-alþjóðamálin- [og -lagasmiðjan-]

Ég minni lesanda þessarar - löngu - færslu á að um Spennulosun Óreiðuskoðana er að ræða, að við erum aðeins einmana og flókinn vesalingur í vanda. Ef eitthvað sem hér er ritað, ógnar aurflóði innri ókyrrðar hjá vel innrættum og vandlega áróðursskóluðum, er fyrirfram beðist velvirðingar og umburðarlyndis.

 

 

Hæstvirtur forsætisráðherra Íslenska Lýðveldisins 44 er vel menntaður í lögum og hefur starfað sem einn löggjafa Lýðveldisins, auk starfa við framkvæmdastjórn þess, í áraraðir. Hann er auk þess sérmenntaður í alþjóðalögum og alþjóðlegum viðskiptalögum.

Honum verður tíðrætt, varðandi stríðsástand sem nú varir í Austur Evrópu, að alþjóðalög séu aðal málið, en hvaða alþjóðalög og hvað eru alþjóðasamskipti, en umfram allt, hverjir eru hagsmunir þeirra Íslensku samfélaga sem búa undir umgjörð Þjóðfélagsins?*

Ráðgjafar margra hugveita sem starfa í Washington DC ræða oftlega um Rules Based [world] Order og grunar mig að téður Íslenskur valdamaður eigi við þetta hugtak. Aðrir úr sama stjórnmálaflokki, sem einnig eru starfandi löggjafar* og ráðherrar, nota mikið af hugtökum úr orðræðu vestrænnar nýfrjálshyggju og þegar þessir sömu aðilar rita eða ræða á ensku máli, nota þeir nýfrjálshyggju hugtökin frekar en hin íhaldssömu (Conservative), þó hinir sömu klæði sig Fabian skykkju íhaldssemi og frjálshyggju.

Flókið?

Já, þetta er flókið, því fjölmiðlar, fréttaskýrendur, bókahöfundar og stjórnmálaskýrendur hérlendis - í það minnsta undanfarna tvo áratugi - útskýra ekki hvaða hugtök þeir nota, ofan í kjölinn, né heldur sjá þeir að það skipti einhverju máli. Stórasta Múgsefjunarþjóðin kýs eftir uppskriftum þeirra og sættir sig við hverja þá þjóðfélagsverkfræði sem hún er mötuð á - að því er virðist - og þeir sem vilja útskýra merkingarfræði og áhrif hennar, eru ýmist flóknir og djúpir, eða með kenningar.

Skreppiferðir til Tene í Grímsnesinu og snjallskjáir Bill Gates og Google, sem vandlega fylgjast með öllu þeirra vafstri, auk sjálvirka gervigreindar stjórnkerfis Tækniræðisins, lengi lifi - þrefalt jibbíjei.

Hugtakið Rules based order, sem að mínu viti er óþýtt á Íslensku, merkir ekki alþjóðalög, heldur hitt að framkvæmdavald Bandarískra stjórnvalda (forseta og ráðherra hans) ásamt áhrifum þeirra hugveita s.s. Council on Foreign Relations, Roundtable og fleiri og fleiri, ákveða hverju sinni hverjar reglurnar séu og hvernig þeim skuli framfylgt, óháð Þjóðréttarsáttmálum (Treaties) eða samþykktum Allsherjarþings Sameinuðu Þjóðanna eða ályktunum Öryggisráðs Sameinuðu Þjóðanna.

Þannig séð mætti þýða hugtakið Rules Based Order sem Fyrirskipanaheimskerfið - án gríns.

Eða eins og algengt er að erlendir rýnendur útskýra fyrirbærið; við setjum reglurnar, þú hlýðir, og við uppnefnum það Lýðræðið Okkar.*

Fyrir fimm árum ákvað Fyrirskipanakerfið, að gildisfella (Abrogate) tvo þjóðréttarsáttmála, sem báðir höfðu tryggt öryggi og jafnvægi í heiminum. Annar þeirra snérist um sáttmála sem gerður var milli Bandaríkjanna og Sovét-Rússlands fyrir mörgum áratugum, og snérist um bann við á meðaldrægum flugskeytum sem borið gætu kjarnorkusprengjur, hinn snérist um að Íransk-Íslamska Lýðveldið (Islamic Republic of Iran) gæti framleitt raforku með kjarnorkueldsneyti og tekið þátt í alþjóðaviðskiptum en leyfði að sama skapi að Alþjóðlega kjarnorku-eftirlits stofnunin (IAEA) hefði óheftan aðgang að fullkomnu eftirliti þess efnis að Íransk-Íslamska LÝÐveldið gæti ekki og myndi ekki framleiða kjarnorkuvopn.

Í gegnum áratugi vestrænnar ríkis- laga- og alþjóðahefðar, hafa fjármála farvegir - bankastarfsemi - í milliríkja samskiptum og viðskiptum verið látin í friði, jafnvel á dögum Annarrar Heimsstyrjaldar* voru innistæður stríðandi þjóða látnar í friði, ríkja í millum og meðal óháðra eða hlutlausra þjóða, sumt var vissulega fryst, en reynt var að láta þessi atriði í friði, því um leið og farið er í hernað gegn innistæðum og millifærslum ruggar öll heimsskútan.

Þetta síðasta hefur Nató og Esb þverbrotið undanfarin ár, og við eigum við fleira en innistæður 300 milljarða dollara Rússneska ríkjasambandsins, eða rán á vöxtum þeirra - sem Nota Bene - Íslenska Lýðveldið hýsti Evrópskan [ráns]fund fyrir og samþykkti glaðhlakkalega fyrir hálfu öðru ári. Sama "Lýgveldi" hýsir nú annan leiðtogafund, en einu fréttirnar af fundinum, er hversu mikill heiður það sé að hafa boðið til landsins - og hampað - stríðsherra úr Austur Evrópu, og þegar ljóst var að meirihluti Þjóðfélagsþjóðarinnar er ósátt við þetta, eru birtar stórfréttir af að Rússar tóku eitthvað þorp í Austur Úkraínu, og látið í það skína að 20 þúsund manns hafi horfið.

Ha? Var einhver hér að nota Edward Bernays tækni?

Eigum við að ræða meira um Alþjóðalög, eða Framkvæmdastjórareglugerðir?

Eftir að fulltrúar Framkvæmdastofnana í Washington byltu Lýðræðislega kjörinni stjórn Úkraínu, 2014, var samþykkt svonefnt Minsk samkomulag, 2015, síðar var það endurbætt, en báðir Minsk samkomulags samningarnir eru jafnan nefndir Minsk samkomulagið (erlendis, því þetta er ekki til hér á Stórastamúgsefjunarlandi) en samningurinn var gerður með aðkomu Frakklands, Þýskalands, Úkraínu og Rússlands; og var löggiltur hjá sameinuðu þjóðunum sem bindandi þjóðréttarsamningur (alþjóðalög).

Samningurinn tilgreinir að Banderista stýrð Ríkisstjórn, forseti og löggjafaþing, Úkraínu eftir 2014 reyni ekki að hlutast til um innanríkismálefni og/eða sjálfstæði aðskilnaðar héraðanna Lugansk og Donetsk í Donbass héruðum Úkraínu, og láti þau í friði, en þau að sama skapi lofuðu að reyna ekki að renna saman við Rússneska ríkjasambandið sem einnig lofaði að láta þau í friði. Áminnum að tvö öflugustu Esb og Nató ríkin, Þýskaland og Frakkland, voru aðiljar að samningnum.

Úkraína stóð ekki við samninginn og beitti Donbass héruðin gegndarlausum hernaði næstu árin, fallbyssuskothríð og flugskeyta árásir og árásir lítilla herflokka inn á svæðin, voru daglegt brauð, þar til upp úr sauð árin 2019 til 2021, að allt að 19 þúsund almennir borgarar Donbass héraðanna létu lífið í þessum hernaði. Við erum hér að ræða um brot á tvennskonar alþjóðalögum, annars vegar Minsk samkomulaginu og hins vegar um brot á alþjóðalögum varðandi hernað gegn almennum borgurum (þjóðarmorð - Genocide (Crime of Crimes)).

Hér er rétt að taka fram að færsluritari tileinkar sér - í samræmi við Íslensk hegningarlög - hlutleysi í alþjóðamálum, við erum ekki að ræða hér um hvort við séum í liði með KR gegn Fram eða Haukum gegn KR, við erum að ræða um lagasmiðju og að stundum er hugtakið heiður aðeins froðusnakk í munni sumra.

Einhver fréttin hérlendis minntist á í flutningi sínum - þegar Pútín fyrirskipaði innrás - eins og það væru augljós sannindi. Það er rétt að Pútín fyrirskipaði sértæka hernaðaríhlutun í Donbass héruðunum og tiltók ítarlega hvers vegna, með vandaðri útskýringu á þeim alþjóðalögum sem hlut ættu að, og daginn áður var sjónvarpað fundi hans með Rússneska þjóðaröryggisráðinu þar sem hópur aðkomandi ráðgjafa og fulltrúa stofnana gáfu skýrslu um ástand mála.

Já, við horfðum á þetta alltsaman, við erum ekki Múgsefjuð hér. Sorrý.

Pútín tiltók þrjú atriði sem yrðu forsenda friðarsamninga, vandlega útskýrð, sem enn standa á borðinu og enn er hann opinn fyrir að friðarsamningar fari fram, við löglega ríkisstjórn Úkraínu, og í samræmi við Istanbúl samningsdrögin frá 2022!

 

 

Sem fyrr segir og sagnfræðingurinn Howard Zinn orðaði best; milli aðgerðaleysis og stríðsátaka hljóta að vera þúsund aðrir valkostir. Rétt eins og með átökin í Vestur Asíu sem nú standa yfir, hlutleysi er okkar aðal, en það breytir ekki hinu að þjóðarmorð eru glæpur glæpa, hver svo sem fremur þau, og yfirlýsingar Framkvæmdastjórakerfisins og áróðursvéla þess breytir því ekki.

Mér er sama hver byrjaði 2015 eða 2022 í Donbass, hermaskínur Annarrar heimsstyrjaldar gerðu öll stríð úrelt! Mér er sama þó Nató mafían hafi staðið í hernaði útum allan heim á hverju ári síðan 1945, og Rússar hversu oft, þrisvar, fjórum sinnum?

Hefurðu séð samanburðarlistana, hefurðu leitað eftir því, ertu uppfræddur eða menntaður, leirmenni eða bergmálsfólk? Án gríns, maður þarf að vita hvað maður ræðir um, áður en maður froðusnakkar, og ef þú veist nóg til að sjá þegar valdsherra eða fjölmiðlamella lýgur að þér, þá ertu siðblindur ef þú jánkar við, og þögn er jánk.

Ræðum þetta Donbass dæmi aðeins nánar. Í desember 2021 höfðu Rússar samband við Bandaríkin og Nató og buðu upp á samningaviðræður sem myndu enda á bindandi þjóðréttasamningum sem tryggja myndu varanlegan frið í Evrópu, því var eindregið hafnað.

Tveim mánuðum eftir að hernaðaríhlutun Rússa í Úkraínu hófst, eða vorið 2022, var undirritað samkomulag í Isbanbúl, Tyrkjalandi, þar sem Rússneska ríkjasambandið og Úkraína höfðu í sjötta skiptið frá upphafi átakanna - nú með milligöngu Erdógan sem hérlendis er álitinn voðalegt vondmenni - yfirfarið ágreiningsmál sín og náð samkomulagi.

Búið var að samningsrissa* öll blöð samningsins. Aðeins var eftir endanleg undirritun og vottun löggjafaþinga beggja aðilja samkomulagsins, þegar fulltrúi Vesturlanda (Esb og Nató) flaug til Kiev og kom í veg fyrir samninginn - án gríns, þá er þetta ekki samsæriskenning heldur vottfest staðreynd.

Pólitískt og siðlaust inngrip sem nú hefur kostað rúmlega 860 þúsund Úkraínska karlmenn lífið, og yfir tuttugu milljónir borgara misst heimili sín og afkomu!

Alþjóðalög eða Framvæmdastjórnarkerfið?

Fyrir hverju berðu virðingu, fyrir hvað stendur þú? Hvað stóðstu fyrir þegar SÞ[79] kerfið framdi stærstu helför allra tíma fyrir þrem árum?

Veistu hvað vættavitnisburður er (vitjunartími)?

Veistu hvað gerist í kjölfar slíks? Jebbs; aurskriða.

Allavega, Rússar eru þekktir að því, allar götur síðan á dögum Péturs mikla, að standa við gerða alþjóðsamninga, og ennfremur fyrir að vera lítið gefnir fyrir afskiptasemi og inngrip á innanríkismálum annarra ríkja. Þetta er stórasta atriðið sem Rússar og Kínverjar eru sammála um, að góð alþjóðasamskipti byggist á gagnkvæmri virðingu (fyrir innanríkismálum), ábyrgum þjóðréttarsamningum sem staðið sé við, og eðlilegum óheftum viðskiptum sem stuðli að styrki hagsmuni allra aðkomu aðila.

Einföldun, Rússar og Kínverjar, og Tyrklendingar og Íranir, og fleiri og fleiri, hafna Non-Zeru-Sum háttum Vesturlanda. Veistu hvað hugtakið "Non Zero Sum" stendur fyrir? Skannaðu bloggheima, greinaskrif í fjölmiðlum, stjórnmálaskýrendur og fleiri Gáfnaljós Stórastamúgsefjunarlands - bara í gamni - og vittu til; hugtakið er ekki til hérlendis.

Fyrir húmorista væri gaman að minnast hér á Dr. Ron Paul - það er eins og óþreytandi starf hans hafi náð hljómgrunni allsstaðar í heiminum, nema innan Nató múranna! Því hér fæðist BRICS!

Egyptar eru um þessar mundir, ásamt Ungverjalandi, að tvöfalda rafmagnsframleiðslu sína með Rússneskri tækni, Tyrkjaland er að undirbúa hið sama. Afrísk ríki eru í röðum að stofna til nýrra viðskipta við BRICS blokkina, og hafna Vestrænum viðskiptum, því þau vilja þvingunarlaus viðskipti og geta treyst erlendum bönkum fyrir innistæðum sínum. Þetta eru allt saman ríki sem gátu treyst alþjóðaháttum Sovétríkjanna fimmtán (undir leiðsögn Rússneskrar ríkissmiðju); já treyst.

Hér mætti til gamans koma að innleggi Alexanders IIs til þróunar Vestræns borgararéttar. Eikkað um það eikkursstaðar?

Áróður er fínn, og getur kitlað hégómann, en getur ekki styrkt stíflu sem brestur í flóði. Traust er betra þegar kemur að alþjóðamálum, að viðskiptum, að afkomu hins almenna manns, að eignavarðveislu og uppbyggingu fjölskyldu og menningar, traust og ábyrg lagasmiðja, sem ríkissmiðjan stendur vörð um.

BRICS þjóðirnar áttu stórfund í Kazan, Tatarstan, Rússlandi, nú fyrir fáeinum dögum. Fréttaflutningur af þessu, hér á vesturlöndum, var minni en fréttaflutningurinn af rúnkferð Forsætisráðherra til Þingvalla í gær.

Svo hvað gerðist?

Staðfestar BRICS þjóðir sem áður voru fimm eru nú níu og þrjár bíða fullgildingar, allt að tuttugu í viðbót hafa ýmist lýst yfir áhuga á að bætast í hópinn eða þegar hafið inngönguferlið, meðal annars Tyrkjaland og Serbía. Satt að segja hefur maður ekki við því að fylgjast með, Exodus hraðlestinni frá SÞ yfir til Brics, listinn lengist og lengist.

Tökum smá núning hér, en minnum fyrst á að Stríðsherra Úkraínu bannaði Antonio Guterres aðalritara SÞ að heimsækja Kiev, fyrir að hafa skroppið til Kazan og Stríðsherra Ísraelsríkis hefur bannað Guterres/SÞ fyrir að gagnrýna stríðsglæpi sína, og viti menn; tillaga liggur fyrir Allsherjarþingi SÞ að víkja Ísraelsríki úr SÞ! Bíddu nú við, "Mein Führer" ESb, Úrsúla von der Leyen, neitar að hitta utanríkisráðherra Serbíu fyrir að Serbía hefur lýst yfir áhuga á BRICS!

Ærandi þögn; alþjóðalög, eða þannig. Traust og virðing, eða rán, dráp og sjálfsþótti?

Fyrir fimm árum hóf allt að helmingur Nató ríkjanna óformlega hernaðar aðgerð gegn Nató landinu Tyrkjalandi, já, viðskiptabann og viðskiptaþvinganir eru fyrsta skref hernaðar á milli þjóða. Þarna urðu vatnskilin fyrir Tyrkjaland, því þeir lögðu inn umsókn fyrir aðild að ESB og innri markaði þess fyrir þrem áratugum, þeim hefur þráfaldlega verið ýtt til hliðar með endalausum tiktúrum. Samtímis þessu er spilltasta land heimsins, Úkraína, í hröðun til inngildingar í bæði Esb og Nató. Tyrkjaland (Türkiye) hefur nú hafið undirbúning þess að yfirgefa Nató og er byrjað í göngunni örlöngu frá Esb umsókn til Brics umsóknar!

Tyrkjaland er e.t.v. soldið sérstakt, en það er sko ekki þekkt fyrir spillingu eða vanvirðingu fyrir lögum og réttarkerfum. Tyrkjaland er með stærstu efnahagskerfum Evrópu og Vestur Asíu, og rekur annan stærsta her Nató, til dæmis eru yfir 60 þúsund Tyrkneskir hermenn staðsettir erlendis s.s. við Persaflóann og Rauðahafið - viti menn; þjóðríki utan Nató múranna treysta Tyrkjum betur en Nató og bjóða vopnaða fulltrúa þess velkomna - án gríns.

Bíðum nú við - því hvað gerist ef Tyrkjaland gengur inn í BRICS? Það er bannað að beita viðskiptaþvingunum innan BRICS og þar með hernaði á milli aðildarríkja. Á dögunum sömdu Indverjar og Kínverjar frið, fyrirhafnarlaust, eftir meir en fimmtíu ára landamæraskærur, Íranir og Sádar sem Nató heimtaði að væru óvinir, sömdu um opinber samskipti sín á milli í fyrra og eru nú að undirbúa sameiginlegar flotaæfingar á Persaflóa!

Egyptar og Eþíópía hafa verið að undirbúa hernað sín á milli vegna Great Renaissance stíflunnar sem framleiðir rafmagn í Bláu Níl, og Súdanar eru Egyptamegin; en nú er enginn ófriður því bæði ríkin eru á leiðinni í eða orðin hluti af BRICS.

Svona má halda áfram að telja, að BRICS stendur ekki aðeins fyrir að ríki á borð við Ísland geti átt utanríkisviðskipti sín í eigin gjaldmiðli - og þar með strokað út erlendar dollara skuldir sínar - heldur að stuðlað sé að friðarsamningum og NON ZERO SUM samskiptum þar sem frekast er kostur - s.s. Javad Zarif útskýrði svo snilldarlega í fimm fyrirlestrum sínum "World in Transition" sumarið 2020, og við höfum áður minnst á - en Zarif er einn reyndasti og snjallasti diplómat okkar tíma, og formælandi Non Zero Sum viðhorfsins.

Þó enginn hérlendis viti hver Javad Zarif er, þá lofa ég þér að Hnattræna suðrið - sem Nató blokkin uppnefnir þriðja heiminn - veit hver hann er og enn betur hvað hann útskýrir, og hvaða þjóðríki taka mark á honum.

Bíðum nú aðeins við, Egyptar, Tyrklendingar, Íranir, Sádar, allir að taka þátt í BRICS og hafna því kínetískum átökum sín á milli! Veistu hvaða áhrif það hefur á Vestur Asíu (Miðausturlönd)?

Að lokum, varðandi stríðströllið sem þrammaði um Almannagjá í gær; hann missti umboð sitt sem forseti í vor sem leið, þingið sem leyfði það missti sitt umboð í sumarlok. ESb framdi augljós kosningasvik í Moldóvu fyrir fáeinum dögum og Esb/Nató er nú að búa til litabyltingu í Georgíu eftir að kjósendur þar í landi kusu fullt sjálfræði þjóðríkis síns.

En öfugt við kosningasvikara Vesturlanda, hefur þjóðríkið Georgía boðist til að telja á ný í slembivöldum fimm kjördæmum - engir brenndir blýantsseðlar þar í landi.

Við minnum aftur á: Bannað er að taka mark á Spennulosun óreiðuskoðana! En Alþjóðalög forsætisráðherra, er einhver froða í hans eigin brengluðu heimsmynd, og ennfremur, enginn greinarmunur er gerður hér á honum og hinum í stjórnmálum Íslenskra Quislínga og fjölmella.

 

 

* Ríkið, eða Þjóðríkið, er félagið um þjóðina, en ekki landið eða þjóðin eða þjóðþættir (Ethnic) og/eða kynþættir (Ethnic, ættbálkar / kynþættir (race, subrace)) þess. Stirt, því Ethnic er ekki til á Íslensku, svo við erum enn að slipa til, við höfum notað Þjóðþáttur fyrir Ethnic um skeið, en er ennþá stirt.

* Löggjafi er þýðing á enska hugtakinu Lawmaker, sem er samheiti Íslenska orðsins Þingmaður, en í ljósi orðræðu lagasmiðju Þjóðveldis gerum við greinarmun á löggjafi og þingmaður.

* "We make the rules, you obey, and we name it Our Democracy".

* Hugtakið Síðari Heimsstyrjöld er nú úrelt.

* Samningsriss, er hugtak sem við notum fyrir enska hugtakið Initial each page of agreement, svipað og þegar þú undirritar lokasíðu lánasamnings eða samkomulags en rissar upphafsstafi á hin blöðin.

 

 

e.s. 21:39 - Hnattræna suðrið getur nú notað alþjóðalög til að loka á áróðursrásir Nató blokkarinnar, eftir áhugaverðri lagaflækju. Skemmtileg samfelling (Synchronicity) að það kemur í ljós sama dag og þessi færsla var rituð. Sumir muna þegar við ræddum Lagavitundina í Arkívinu á sínum tíma ...

• https://www.rt.com/russia/606672-google-russian-media-decillion/
• https://arnarlofts.blog.is/blog/arnarlofts/entry/2307460/

Athugasemdir

[Magnús Sigurðsson, 29.10.2024 kl. 17:18]

Góður Guðjón, -takk fyrir.

Bestu kveðjur.

[Guðjón E. Hreinberg, 29.10.2024 kl. 18:29]

Takk fyrir innlitið, Magnús, er búinn að slípa að mestu. Neyddist í útréttingar í millitíðinni.

Bestu kveðjur.