Ranghugmynd dagsins - 20241201

Þú getur ekki borið saman lífveru sem getur fætt af sér afkvæmi og lífveru sem getur það ekki. Sú síðari nær aldrei sömu skör. Hvað þá getur þú samið jafnræðisreglu. Ef þú reynir það, rústar þú þeim kúltúr sem tvenna þessi annars myndar með sambúð sinni.

Karlar hafa aldrei stjórnað neinu, munu aldrei gera það, og þó þeir mættu það, gætu þeir það ekki því vitið til þess er ekki í krómósómum þeirra. Metrósex geta stjórnað, en þeir eru ekki karldýr. Karldýr geta þó leitt, en ekki séu þeir mengaðir.

Þetta vissi Karl Marx þegar hann samdi uppskrift að eitrinu, svo og Frankfúrt skóli postula hans sem blönduðu það. Orðræða þeirra um Kapítalisma (sem aldrei hefur verið til og Marxistar einir þrá, girnast og þykjast hata), var allan tímann ætluð til að villa þér sýn.

Þeir höfðu mun meiri áhuga á að draga fólk í dilka (Class), og vinna með tilhneigingu smámenna til að tileinka sér útdregnar (Abstract) hugmyndir og beita þeim á aðra, í formi firringar (Alienation).

Áhugaverðast í þessu, er að Marxistar lesa ekki meistarann og vita þetta ekki, enda lesa þeir aðeins útdrátt eða hlusta á predíkanir postula hans.

Ef orðræða Arkívsins er rýnd, kemur í ljós að þó færsluritari geri mörg jakahlaupin sem gera lítið úr Marxistum og frændum þeirra Fasistum, þá vita máttu að í vorum augum er Marx einn af sárafáum í mannssögunni sem sigrað hefur heiminn með orðin ein að vopni, og virðing er fyrir því borin.

Hversu stór er sá hópur, fimm, átta, manns, þrír? Gætir þú nefnt þrjá, eða fleiri, og rökstutt? Geta Leirmenni og Bergmálsfólk skilið hvað um er rætt? Veistu hvað SIÐr er, eða Logos? Veistu hvað afmarkar muninn á manndýri og manni?

Hefurðu upphugsað nytsama hugmynd, sem aldrei hefur áður verið hugsuð, og útskýrt þannig að skildist (yfirfært)?