Hvað ef eitthvað væri að frétta

Saga Rússa er áhugaverð fyrir þrennar sakir. Ein er sú að þeir eru seinþreyttir til átaka og gefa viðvaranir lengi lengi áður en þeir æsa sig. Frá 1945 hafa þeir ráðist inn í fjögur ríki, en á sama tíma hefur Ensk-Bandaríska Nató blokkin farið um með báli og brandi á hverju ári um þriðjung heimsins - listinn er of langur til að telja upp.

 

 

-elítan- lætur eins og átökin í Úkraínu séu einum manni að kenna og tala eins og átökin hafi sprottið fram úr tómarúmi. Við getum rætt hið sama varðandi Mið-Austurlönd, en setjum mörkin hér.

Í öðru lagi má nefna að Rússar hafa ekki tapað fyrir árás eða íhlutun síðan á tímum Hinriks Áttunda og Ívans grimma, þrisvar hafa þeir sigrað Evrópska heri, tekið Berlín og valsað um hálfa Evrópu, m.a. til Parísar, síðan á tímum Friðriks mikla.

Í fjórða lagi; þeir hafa yfirgefið þau svæði sem hafna þeim og haldið heim, friðsamlega, í öllum tilfellum. Loks má nefna að Íslömsku svæðin sem þeir stýrðu í um það bil öld, kvöddu Rússa með kossi á báðar og Réttrúnaðar (Orthodox) kristnir Rússar eiga mjög góð samskipti við allan Íslamska heiminn eins og hann leggur sig.

Mjög stór hluti Rússneskra borgara eru Íslamskrar trúar, og engin vandamál með þá, og því spurning hvort vandi Vesturlanda með sín Íslömsku hverfi séu -elítan- en ekki moskan?

Í fimmta lagi hafa þeir farið í gegnum sama Marxisma og Vesturlönd eru nú að upplifa og unnið úr afleiðingum þess. Eitt einkenna marxískra kerfa eru fúsk og [gjaldþrota] hroki! Vesturlandafólki er ítrekað sagt af Elítu* sinni að Rússar fúski tækni sína og iðnað, rétt eins og augljóst var á tímum kalda stríðsins, en þetta er rangt.

Hvað eru margir af minni kynslóð sem höfðu reynslu af Rússneskum bílum sem entust illa? Jú, margir margir, en hversu margir af þessum bílum entust vel ef hugsað var vel um þá?

Rétt eins og með Galloper sem var mjög vinsæll hérlendis fyrir tveim áratugum. Galloper var í raun "Pajero I. byggður í Kóreu" og var ódýr; menn hugsuðu um hann eins og ódýrt drasl. Ég hef átt tvo svona bíla og viti menn, þeir eru jafn góðir og viðhaldið, rétt eins og með Krúserinn sem mín reynsla hefur sýnt að þarf jafn mikið viðhald og fær það því hann hefur nafn og verðmiða.

Mikið er rætt um hversu léleg iðnaðarframleiðslan sé í Kína, og það á við um margt þaðan. Vélvirki sem ég þekki, sem er þúsundþjalasmiður af gamla skólanum, vann eitt í fjóra mánuði við að endursjóða byrðing á fiskiskipi sem vestræn útgerð keypti frá Kína. Margar sögur eru í boði, en Kína er 1.400 milljón manna menningarsvæði, og ég lofa þér að margt þar er með ágætum.

Hitt er annað, að þegar þjóðfélagi - og samfélögum þess - er stjórnað af Marxistum, vex fúski fiskur um hrygg. Í fyrra var upplýst á vesturlöndum að í tvo áratugi hafa Bandaríkin keypt lélegt og illa unnið járn í Nató flotann, sem viti menn, er óvenju viðhaldsfrekur. Á dögunum kom í ljós að járnsuður í samsetningum á herskipum Bandaríska flotans eru aðhlátursefni og hafa verið lengi.

Þá hefur verið áberandi í hálfan annan áratug að skipstjórnarmenn og aðrir yfirmenn á þessum skipum eru tæpast hæfir til fiskveiða í Smugunni, hvað þá meir. Eins er með flugvélaiðnaðinn og ljóst var fyrir tveim árum að töfratæki á borð við Stinger, Javelin og ýmis eldflaugakerfi, lofa meiru en þau standa við, samanber reynslu af þeim í Úkraínu.

Hér má skjóta inn smávegis hliðargrúski, til gamans, sem gerð eru ítarleg skil í Arkívinu.

Margir sem iðka hlutbundið, óflokksbundið, grúsk, vita að hernaðar akademíur og iðnaður Þýskalands og Sovétríkjanna unnu þétt saman í þróun Skriðdrekatækni, Flughernarðartækni, og Efnavopna í fimmtán ár eftir lok fyrri heimsstyrjaldar, og margir sjá merki þess í þeirri síðari að helstu hershöfðingjar og ofurstar þessara ríkja komu úr sambærilegum átakafræðum og að tækni beggja var sprottin úr sömu verkfræði.

Örlítið dýpra grúsk leiðir í ljós að bæði þessi ríki byggðu upp sambærilegan kafbátaflota, byggðan á þekkingartækni sömu verksmiðja og fræðimanna á sama tíma, og að í síðari heimsstyrjöld áttu Sovétríkin álíka mikið af kafbátum og Þjóðverjar, af sambærilegum toga og með svipaða tæknigetu, utan eitt veigamikið atriði - en nánari rannsókn leiðir í ljós að verkfræðingar beggja ríkjanna unnu náið saman, samtímis framangreindu.

Fram til þess tíma þegar Sovétríkin fengu þýsku verkfræðingana sem herfang, upp úr 1945, gat Sovéski kafbátaflotinn ekki neitt, og flestir bátanna fórust vegna lélegs járns, óvandaðra loka, og brotalama í legum og öðrum kaftæknilegum* atriðum, vegna Marxísks fúsks. Þeir náðu frá 1950 til 1970 að taka stór stökk, í samstarfi með Austur-þýskum verkfræðingum, en síðan 2001 hafa tekið langstökk fram á við s.s. snillingurinn Andrei Martyanov hefur sýnt vandlega framá.

Áhugavert?

Hvað með kafbátinn sem leitað var að austur af landinu sumarið 2017, s.s. rætt var í Arkívinu? Þögn og sviðsetningar.

Vestrænn iðnaður er í dag á sömu bókina lærður og sá Sovéski var og stór hluti hins Kínverska er þar sömuleiðis. Við erum öll farin að venjast þessu, með sorg í hjarta og kulnað sinni, meðan Lausnargjaldspósturinn notar YouTube auglýsingar til að leppa ímyndina, frekar en að veita aftur almenna heilbrigða Póstþjónustu.

Samtímis þessu birtist sá áróður hérlendis, studdur af Fræðimönnum að vandamál Íslenskunnar sé vegna erlends starfsfólks í leikskólum, og því megi redda með nýjum reglugerðum! Við svöruðum þessu rugli, hér í Spennulosun, löngu áður en það kom fram.

Ég veit ekki hvernig Rússneskur iðnaður og tækni stendur sig í dag, en sé eitthvað að marka það sem ég hef fylgst með undanfarin ár, stendur hann framar hinum vestræna. Tiltaka mætti mörg dæmi, en það er utan efnistaka.

Bíddu nú við. Hvað gerðist á Íslandi í gær og hvers vegna er það jaðarsett? Setjum margar flóknar spurningar í belg og biðu (manst að þetta er Spennulosun og við viljum ekki vera auðlesin þegar kemur að stórum málum):

Hvað þarf stór óvænt raforkuhögg að gerast t.d. í álverksmiðju eða í fallvatnsvirkjun til að verða raforkukerfinu hættulegt? Hvaða búnaður er keyptur í virkjanir, spennustöðvar og í deilibugður (Inflection points) kerfisins? Hvernig kemst þetta högg út á dreifikerfið? Hvað ef það var ekki þannig heldur EMF atvik? Í gær gáfum við í skyn að eitthvað hefði gerst varðandi netárás, en hvað ef það var eitthvað annað, s.s. EMF spennugjafi (Generator)? Hvað ef eitthvað slíkt getur gerst, hvað ef einhver Nató tæki eru á landinu sem einhver óvinvett leyniþjónusta vildi taka út? Hvað ef um æfingu var að ræða, sem tilraun um hvernig bregðast má við ef Kjarnorkustríð slá út rafkerfi mikilvægari landa? Hvað ef svona högg gerist á suð-vestur hluta landsins? Hvað ef öll sjúkrahús landsins yrðu rafmagnlaus í sex tíma, hvað ef rafmagnstöflur í timburhúsum landsins brynnu yfir ... hinthint ... hvar eru öryggisstaðlarnir, hvað raunverulega gerðist, hvað ef það endurtekur sig og þá stærra ... hver er falleinkunn stjórnvalda eftir klúðurhaupið (Debacle) varðandi Grindavík og almenn stoðkerfi Reykjaness, valdtjórnar sem [margsinnis] sprautaði fjóra af hverjum fimm borgurum landsins með tilraunaglundri vegna gegnsærrar lygasögu og þaggar skelfilegar afleiðingarnar, en samtímis eru á fullu í erlendum stríðsæsingum, og réttlætir sjálfa sig í sífellu með flóknum textum í löngum orðum eins og einhver sé hlustandinn?

Ef þú náðir að melta belginn, þá sérðu betur ærandi þögnina.

Þú manst, þetta er Spennulosun*.

 

* elítan er sneið Elítunnar, en báðar eru -elítan-.

* Almenn spennulosun, eða Spennulosun, ekki hið sama, hinthint (eða þannig).

* Varðandi kafbátatæknileg atriði viljum við minnast á að legur, fóðringar, lokar og dælur sem Þjóðverjar síðari heimsstyrjaldar reiddu sig á, komu úr Sænskum verksmiðjum - sumt frá Wallenberg mafíunni - en Svíþjóð stendur mjög framarlega í rafeindatækni, kafbátatækni og fallbyssutækni, auk þotuhernaðar, sem er ein af aðal ástæðum þess að innfallin Natótæknin þarf á Svíjum að halda - hér verður einnig að geta sænsku Stirling kafbátanna sem eru því sem næst hernaðarleyndarmál, en eru með áhugaverðustu þróun síðustu áratuga, ekki síst þ.s. vel þróaðar Stirling vélar komast næst því að vera eilífðarvélar þegar þær eru vel gerðar, og það eitt að einhverjum datt í hug að tvinna þær við létta árásarkafbáta (Fast attack subs) er áhugaverð hugmyndauðgi út af fyrir sig. Sem fyrr segir, risastórt umfjöllunarefni, sem við höfum gert ítarlegri skil í Arkívinu, og á ekki erindi í Spennulosun umfram eina neðanmálsgrein.

viðb 17:46. Hér má minnast á að Breski stáliðnaðurinn er núna í eigu Kínverja, og restin af Nató hernaðarvélinni drepið af fallöxi marxista klúbbanna IPCC og WEF!
En Ruhr, Sheffield og Pittsburgh, aðal stál og hernaðar maskínur heimsins, eru í þessum bát. Þýskaland hefur neikvæðan hagvöxt og VolksWagen flutt úr landi ...

• https://theconversation.com/the-past-present-and-uncertain-future-of-the-uks-steel-industry-235081
• https://en.wikipedia.org/wiki/British_Steel_(2016%E2%80%93present)

Annars ekkert að frétta.

 

e.s. Á skemmtilegri nótunum, þar sem ég hef stillt mig um að skrifa um nýjasta smáframboðið, nema í flimtingum á FB, en er kominn með nýtt heiti fyrir Íslensk smáframboð og klofningshreyfingar. Albertsheilkennið! En gættu að, ég elska þó minningu Alberts, eina vin litla mannsins sem elítan hefur átt.

 

e.s. - 21:18 - Þú veist að þú ert að ná árangri gegn lygum og ránum og fjöldamorðum, þegar Nató mafían hendir 80 tonnum af sprengjum á hausinn á þér. --Nasrallah

Athugasemdir

[Magnús Sigurðsson, 3.10.2024 kl. 17:54]

Þú stendur vaktina Guðjón, - hvað ef það varð ekki rafmagnslaust?

Hjá mér fór rafmagnið ekki eitt andartak, samt var ég á eldrauða svæði medíunnar, sem var rauðara en hamfarhlýnunarveðurkort, -samt allt með felldu nema sms-in frá RARIK fylltu minnið í símanum.

Ég veit ekki með aðra staði á norður- og austurlandi skilst að eitthvað hafi gerst í Mývatnssveit, en samt ekkert það alavarlegt að ekki væri hægt að halda Jarðböðunum gangandi fyrir túristavaðalinn.

Sennilega er málið að það er ekkert að frétta, þetta hafi verið nokkurskonar Langtíburtukistan frétt?

En samt nóg til að kalla saman þingmannanefnd til að fara yfir hverja á að skipa í nefnd til að fara yfir hvað skeði og í framhaldi af því skipa stýrihóp til að koma saman nefnd um hverjir fari með þarfagreiningu.

Nei má ég þá heldur biðja um úttekt á ísbirninum sem labbaði upp á land um hásumar í allri hamfarhlýnuninni.

Bestu kveðjur.

[Guðjón E. Hreinberg, 3.10.2024 kl. 18:02]

Takk fyrir þetta Magnús, akkúrat sem maður veit ekki, hvað ef það var bara froða í bjórglasinu?

Allra bestu kveðjur, en sem fyrr segir, ég get ekki rætt hvítabirnuna, útaf öllum þeim sem fýsnuðust af að drepana.

[Magnús Sigurðsson, 3.10.2024 kl. 18:40]

Rafmagnsleysið virðist freyða Guðjón, -ég hef séð eina frétt af bilaðri þvottavél hjá Jarðböðunum á Mývatni.

Það má samt fullyrða það að medían væri full af fréttum ef ekki hefði verið hægt að strauja kortin hjá túristunum og landanum á svo stórum hluta landsins í allan gærdag.

Hvaða ástæðu RARIK hafði til að senda út öll þessi sms um neyðarástand, sem fylltu hólfið mitt, -og medían til að blás upp froðuna er mér hulin ráðgáta, en kannski veit þingnefndin það.

Það þýðir allavega ekki að segja mér draugasögur í björtu. - Hvað svo sem gerist í Langtíburtukistan, það veit maður náttúrulega ekki, nema þar sem maður hefur kontakt-menn og þá er þar oft um að ræða rafmagnað rafmagnsleysi.

Bestu kveðjur.

[Þröstur R., 3.10.2024 kl. 21:07]

Er þetta þetta týpíska flettan, Problem, reaction solution .. Elítan vill fá vindmyllugarðana samþykkta en illa gengur að þvinga sveitafélögin. Fréttir undanfarnar vikur eru á þá leið að almenningur þarf að notast við kerti og spil í vetur enda annaðeins áróður af rafmagnsleysi og dreifikerfi ekki heyrst. Gulli mylla sagði að það þyrfti að eyða 88milljörðunm í aðra línu og bæta dreifikerfið.. Þetta lyktar allt af einhverri fyrirfram ákveðni svikamyllu.

[Guðjón E. Hreinberg, 3.10.2024 kl. 21:20]

Takk fyrir innlitið, Þröstur, það er einmitt margt sem bendir til að víðari svikamylla sé í gangi ... en hver hún er - hversu margir vita t.d. að Blackrock í gegnum Iceland Glacial er komið með puttana í "vindmillugarða" dæmið og þá tengt gjöfinni á Hálendinu til alþjóðamafíunnar.

Bestu kveðjur

[Guðjón E. Hreinberg, 3.10.2024 kl. 21:22]

Enn ræðir enginn um svissnesku drulluna sem dælt er í ferskvatns berglögin á Reykjanestá.

[Þröstur R., 3.10.2024 kl. 22:06]

Ég hringdi nú á bæjarskrifstofuna í Reykjanesbæ og langaði til að forvitnast betur um þetta tilraunaverkefni, hver ákvað þetta, hver gaf leyfið, hver ber ábyrgð á þessu, hver sér um eftirlit og ogsvfr. Engin svör og sú sem svaraði mér var jafn hissa þegar hún las þetta í fjölmiðlum. Allt hush hush hérna í Reykjanesbæ og íbúar þess væntanlega hafa litla vitneskju um þetta mál.

Fann þessa grein í Vísir ef þú hefur kannski misst af henni.. Ég gerði það en fann hana með smá-leit. https://www.visir.is/g/20242607948d/er-helgu-vik-ein-af-staerstu-ruslakistum-is-lands-

Já það stuðaði mig allavega 10.000 volt að lesa fréttina þegar Blackrock varð hluthafi í Icelandic Glacial. Er ekki frá því að Jón Ólafsson var látin starta þessu verkefni með hjálp BlackRock frá upphafi.

[Guðjón E. Hreinberg, 3.10.2024 kl. 22:22]

Takk fyrir þetta, Þröstur, ég segi það sama um Helguvík, ég frétti þetta í pottunum vegna samræða einhverja karla þar og segi hið sama, maður þurfti aðeins að gramsa.

Eins með I.C. mér var sagt símleiðis frá Blacrock/I.C. af manni sem mundi að ég hafði þrem eða fjórum árum fyrr rýnt ofaní Iceland Glacial (í Arkívinu) og fundið út að ekki var allt í samræmi við markaðssetninguna, eða þannig.

Þetta er það skemmtilega að vera ekki lengur með í réttunum, að maður fær meira að vita og skilja uppi á fjöllum, þó manni sé stundum kalt í rökum fjallahellum, þá snýr maður ekki aftur til spilltra byggða.