir ljósi Guðs að eitri hyldýpis (Abyss) og sjálfvönunar, Fyrirgefning þar sem þú lærir að sjá þann sem þú varst og í krafti þess sem Guð hefur gert þig vegna heilunar þinnar getur séð þann sem síðar verður og fyrirgefur honum og í leyndardóm færð fyrirgefið öllum þeim sem leyft hafa eitri dímona og flónsku að áhrifa sig, loks Vitnisburður þar sem þú finnur hugrekki til að viðurkenna það sem þú varst og það sem þú gætir verið og vitnar um alla þá illsku sem á vegi þínum verður ytra sem innra.

Einfalt, ekki alltaf auðvelt, en þú styrkist í því sem gott er.

Saúl frá Tarsus - eða Páll postuli - útskýrði þetta þó betur, á tvennum stöðum, að baráttan sem við eigum í er ekki við hold og blóð heldur andaverur vonskunnar, og, allt megna ég fyrir hann sem mig styrkan gjörir. Svo er þessi þriðji, ég er gjörþekktur orðinn.

Einfalt?

... þú veist að þetta er að skila sér þegar þú sérð fólk bregðast við þér sem verður og þú veist ekki hvað varð af þér sem var, því eyðimerkurgangan hefur breyst í aldingarð, innaní.

... við erum jú í útlegð - áttavillt í völundarhúsi sjöþúsund spegla - og grýtt leiðin er greið, en leiðarvísirinn er handleiðsla persónulegra vensla (Relation) við Skaparann sjálfan, sem er Sannleikurinn Vegurinn Lífið.

Hvernig kemstu út úr völdunarhúsi?

Hvernig þræðir þú nál með reipi?

Þú ræðir við þúveisthvern.

Ekkert annað skiptir máli, ekki einu sinni þú.

Athugasemdir

[Magnús Sigurðsson, 28.5.2025 kl. 13:37]

Góður Guðjón, -amen.

Bestu kveðjur.

[Guðjón E. Hreinberg, 28.5.2025 kl. 14:29]

Takk fyrir, Magnús, og bestu kveðjur.