Og "í Liverpool eru framleiddar saumnálar"

Ég geri ráð fyrir að meistari Þórbergur fyrirgefi, stuldinn á háðinu, en þegar tengd frétt er lesin, kemur upp í hugann háð hans í Ofvitanum á menntun samtíma síns. Því ekkert hefur breyst, flónska, skammsýni, rörsýn og fjötur einkennir þá sem varða alla upplýsingu og vit.

Svipað því þegar Gunnar Dal sagði, með öðru enn beittara háði, "Mogginn er Biblía Íslendinga" því þó eggin í háðinu skiljist hraðar hér en hjá Þórbergi, þá skilst hún betur síðar, jafnvel mörgum árum síðar, þegar fattast hversu djúpt var skorið.

Við útskýrum ekki nánar, hvorki Tobba né Gunna, ekki hér, því mesta háðið er þegar hvert orð er valið, misserin út og árin inn, og ræðan ofin þannig að hugum skilst en leiraðum kjánalegir tötrar.

Þessa list tekur mörg ár að læra, og mörgum bögum fleygt fyrir róða, en hún endar á þann veg að maður skilur ekki sjálfan sig, og þá er nýtt þrep klifið.

Má þó benda á, eftir orðapjátur tengdrar fréttar, að hið eina sem er áhugavert við snillínginn Noruh Jones, er föðurbróðirinn og það sem gerði hann frægan, en til að finna það út, fattarðu Sítar, og pabbann og systurina, og leyndardóm andans sem gengur í erfðir og smitar út frá sér, sem ég skil ekki en fjölæringar hafa allir velt fyrir sér í gegnum aldirnar.

Þegar fólkið sem fræðir okkur, vinnur enga heimavinnu né heldur ber virðingu fyrir sjálfu sér, fáum við ekkert að vita annað en grjón og baunir í vanelduðum graut, en þegar við höldum að það sé veruleikinn, og að bergmálið í leiraðri sálinni sé eitthvað annað en ekkert, endum við sem fórnardýr í vaxhöllinni, og þá þarf að útskýra sumum að hér sé ekki rætt um Vaxhöllina 21.

Þetta er soldið eins og með fólkið sem trúir á flata jörð og Cheimtrails, og verður reitt þegar maður segir, að það tákni eitthvað annað.

 

Norah Jones á leið til Íslands