Hversu margir hafna munu "Lýgveldinu"

Eins og allir vita hefur færsluritari meiri áhuga á því að vita hverjir hafna vélabrögðunum en hverjir myljast þar inn. Hef rýnt þetta hlutfall í öllum kosningum -elítunnar- síðan 1904 og velt við sjónarhornum.

 

 

Sérstaklega þótti áhugavert að rýna höfnunartölfræði þingkosninga Bretakonungs í vor, og birtum við hér þá tölfræði, sem sýndi allt aðra mynd á bæði hvernig kosningakerfið þar í landi virkar, svo og hver raunverulegur hugur borgara eða kjósenda er, en sú mynd sem mellumiðlar birtu.

Hið sama á við t.d. um Bandaríkin, en að að meðaltali 50 til 60 prósent Bandarískra kjósenda hafna Forsetum sínum, en það segir þó ekkert um hvernig kosið er í einstökum ríkjum (fylkjum) Sameinuðu Amerísku Ríkjanna (United States of America) - eða Sambandsins (The Union).

Mörg ríkjanna hafa mjög vakandi og spennandi innanríkisstjórnmál og í sumum þeirra eru aðskilnaðar hreyfingar (Secession movement) mjög öflugar s.s. frægt er í Texas, New Hampshire, Oregon, Kaliforníu, og víðar.

Rétt eins og við sáum í Bresku, Frönsku og Þýsku kosningunum í vor og sumar, fer fjölgandi þeim hópum kjósenda sem eru í verundarógleði* (Dysphoria) með ríkjandi valdakerfi og valdstjórnir þeirra, þó fátt sé um sýn eða heimsmyndar umræður varðandi úrlausnir eða leiðir út.

Færsluritari man ekki rétt í svip hvort það hafi komið fram hér í Spennulosun undanfarinn mánuð, að minn hefur beðið með eftirvæntingu að vita hversu margir muni hafna "Lýgveldinu" eða vélabrögðum þess í kosningunum sem fram fóru í gær. Minnir að það hafi komið fram í einhverri innstungusetningu, en meira undir rós.

Meðaltalið hérlendis, eftir því hvaða málefni eru á döfinni við hverjar kosningar, er að yfir rúma öld eru fjórðungur borgara landsins undir Valdnámi (Occupation) þeirra sem stjórna ferðinni en ýmist hafa enga rödd eða er of sundurlaus hópur til að móta slíka.

Sem er ágætt, mósaíkin hans Móse sér um sína. Gleymdi að taka það fram, í færslunni frægu um Mósaíkina - hverjum hún heitir eftir, en það var þó gefið í skyn, að Öldungaráðið sem sló eign sinni á spámanninn, ..., tja, ... þú skilur. Djúpt stöff sem væri efni í aðra djúpa, bæði menningarlega og lögspekilega.

Hitt er ljóst, að á Íslandi og í Bandaríkjum Norður Ameríku, eru aldrei erlendir kosninga-eftirlitsmenn á ferðinni, og hérlendis er kosið með blýanti og atkvæðin brennd og engin leið er að rekja hvort svindlað sé, og þau tilfelli þegar ljóst er og sannað af ábyrgum aðilum að óhreint mjöl er í kosninga úrslitunum, er venjulega sópað yfir það og því smámsaman gleymt.

Í morgun gladdist minn að sjá klukkan 11:20 að 51 % hafa hafnað núverandi Kerfi. Því það merkir að þetta margir átta sig á að þeir hafa hafnað, að þeir eru valdnumdir, að -elítan- sem allt veit og allt skilur, er hugsanlega ekki jafn heiðarleg og einlæg og hún sjálf segist vera.

Minn veit þó að enginn þessara mun grúska í Þjóðveldinu eða Exodus, hann gladdist ekki yfir því að þessi mósaíkhópur yrði neitt nær honum sjálfum. Nei, heldur hinu; auknar líkur á að menning landsins lifni aftur við og að á næstu þrem kynslóðum verði hér aftur siðmenning (en hún tók sjálfa sig af lífi í febrúar 2021) en það er óvíst að þessi 51 % sjái málin þannig, sem aftur kemur mér ekkert við.

Bíddu nú við, minn ritaði færslu á Feisið, skrapp svo út að gefa fuglunum, og hella uppá - já minn svaf frameftir - og leit svo aftur á fréttirnar, og viti menn; búið var að breyta tölum um kosningaþáttökuna ... bíddu, minn kann tölfræðilíkön.

Veistu t.d. hversu margir dóu úr sprautunum, og hversu margir dóu úr pestinni, hversu margir voru skimaðir og hversu margir skimaðra töldust smitaðir og hversu margir þeirra tóku sóttina? Spyr stundum fólk að þessu - en við ræddum tölurnar í Arkívinu, vandlega - en fólk veit þetta ekki, og í samræðum hvarflar ekki að mínum að uppfræða um það.

Oft segir þú fólki meira með því að spyrja að einhverju varðandi það sem þau halda að þau viti, og láta því ósvarað, en að predika eikkura [vöknunar] sannleika.

Tökum annan snúning. Einn fimmti [félags]þjóðarinnar höfnuðu sprautunum á sínum tíma. Þriðjungur Frakka, tveir fimmtu í Póllandi, Þýskalandi, Austurríki, Rúmeníu, og víðar. Þrír fimmtu höfnuðu sprautunni í Rússlandi. Þetta margir  áttuðu sig á því að Lyfjafræðikerfið var að ljúga að þeim, og það hefur ekkert að gera með hverja þetta fólk kýs til að semja lögin utan um líf sitt.

Þetta er einmitt málið; fólk þarf ekki að vakna með þér í einhverja Antivistahreyfingu til að hafna vélabrögðum, og svo hitt: Hver semur lögin sem þú skalt hlýða, og eftir að fyrstu heildstæðu lögin (Hammúrabí) voru samin 1750 BC, hafa verið samin mörghundruð lög á ári um allan heim, og á Vesturlöndum nokkur þúsund árlega.

Einföldun; þetta reddast, við þurfum bara nokkur hundruð lög í viðbót, og dash af reglugerðum! Einmitt það sem Leirmenni og Bergmálsfólk tilbiður, og kaus um í gær; fíngerðari vélun.

Nú er mikið rætt síðan 2009, hérlendis; á að fara í ESB eða ekki fara í ESB!

Staðreyndin er sú að þegar EFTA samdi um EES samninginn við ESB, var það selt á grundvelli þriggja loforða. Íslensk fyrirtæki mættu selja sína vöru og þjónustu á innri markaði ESB, fyrirtæki þar í hreppi mættu hið sama hérlendis (sem þau fæst nenna) og borgarar landsins gætu ferðast um ESB lönd, eða starfað þar og búið án hindrana.

Þeir sem efuðust voru þaggaðir með einföldum leir: við þurfum þennan markað svo við förum ekki á hausinn [því það er enginn annar markaður í boði fyrir okkur neins staðar í heiminum]. Bæta mætti við hér; og enginn vill sækja neitt til okkar nema við verðum mellur.

Það var aldrei sagt frá því að Ríkisþingið - sem nefnir sig Alþingi - myndi stimpla ESB lög á færibandi hingað inn, og að þá sjaldan þeim væri breytt eða um þau rætt, væru þau notuð til að íþyngja borgurum með auknu og harðara kerfi, að í rauninni höfum við verið í ESB síðan 1993!

Borgarar og/eða kjósendur landsins, hafa engan skilning á þessu og ekkert er um þetta rætt, og viti menn. Af þeim 49 % sem kusu í gær, eru aðeins 1 % sem vilja endurreisa Borgararétt sinn!

Við getum rætt þetta dýpra, s.s. hvað er Þjóð, sem margir halda að sé til en vita ekki hvernig ber að skilgreina. Látum duga, að 47 % íbúa landsins eru rekjanlega tilbiðjendur Karl Marx og postula hans, en valda ekki hugtakamenginu sem afmarkar það.

Hvað um það - frá og með þessu ári þurfum við, sem höfum gaman af að taka menningarpúlsinn, að vera vakandi fyrir hvort þáttökutölur* verði slípaðar til. Elítan* hefur vitað síðan árin 2005 til 2010 að framundan er blindhæð á farvegi mann-kyns til framtíðar og að handan við blindhæðina er blindbeygja, og hún kærir sig ekki um að almúgajón (Scumma de Terra) velti því fyrir sér. Þetta merkir að oft er óljóst hvað sé hægt að rýna, hvað sé vélun, eða hverju skolað til, og eftir því erfiðara að vara sig á snörum.

Sífellt fleiri sjá þetta, bæði að bæði mann-kyn og mann-fólk hefur búið að heimssýnar og vitundar stöðnun síðan upp úr 1975, að þetta hefur verið útskýrt af þeim okkar sem gefið hafa djúpan vitnisburð s.s. Arkívið, Buckminster Fuller, og fleiri, auk þess sem margir menningar- og samsæra rýnendur (Conspiracy Analysts) um allan heim, ásamt orðræðum þúsunda aldingja (Sages) og [menningar]öldunga* sjá þetta, svo og nær allir spádómar þekktra frumspekiritninga undanfarin 5000 ár.

Hér þarf að taka fram að fíngerð skil eru á milli menningarrýni og kverúlantisma, rétt eins og á milli samsærakenninga og samsæragreininga, hvað þá hliðvarða, hvellibjalla (Shills) og þá ekki síst hvort útskolun og útþynning sjáist s.s. hvernig Tavistock mafían og Eranos mafían hafa endurhannað bæði menningarvitund og andlega meðvitund með kerfisbundnum hætti í á aðra öld, og búið til gildrurnar fyrir fólkið sem "vaknar" og fer í grúskið sem breytir þeim í stýrðu andstöðuna.

Þetta hefur verið útskýrt vandlega í Arkívinu og eitt hið skemmtilegasta í útskolun eða útþynningu, eru þeir sem týnast í hafi ... en 2018 og 2019 var þessi síðasta vélun framin af frábærri fimi. Svo vitnað sé í Julian Fellows, "sama hvað þér dettur í hug, þau hafa rekist á það áður og þau munu sjá þig koma, úr órafjarlægð."

Tækni og líffræði þekking beggja mannhópa veraldar, í dag, er á þeim stað að okkur verður ekki hleypt áfram nema við gerum upp hvort við séum þess verð, og því miður er allt útlít fyrir að niðurstaðan verði sú neikvæða þessi misserin.

Í Arkívinu og einnig að einvherju leyti á logostal.com (óklárað) höfum við rætt grunn sýnir mannsins síðustu 5785 ár, og hvernig þeim er blandað í tuttuguogeina heimsmynd, eða útfærslur, hvað þær eiga sameiginlegt, hvað ekki, og hvernig það vegur (Torque) inn í vitnisburð þriggja helstu ritninga Eingyðistrúarinnar (Avestur, Biblía, Kóran). Hvernig þetta stóra fljót ber að einni veiga mikilli niðurstöðu, a) við vitum ekki hvað Fjallið helga er, og b) áttunda sýnin er væntanleg en enginn veit hver hún er, enda getum við ekki séð það sem enn er ekki sýnt.

Einföldun; fyrstu sjö dagar sköpunarinnar, er fyrsta vika, þú annaðhvort reynir að ríghalda í sjöunda daginn eða býrð þig undir þann áttunda. Við vorum ekki sköpuð til að verða myndastyttur í Píramídagarði útvalins eitraðs nöðruhóps í mannsham, og ólíklegt að við skiljum þetta fyrr en við verðum nokkura ára - eða unglingar - í þessum skilningi!

Allavega.

Klukkan 1300 meðan færslan var í ritun: Kjörsókn: 215.216 (80,2%)! Berðu saman hvaða áhrif á þingmannaskipan þessi þrjátíu viðbótar prósent höfðu ekki. Hvort 49 eða 20, höfnuðu, skiptir engu, en því fleiri sem hafna vélabrögðum eiturnaðra og siðlausra lygara, því líklegra að við verðum aftur menning. Það er hluti af eðli okkar að hafa elítur og hæfa/dyggðuga leiðtoga, en í dag hefur veröldin enga slíka. Ekki einn.

Ríkiskerfi er hins vegar ónáttúruleg útdregin (Abstract) hugmynd og ekkert slíkt kerfi hefur nokkru sinni reynst annað en ómerkilegt skurðgoð í drullupolli, nema nottla Guðdómlega ríkið þau 430 ár sem það var til, en þú veist ekkert um það, né hversu viðfemt það var, hvernig það varð til, hvernig það varð úreldað, né hvers vegna, og það af vélaðri snilld því þekking þess blasir við þegar þú fleygir þér á grúfu í mölina (frekar en að vera leirstytta í drullupolli).

Gamanaðessu.

 

 

 

 

 

Loks biðjum við vandaðar vændiskonur afsökunar á notkun hugtaksins mellur í færslunni. Meðan hræsnara kerfi samtímans veita ekki vændiskonum mannvirðingu, hefur enginn enga. Í engu var ætlunin að gera lítið úr blíðveitendum.

 

* Euphoria er einskonar algleymi eða vitundar-unaður, Dysphoria er andstæða þessa og við notum hér vitundarógleði eða verundarógleði (Conscious vs. Phenomen) samanber að gender dysphoria væri þá kynvitundarógleði en -elítan- notar fúskyrðin kynvandi eða kynóróði eða eitthvað slíkt.
Er ekki viss hvar við löndum þessu - verundaróró eða verundargleymi, kynórói eða kyngleymi ... (þú t.d. gleymir þér í því sem þú ert sáttur við og gefur því varla gaum ...) - algaumur, verundargaum, .... blah ... spennandi verkefni, eins og með mörg orð sem við erum ennþá með lausbeisluð.

* Af sorglegu tilefni þarf að taka fram að elítan er hluti Elítunnar, og því notum við -elítan- um þessa innlendu.

* Mér finnst ljótt að setja þrjú té í þáttöku ...

* Hugtakið Öldungur (Elder) er horfið/fjarlægt úr menningunni, en þeir eru þarna. Dylst t.d. nokkrum að JVJ var einn af öldungum Íslenskrar menningar (blessuð minning)?

Athugasemdir

[Magnús Sigurðsson, 1.12.2024 kl. 15:12]

Góð ábending Guðjón,-en ég held þú sért full bjartsýnn.

Þetta sé svipað og þegar kátt varð í höllinni 1/5, , , , en nota bene sá hluti hafði ekkert um að kjósa, elítan sá til þess.

Bestu kveðjur.

[Guðjón E. Hreinberg, 1.12.2024 kl. 16:13]

Takk fyrir ábendinguna, Magnús, ég var ósáttari við þessa færslu mína en ég hef verið lengi með færslu, en þú komst með það.

Jákvæðni er varasamt eitur, ég gleymdi mér, ...

[Magnús Sigurðsson, 1.12.2024 kl. 19:37]

Eitruð jákvæðni er spurning um hvar, hvenær og hvernig orð eru í tíma töluð, -og náttúrulega til hverra.

[Guðjón E. Hreinberg, 1.12.2024 kl. 22:14]

Svipað og The Great Barriongton Declaration - allir þeir sem trúðu á Covid, sprautuna og Ríkið - eins og veginn sannleikann og jákvæðnina, vita ekki af henni, né heldur að allt í henni stóðst, og þó var hún kyrfilega jöðruð og þögguð af fólkinu sem kosið var á þing í gær ...

{https://gbdeclaration.org/#read

[Magnús Sigurðsson, 2.12.2024 kl. 06:07]

Já, eitraðri jákvæðni er oft bæði dreift og þegin með sprautu, og á það má ekki minnast, -hvorki á undan né eftir, -frekar en hvers vegna það er í lagi að drepa fólk í herþjónustu. það gæti valdið upplýsingaóreiðu.