Labbitúr um sálarlandslag austurvegs

Þegar þú lest vangaveltur liðinna aldingja* á borð við Oswald Spengler, Georg Hegel og Mircea Eliade, áttar þú þig á að hugtakið Þjóðarsál getur átt við fleiri frumspekilegar verundir (Metaphysical entities) en Íslenska Múgsefjun.

 

 

Allir þessir höfðu mikinn áhuga á hinu frumspekilega staki (Object, Thing), hvernig mætti afmarka það og greina, og umfram allt; hvernig mætti afpakka þeim skilningi á hagnýtan hátt fyrir mannveru hinnar sjálfrýndu hugsunar (Homo Sapiens Sapiens), þ.e. manngrey (Humanoid) sem fært væri um að greina sína eigin ósýnilegu hugsun sem áhorfandi.

Eigum við Íslendingar til hugtak fyrir framangreint, þ.e. "Sentience?" {Hér er beint til Ergo Facto Sum, vangaveltna Húmanistans Descartés}

Allir þessir hugsuðir, sem staðið hafa upp úr í tímans orðafljóti (Epic logos) höfðu mikinn áhuga á fyrirbærinu hin Rússneska sál. Að mati færsluritara komst Spengler næst því að rýna hvað hin rússneska sál væri, og eru lesin upp orð hans úr bókinni "Decline of the West - abridged edition" í Arkívinu.

Vladimir Putin dró fram fókuspunkta á hina rússnesku sál í frægu samtali hans og Tucker Carlson í vor, ásamt sagnfræðilegri rýni. Margt sem þar var nefnt var einnig dregið fram í frægu tali hans til Rússneskra borgara daginn sem Sértæka Hernaðaríhlutun* Rússneska ríkjasambandsins hófst í Úkraínu, 24. febrúar 2022. Þar útskýrir hann hvað Rússar sjá, varðandi þau átök sem nú eru í gangi í Evrópu og að best sé fyrir áhorfendur átakanna, og þeirra er fyrir barðinu á þeim verða, að sjá þau sem tímanna tákn.

Hér er um eitthvað stærra að ræða en einsleitar og háðulegar yfirlýsingar vestrænna leiðtoga og sérstaklega fyrirlitlegt orðaskyrp Íslenskra "ráðamanna." En hvað?

Hvað eru margir Íslendingar sem vita hvað átt er við með lögfræðilega hugtakinu Sértæk hernaðar-íhlutun? Veit þetta einhver, eða er eitthvað rætt um það í upplýstum miðlum okkar? Átökin eru iðulega uppnefnd Innrás, sem merkir allt annað, og Pútín forseti uppnefndur ónefnum (í trássi við Íslensk hegningarlög), minnandi á það sem Páll postuli forðum nefndi Hvellandi bjöllur.

Oft benda Gáfnaljósin* á hvað Rússar standi illa að vígi í Innrásinni, án þess að hafa til að bera neina þekkingu eða skilning á þeirri átakatækni (Strategy) sem beitt er í sértækri hernaðar íhlutun Rússa í Úkraínu, eða hvaða valsbrögðum (Tactics) þeir beita bæði á vígvelli og í alþjóðastjórnmálum varðandi þetta ástand. Þeir sem hins vegar rýna þessi mál af þekkingu, erlendis, eru margir og allt er það í boði fyrir þá er vilja uppfræða eigin huga.

Við getum týnt ýmislegt til s.s. minnt á Minsk samkomulagið sem staðfest var af þingi Sameinuðu þjóðanna. Við getum rifjað upp hvernig fjöldamorðin í Bucha voru augljóslega sviðsett af hálfu Úkraínu og enn talin hérlendis vera framin af Rússum - en margir hafa sýnt fram á hvað gerðist og nú nýverið franskur blaðamaður sem staðfesti að hann var sjónarvottur að sviðsetningunni.

Auk þess sem Rússar sjálfir hafa óbangnir farið fram á óhlutdræga rannsókn á ódæðinu.

Við getum týnt til hvernig Úkró herinn notar ítrekað óbreytta sem hlífiskjöld og jafnvel myrðir eigin borgara að geðþótta. Við getum rifjað upp Mirotvorets dauðalista Úkraínumanna, og hvernig vestrænir stjórnmálamenn og fjölmiðlamenn, ásamt óbreyttum borgurum Nató blokkarinnar eru settir á þennan lista. Við getum rifjað upp þegar Bandarískur ríkisborgari var pyntaður til bana í Úkraínsku fangelsi fyrir að vídjóblogga um stríðið.

Við gætum tilgreint að forseti landsins hefur ekki lengur valdumboð samkvæmt eigin stjórnarskrá og þing hans er að missa hið sama um þessar mundir. En í einföldun er þá spurt; hvaða lýðræði og frelsi erum við að styðja? Lýgræði og kúgun okkar sjálfra? Eru þjóðfélög okkar vestra, eitthvað sem þau þykjast vera en eru ekki - eða Synagóga Satans, svo vitnað sé í Biblíuna!

Ekkert af þessu skiptir hér máli.

Það sem hér skiptir máli er hvar þið Íslendingar viljið staðsetja ykkur. Nei, ekki við Íslendingar, ég er Herúli, auk þess hef ég yfirgefið Lýðveldið og gengið yfir til Þjóðveldis - í samræmi við lög.

Ég er ekki Íslendingur og ætla mér úr landi um leið og persónulegar aðstæður mínar leyfa. Það hefur þó ekkert að gera með stríðið sem hér er rætt, heldur þá viðurstyggð sem innfallin siðmenning (Imploded Civilization) er orðin hérlendis. En ég elska Ísland og ég elska þá menningu sem ól mig. Mér er ekki sama um börnin þín. Mér er ekki sama um túngumálið - okkar - sem kenndi mér að móta huga minn.

Hér er ekki lagt að jöfnu Íslenskt land, Íslensk menning, annars vegar, og Lýðveldið og óþjóðalýður þess hins vegar, eins og venja er hér á Upplýstastalandi.

Svo ég verð að hlaupa snöggvast á skautum um það sem hin rússneska sál sér þessa dagana, en þér er hvergi sagt frá. Skauta, því það sem er undir ísnum er djúpt og kyrrt, sumt í skugga, annað bjart, en mis hulið og mis skýrt.

Rússneska sálin sér Úkraínu sem Leppríki Nató. Punktur. Nató réðst inn í Rússland fyrir tveim vikum. Nató drap óbreytta borgara í atburðinum. Nató er núna í stríði við alla Rússa.

Nú vaknar Hannelskarhunang.

Veistu hvað Hannelskarhunang merkir?

Rússar nefna aldrei bjarndýr á nafn, því það getur vakið þau, og skal umgangast bjarndýr af virðingu. Því eru þau uppnefnd Hannelskarhunang eða Medvedev. Því þegar bjarndýrið vaknar sjálfu sér til varnar, þá stöðvar það ekki fyrr en óvinurinn er í valnum eða það sjálft ella.

Fyrir langalöngu deitaði ég rússneska konu. Hún kenndi mér að bera virðingu fyrir rússneskri dulsýn og hjátrú. Hún staðfesti mér það sem fyrrgreindir aldingjar ræddu. Ég lærði að taka mark á henni, en of seint. Nú getur þú lært af mínum mistökum, frítt.

Leirmenni og bergmálsfólk vesturlanda eru orðin svo vön orðagjálfri og sjálfsréttlætingum áróðurs og rönguræðna, að orð hafa þeim lítið vægi, og minni merkingu. Hér er þó hvert orð valið af þunga. Hér er vog, og hún er yfir ginnungagapi. Þetta er alvara.

Nú skulum við skauta.

Fyrir um það bil átta öldum völtuðu riddarasveitir Mongóla um austur hluta Rússnesku skóganna og sléttnanna eins og þeim sýndist. Þegar Mongólar stofnuðu ríki Gullnu hjarðarinnar við norðanvert Kaspíahaf gerðu þeir Rússnesku furstana í Kiev og Novgorod og síðar Moskva sér skattskylda og gekk þeim vel næstu aldirnar að hirða skatt. Þar til á tímum kremlar virkisins sem þá hafði nýlega sigrað Tveringa (Eista) og austur-finna í Valdimír dalnum, en þá ákvað Ivan nokkur og afkomendur hans að nóg væri komið, að Rússland skyldi eftir það engum lúta.

Við erum núna komin á samtíma Hinriks áttunda, þegar Rússneska virkið ákvað að bregðast við öllum aðsteðjandi hættum, fyrst með þolinmæði, síðan útsjónarsemi, og loks ef nauðsyn bæri til, með hunangsvörnum.

Hvað gerðist næst?

Óttómanar sem vildu eiga Úkraínu og Balkanskaga voru stöðvaðir. Austurríska heimsveldið sem vildi eignast Úkraínu var stöðvað. Pólsk-Litháska heimsveldið sem vildi undiroka allt Rússland, var gert að litlu furstadæmi og loks strokað út. Friðrik mikli Prússakóngur sem vildi undiroka bæði Austurríkismenn og Rússa, var sigraður og Rússneskur her labbaði gegnum Berlín. Napóleón sem gera vildi Rússland að skattlandi, var sigraður og Rússneskur her labbaði aftur gegnum Berlín og áfram til Parísar. Bretar, Frakkar og Ottómanar reyndu þá að taka Krímskaga en neyddust til að semja þegar þeir sáu hvað biði þeirra næðu þeir öllum skaganum, en þeir ætluðu alla leið til Volgograd (eða hernema Donbass héruðin). Hitler ákvað að leggja Rússland niður og breyta því í Þýskar nýlendur, enn á ný labbaði Rússneskur her inn í Berlín. Loks kom Amerísk litabylting og lagði niður Sovéska útgáfu Rússlands, sópaði til sín auðlindum landsins, en það var stöðvað, enn var reynt að koma öllu í uppnám með litaaðgerðum í Chechnýju og gegnum Georgíu, en það var stöðvað. Þá var reynt að æsa Rússa til stríðs í gegnum Lugansk og Donetsk, og það heppnaðist, en hvernig?

Hver er staðan?

 

 

Við ræddum nýlega að Kursk línan var skilin eftir varnarlaus, en hraðsveitir voru greinilega tiltækar til að bregðast við. Nú veit allur heimurinn að það var Nató sem réðst fyrst á Donetsk og Lugansk árin 2014-2021 og nú eftir að sértæka hernaðaríhlutunin stöðvaði ódæðið, réðust þeir sumarið 2024 á Rússa. Rússneska ríkjasambandið (Russian Federation) hefur nú þá ástæðu sem það telur sig þurfa til að ljúka verkefninu.

Hvert er verkefnið?

Pútín útskýrði það á Öryggisráðstefnu Evrópuríkja í Munchen, 2007. Lavrov útskýrði það þegar hann varaði Evrópusambandið, ítarlega, við hegðun sinni árin 2017 til 2019, hvað væri að gerast af þeirra beggja hálfu (Bilateral).

Ottó von Bismarck varaði við, í kringum 1890; "Rússar ljúga ekki opinberlega. Þeir meina það sem þeir segja, og ef ekki er tekið mark á því, eða því sýnd tilhlýðileg virðing, sýpur þú seiðið af því."

Bismarck var reyndasti diplómat og snjallasti ríkisráðsmaður (Statesman) Evrópu á sinni tíð, hugsanlega alls heimsins. Allt sem hann sagði um heimsmálin og t.d. hvers vegna hann sá fyrri heimstyrjöldina fyrir með aldarfjórðungs fyrirvara, hefur staðist.

Þú grúskar í mönnum eins og Spengler, Hegel, Eliade og Bismarck, til að skilja sjálfan þig og geðveilur samtímans. Leiðinlegir pennar, en ef þú skilur þá, getur það bjargað lífi afkomenda þinna og afkomu.

Þið Íslendingar eigið að vera hlutlausir í alþjóðamálum og afla vina í öllum herbúðum. Það er meiri gróði í því, fyrir alla þjóðina, en sú geðveiki sem nú ræður öllum húsum í Reykjavík og nærsveitum. ÍsQuislíngar eru þessa dagana að leggja landið niður, og má telja margt til, en það ætti að vera öllum augljóst sem sjá fleira en Rúv og Bbc.

Fyrir hvern dag sem Íslendingar eru í Nató og styðja hernað þess, kvitta þeir fyrir öll þjóðarmorð þess og Þjóðríkjarústun (Nationstate destruction) frá stofnun þess, og sérstaklega síðan 2001. Merkilegt nokk, hinn upplýsti samtímamaður leyfir sér undanfarin tvö ár að láta eins og sá langi listi sé ekki til.

Var einhver að kalla: Siðblinda!

Við vorum að koma út úr stærstu og dónalegustu þjóðarmorðs aðgerð allra tíma, sem gerði allan hnöttinn, allt mannkynið, að leikbrúðum Alþjóðastofnana sem virðast í dag trúa sínum eigin lygum og rönguræðum (Dielectic).

... og nú er búið að tendra kveikinn að kjarnorkustríði.

... þegar allir eru í stríði, er best að vera vinur þeirra allra.

Á persónulegu nótunum:

Ég veit sosum að enginn tekur mark á þessum orðum, en mér líður ögn betur að hafa ritað þau. Hið sorglega er ekki að ég er sá eini sem viðhefur þessi varnaðarorð, með ábendingu um stefnubreytingu, heldur hitt að ég veit að fólk forðast að taka mark á mönnum af mínu tagi. Þannig virkar múgsefjun og útflattur félagshugurinn.

Ekki þar fyrir; það er bannað að taka mark á öllum mínum færslum. Eins og allir vita. Þetta er bara spennulosun.

Öll þjóðríki dagsins í dag hafa tekið sér guðræðislegt vald og hraustlega sett sig á stól hortsins (Hubris), en hort er gort í fésið á hinu guðdómlega. Þessi ríki hafa tekið sér guðdómlegt vald, og það á svo mörgum sviðum, og svo ítarlega, að langt mál væri að telja það upp. Þess vegna var Arkívið nauðsynlegur vitnisburður.

Veistu hvað gerist fyrir stofnanir sem heykja sér gegn guðum og vættum? Veistu hvernig fer fyrir þeim meðal almennings og elítu sem ekki exodusa slíka hegðun? Hvernig exodusaru staðvært (In place)?

Þú giskaðir rétt. Bæn, Iðrun, Vitnisburður, Fyrirgefning. Þú býður Guði góðan dag áður en þú býður það nokkrum tvífætlingi. Þetta er eina leiðin sem okkur er fær, akkúrat núna. Sama hvaða trúarsið, eða siðleysi þú tilheyrir. Sama hvar þú ert, hver þú ert.

Þetta er staðan síðan 11. mars 2020.

Ef þú skilur þetta ekki, þá máttu ekki lesa færslur mínar, því þær vitna gegn þér, og þér er hættuminna að láta eins og skrif mín og upptökur séu ekki til.

Góðar stundir, og hamingjuríkt allsherjarstríð.

Því þar erum við, og svo er Lýðveldið að styðja þjóðarmorð Zíonískra* djöfla á afkomendum Hebrea á Gaza, eins og enginn sé morgundagurinn. Ef við stöðvum ekki, og ef við gerum ekki upp okkar eigið þjóðarmorð fyrir þrem árum, þá missum við allan okkar tilverurétt.

Manstu bölvættinn sem vakinn var 2021? Heldurðu [enn] að hann sé ímyndun?

Og að lokum: Það skiptir engu máli hver byrjaði, það skiptir engu máli hvað sagt er í áróðursvélum, sá vitri forðar sér út úr aðstæðum sem hann ræður ekki við.

 

 

* Við notum nýyrðið Aldingi fyrir enska orðið "Sage." Rönguræða (eða Raunguræða) fyrir "Dialectics" og Átakatækni fyrir "Strategy" og Lýðsæld fyrir "Populism" og Lýðsefari fyrir "Populist."

* Zionismi er ekki Júðismi, og Kristnir geta ekki verið Zionistar, nema falskristnir séu.

* Gáfnaljós er kurteislegt orð yfir Bergmálsfólk, sem heldur að upptalning á innprentunar molum sé greindarmerki.

* Sértæk mætti einnig vera afmörkuð, í þýðingu á heiti Special Military Operation.

 

 

Viðbót 22:33

Gleymdi eftirfarandi, sem átti að vera með í örupptalningu á sögu Moskvu furstanna.

Þegar Frakkar og Bretar hófu að hluta sundur Kína á miðri nítjándu öldinni, var hátt í öld liðin frá því að Rússneskir höfðu svo til afvopnað Kínakeisara og hirt Amúr héruðin (sem þeir stjórna enn) og Mansjúríu héruðin sem þeir síðar yfirgáfu, og Baikal héruðin og hluta Mongólsku héraðanna. Þetta er aðal ástæða þess að Kínakeisari hafði takmarkaða getu til að halda Bretum og Frönskum lepp þeirra í skefjum, en ekki Ópíumstríðið sem þér er kennt. Kínversk ríkissmiðja og menningarviska ákvað eftir þetta, að viðhalda jafnvægisvináttu við Rússa, sem haldist hefur í að verða tvær aldir, og báðir græða á. --hinthint

 

Athugasemd 20240822-1252: Varðandi fyrstu efnisgrein. Verund er í raun "Phenomen" og "Entity" er Einindi, en látum gott heita. Ég nota oft verund fyrir bæði entity og phenomen.

Athugasemdir

[Skúli Jakobsson, 21.8.2024 kl. 17:52]

Ljómandi!

' From Russia Comes the Hope for the World '

Edgar Cayce

Hefur þú lesið bækurnar um Anastasia? 

Ringing Cedars of Russia?  Finnur uppl. hér, meðal annars;

https://anastasia.foundation/

Góðar stundir 

[Guðjón E. Hreinberg, 21.8.2024 kl. 21:34]

Takk fyrir innlitið, Skúli, nei ég kannast ekki við Anastasia efnið.

Kanna málið. Bestu kveðjur.

[Helgi Viðar Hilmarsson, 22.8.2024 kl. 10:42]

Þetta er einn sá besti pistill sem ég hef lesið eftir þig Guðjón. Sérstaklega er ég hrifinn af orðaklambrinu þínu. Átakatækni og valsbrögð standa þar upp úr.

[Guðjón E. Hreinberg, 22.8.2024 kl. 12:51]

Takk fyrir, Helgi Viðar, og bestu kveðjur.