-þjóðarauðlindin-

Ein skemmtilegri rökvilla (Fallacy) hér á Stórastamúgsefjunarlandi, eru þjóðarauðlindirnar, svo og hvað þjóðin á og hvað þjóðin á ekki. Þetta hefur sótt á, undanfarið, að ræða betur, því það situr í mínum þegar einn af áhrifahvötum þjóðfélagsins sagði fyrir fáeinum misserum; þjóðin getur ekki átt neitt.

 

 

Setningin stuðaði minn á sínum tíma, og hann fann múrverkið hrynja utan af sumum heilaþvottasúlunum, og smámsaman sá hann hversu augljóst þetta er. Jafnframt að þú getur ekki útskýrt það.

Annað hvort trúir þú því að þjóðin geti átt eitthvað, eða ekki, en hverju sem þú trúir; hver svo sem elítan er hverju sinni, hún hirðir það sem henni sýnist og kallar það hvaða heiti sem hún kemst upp með.

Ræðum annað stak sem hér kemur inn í, því það blasir við, sumum en öðrum ekki, hvað er auðlind. Er vatn, fiskur og súrefni auðlind, eða er bergolía og gull auðlind? Allt saman, hluti þess, eða ekkert af þessu.

Þegar við segjum hér framar, þetta hefur sótt á, undanfarið, er það því okkur langar að Spennulosa, en hikum við, því hvað er Þjóð, hvað er Auðlind, hvað er Eign, hvað er Réttur. Augljóst er að efnið gefur tilefni til langrar færslu, og maður þarf að vera í stuði fyrir langar færslur, og finna lög til að skeyta inn í færsluna, og tja, andinn þarf að vera til staðar, eða þannig.

Í gær var mínum sýnd hér í bænum, færsla sem minnti á téða segð*, þjóðin getur ekki átt neitt, svo minn hugsaði þegar heim kom, get ég um helgina spennulosað þetta? Síðar sama dag var honum hótað ofbeldi á FB fyrir að trúa ekki sjúkdómsgreiningum elítunnar á ADHD ... sem setti dálítið úr jafnvægi.

Hann var jafnvel uppnefndur kommúnisti fyrir að efast um rétttrúnaðinn, sem er enn áhugaverðara! En hér er naglinn negldur: Hvað er þjóð? Hvað er ADHD þjóð? Hverjir eru Kommúnistaþjóð?

Þjóðríkja húmanisminn lítur t.d. á allar handhafa allra Franskra ríkiskennitalna sem franska þjóð. Eins er hér á Íslandi, en margir hérlendingar líta einnig svo á, að það hafi eitthvað með gen* að gera, sértu fæddur á Íslandi af Íslenskum foreldrum sem eru af Íslenskum foreldrum (þó fluttir væru t.d. til Lúxembúrg eða Noregs) sem aftur tala Íslensku og líta út eins og blanda af sunnlendingum og skagfirðingum og ... þá ertu íslenskrar þjóðar í merkingunni þjóðþáttur (Ethnicity).

... og þetta er augljóst.

Reyndar hefur þetta breyst, því undanfarna kynslóð (fjóra til sex áratugi) hafa komið blöndur inn í landið, ef þú t.d. heitir pólsku nafni á borð við Pavel Bartó og skrifar betri Íslensku en jafnaldrar þínir og ert klárlega alinn upp í innlendum barnaskóla og átt vini af Íslenska þjóðþættinum, sleppurðu inn fyrir gættina og þar með kvittað fyrir að börnin þín eru "Íslensk."

Er þetta flókið?

Þetta er rugl - en það hugsa allir svona.

Sveitungar Íslands sem bárust á banaspjótum mest alla sextándu öldina - í kyrfilega þaggaðri borgarastyrjöld sem þá var háð um mest allt land - voru minnst tveggja þjóða. Næstu öld á eftir, auðkenndu þeir sig, sem töpuðu, við Jón Arason biskup, þeir væru hans, hreinlega af honum komnir. Margir flúðu þó til Danaveldis, þaðan til Færeyja, og er þjóð Jóns biskups Arasonar þokkalega fjölmenn á bæði Íslandi og í Færeyjum.

Kona nokkur fædd 1914 í Laxárdal í Skagafirði, gretti sig og hristi höfuðið, ef maður hélt því fram að Skagfirðingar, og Austfirðingar væru sama þjóðin, og hún mundi þegar tunga þeirra var ólík. Að taka í mál hvort Þingeyingar yfirleitt væru Íslendingar, krafðist samræðna!

Allir sem búið hafa lengur en þrjá mánuði í Þingeyjarsýslum vita vel að þetta þarf ekki að ræða, svo við rekjum ekki frekar. Hver sá sem búið hefur í bæði Borgarfirði og meðal Húnvetninga, veit vel að þeir eru ekki sama þjóðin, og að einungis Borgfirðingar sjá húmorinn í því.

En þú ræðir þetta ekki við Sunnlendinga, það er ekki hægt, og því aðeins við Reykvíkinga að þeir séu með kaffibolla við hendina. Þú getur rætt svona hluti á Reykjanesinu, svo og í Suðursveit, og á völdum fjörðum fyrir vestan. En þú þarft næmi fyrir andanum, eða þannig.

 

 

Ég er t.d. ekki Íslendingur, ég er Herúli, og hef farið djúpt í þau fræði með útskýringum í Arkívinu. Ég sé nákvæmlega enga ástæðu lengur til að útskýra fyrir "Íslendingum" hvað ég á við, og viti menn, ég hef kynnst öðrum Herúlum, sumum fæddum hérlendis, öðrum í Póllandi, jafnvel í suðvestur Evrópu, og ég veit af Herúlum víðar, og ég veit að enginn þeirra - eða nærri því enginn þeirra - mun samþykkja mína skilgreiningu á því, og viti menn, bæði þeim og mér er slétt sama.

Það er galdurinn við þjóðina. Þú þarft ekki að rökstyðja hvað hún er, hún er, eða hún er ekki.

Hún á ekkert, nema þegar Hrói höttur spilar á hana og stofnar Nefnd, eða Sýslinn í Nóteringaskíri en það varir yfirleitt ekki lengur en tvær til þrjár kynslóðir.

Það eru til margar skilgreiningar í fræðum mannssögunnar yfir hvað er þjóð og hvað ekki. Utan fyrrgreindrar dul-skilgreiningar*, líkar mér best sú sem Mummi Spámaður kom fram með, að þjóð væri hópur fólks sem hefði sömu heimsmynd og sömu táknfræði til að tjá hana [þannig að hún skildist óháð tungumáli eða útliti], og þegar aldingi skilur þessa skilgreiningu, sér hann hversu margar þjóðir eru í kringum hann, og hvernig þær skarast yfir svæði og höf, og hann áttar sig á því að þjóð getur alls ekki átt auðlind, en auðlindir þjóðar eru hugarnir sem setja hana saman. Þar byrjar það og endar.

Öll umræða umfram þetta, eru áróðursmúrsteinar sem loða saman á þreyttu steinlími.

Að öðru leyti, hlýtur að vera ljóst, þeim sem vitað hefur lengur en í áratug að landið getur ekki framleitt nóg rafmagn til að selja úr landi, að elítan sem endalaust ræðir um rafstreng til að selja straum úr landi, er sama elítan og viðheldur þeirri vitleysu að landið eigi auðlindir sem eru ekki auðlindir.

Að lokum grunar mig að "ríkiselítan" þakki stórustumúgsefjunarþjóðinni fyrir að hafa bæði fyrirgefið sér Hrunið og Sprautuna, og afhent sér allar upphugsaðar og óhugsandi auðlindir "þjóðarinnar" með útstrokuðu ókeypis blýantsstriki á brenndum pappírsmiða.

Á skemmtilegri nótunum.

Ræðandi um þjóðþætti að öðru leyti, getur verið skemmtilegt. Þú getur séð á fólki frá Normandy, Kent, Vallóníu og Jótlandi, að þau eru Norðursjávarfólk, og ef þú segir þeim það, og minnist á genaminnið eða frumuminnið, lifnar yfir árunni þeirra og samræður verða skemmtilegar og tveir áratugir af heilaþvotti hrynur af þeim.

Þú þarft þó að fara varlega í Gautana við strendur Prússlands, Litháens og Lettlands, því þeir gætu hvesst á þig glyrnunum, sérstaklega þeir sem eru með Teftónagen, en farir þú varlega verður þetta líka skemmtilegt. Veistu t.d. hversu margir Grikkir í Anatólíu þykjast í dag vera Tyrkir, eða hversu stórt svæði Tyrkjkalands lítur á sig sem Armenskt (Hittítskt) en viðurkennir það ekki opinberlega, eða hversu mikið af Circassian fólki er um allan heim og hvernig Óttómanar bjuggu þá til og í hvaða tilgangi?

Skemmtilegt, efni, og það sem er bilað gaman við það, er að alveg sama hversu vel múraður heilaþvotturinn er, það tekur sekúndur að myljann, og mínútur að sópann, en vikur að skrúbba.

Og loks Spennulosun á Óreiðuskoðun dagsins:

Hvernig tókst elítunni að sannfæra þig um að á landinu finnst hvorki vinnanlegt gull né demantar, og að ef slíkt finndist á landinu þínu eigi elítan allan rétt á því, og hvernig tókst henni að fela fyrir þér að stjórnarskráin þín (Réttlætissáttmálinn) skilgreinir ekki ábyrgt dómsvald, og að aldrei hefur verið staðið við aðskilnað valds hvað þá eignarétt!

Smáviðbót fyrir grúskara.

Frá um það bil 750 AD til 1066 AD stjórnuðu Jóskir og Frísneskir furstar (Norðursjávarfólks) öllu sem þeir vildu á því sem þá hét Brittanía, frá Jórvík í norðri, til Kantaraborgar í suðri, og Lífslaugar í vestri. Næstu tvær aldir þar á eftir hafði valdið færst til Normanskra fursta (Norðursj...), en þeir blönduðust smámsaman við það sem Danir og Pendragon ættin uppnefndi Anglóna og Saxóna. Á þeim tíma voru notaðar ýmsar mýtur til að segja nýsamdri-ensku-þjóðinni að þeir væru Englendingar og hvað það sé, með ótrúlega krúttlegum árangri.

Aðdáendum Tolkiens má vera ljóst, eða ekki, að hann hafði mikinn áhuga á þessu atriði og áhyggjur, og að Silmarillon var ólokið uppkast af ástæðu.

Já, Tolkien var hugsanlega drepinn.

Hugsanlega ekki.

Sama var gert á Íslandi eftir fyrrnefnda borgarastyrjöld, rétt áður en fulltrúi Dana hérlendis rændi öllum jarðabókum landsins og endurskrifaði sumar og brenndi sönnungargögnin.

Kannski hefur það komið fram nú þegar, en hverjar þjóðar þú ert, hver genin þín er, kemur engum við nema þér sjálfum, og hvernig hugur þinn er múraður inn, ætti að vera þér verðug glíma. Þar hefst líf þitt, og endar.

... nema nottla Fullsprautaður sért!

Þá ertu Gatesþjóðar í umboði Genaþursins í Vatnsmýrinni, þar sem áður fannst gull, og nú er soðið í potti.

Án gríns!

Þú þarft ekki að trúa þessu, en vita máttu að eigendur þínir gera það.

Bíddu; þegar barónarnir sömdu 1215 AD við Englandskóng, um stjórnarskrána Magna Carta, í lok fyrrgreindrar enskrar þjóðarsamsuðu, var samin önnur stjórnarskrá, um aðgang þjóðar að auðlindum, og allir hafa heyrt um Magna Carta, en enginn um hina. Sum hugtök áttu ekki að hafa í múrverkinu.

Það gæti endað þannig að tíund yrði bundin sem hámarkssköttun í Stjórnlagasáttmálann.

Þú gætir einnig fattað hvað Skotar, Svíjar og Kænverskir Skýþar eiga sameiginlegt.

 

* Segð er eitthvað sem sagt er eða haldið fram, yrðing er fullyrðing þ.e. staðhæfing um staðreynd. Þess vegna er t.d. haturssegð ekki hatursorðræða. Í forritun er t.d. segð (statement) notað til að fá út gildi fyrir gildistöku en yrðing til að fá út satt/rangt (True/False). Í orðræðu eru mörkin ekki jafn skýr. Ef Íslenskt mál væri ekki dáin menning, væri þetta öllum augljóst.

* Gen, bókstaflega, merkir andi (Genie) ... "nuff said."

* Dul-skilgreining (Meta definition) er skilgreining sem birtist í frásögunni sjálfri en er ekki skorin út sem afmarkað orðabókarskilgreint hugtak. Margt í heimspekinni er falið þannig, enda er menning þannig, þú þarft söguna. Engin saga, enginn andi, enginn skilningur, dáinn (meitlaður) hugur.

 

 

e.s. 15:55: Fyrir ofurgrúskara:

• https://duckduckgo.com/?q=on+this+day+you+hve+become+a+people&t=lm&ia=web
• https://www.youtube.com/watch?v=StyCnFMGfrQ

Athugasemdir

[Magnús Sigurðsson, 4.1.2025 kl. 16:28]

Góður Guðjón, -áhugaverðir vinklar varðandi hvað er þjóð, en genaþursinn vill meina að við sem þjóð séum það sem stendur í islendingabok.is.

Svo getum við spurt okkur hver á hvað.

Það kom fram fyrir nokkru að í Reykhólasveit eru komnar upp deilur út af vatni. Þörungaverksviðjan sem eitt sinn var íslensk, en er nú norsk, neitar að láta Norðursalt, sem eitt sinn var íslenskt, en er nú danskt, -hafa vatn úr vatnsbóli sem er í landi þörungaverksmiðjunnar nema gegn gjaldi. Hver á vatnið?

Þar sem svo mikið er til af vatni eins og á Íslandi verur svona spurning um vatnréttindi alltaf flókin, hvort sem þeim fylgir bein vatnssala eða rafmagnssala. Nú eru t.d. ísstíflur og flóð í Hvítá sem geta valdið miklu tjóni. Hver á tjónið?

Bestu kveðjur.

[Guðjón E. Hreinberg, 4.1.2025 kl. 16:41]

Akkúrat, Magnús, ef ég man rétt var reynt að semja lög um vatnsréttindi hérlendis á tíma Konungsríkisins 1920 til 1944 og aftur fyrir fimmtán eða tuttugu árum, og deilurnar í bæði þessi skipti, rétt eins og vatnsréttindi Sýrlands og Jórdaníu til Gólanhæða nú, virðast dýpstu og flóknustu deilur siðmenningar.

Elítan leysir þetta nottla með valdi, en vald er tímanleg (Temporal) firring. Þess vegna setti ég tengil í "e.s." kaflann í frábæra samræðu tveggja hugsuðua um hvernig mætti skilgreina "upphaf" "afmarkanir" "endalaust" og "ástæðuhvata" (Causality), hvað þá hvað Ofurvætturinn sé eða sé ekki eða gæti verið eða hvað ekki.

Sem er skemmtilegt, því þessar samræður ættu að minna fólk á að við vitum ekki einu sinni hvort Alheimurinn sé til, hvað þá efnið ... hvað þá við sjálf.

Svo ræðandi um Þjóð? Þvílík fásinna!

Bestu kveðjur.