Leynifélagið

Antivistar hrópa gjarnan að þeir trúi á Alheimsvitund eða Jesú eða eitthvað annað yfirskilvitlegt, en þeir trúa því ekki að þessi "vættur" sinn geti vakið hinn almenna mann eða breytt hugarástandi elítunnar*. Þeir fái aðeins "frelsi"(*) ef takist að vekja hinn almenna eða rökræða við eða mótmæla valdhafanum af krafti.

 

Þeir trúa ekki á vægi (Torque) yfirvegaðrar agaðrar orðræðu sem fæðist í kyrrð sjáandi huga er athugar sinn gang og Alheimsins. Þeir trúa sumsé "hugmyndinni um vættinn" en ekki "á vættinn" eða vensl við "hann" (það). Rétt eins og almenningur trúir á hugmyndir Elítunnar* um "ríkið" og "vísindin" en gaumgæfir ekki samninginn um ríkið eða muninn á athuguðum (mældum) vísindum og útskýrðum (Description vs. Explanation).

Þetta er efnishyggja (Materialism) og þar með bókstafshyggja (Fundamentalism) þar sem tiltekin bókarkredda (Dogma) er valin sem "sannleikstúlkun" og þar með trúað því sem bókin eða kreddan segir, og þar með "um" efnistökin hvort heldur þau eru vættur eða vísindi, frekar en að átta sig á að kreddan er aðeins vegstika eða vísir á leiðina til rýni og íhygli, með von um skilning.

Þeir sem hins vegar trúa á sinn vætt, afla sér vensla (Relation) við vættinn og iðka (eða rækta) þau gildi sem sá vættur mælir með. Í eingyðistrúnni eru aðgerða-gildin (Actionable principles) fólgin í að iðka Bæn, Vitnisburð, Fyrirgefningu og Iðrun. Sú iðkun opnar fyrir að vætturinn geti ljómað (Illuminate) sál iðkandans, og þar með opnað fyrir sköpunargáfu hans, innsæi og hugmyndauðgi en samfara því er hvöt til sjálfsmenntunar og sjálfsaga, sem upplýsir (Enlighten) huga hans og greind.

Í þessu er fólgið að í venslum við vættinn - sérstaklega sé það Skapari Alheimsins - gengur iðkandinn inn í stærsta, aflmesta og göfugasta leynifélag allra tíma og allra samfélaga. Leynifélag þeirra sem eru í venslum við Guð sinn. Þeir þurfa engan söfnuð, skráð félag, kirkju, ríkisvald, né neitt annað, enda veit Guð hverjir eru hans, og þeir vita hver Guð sinn er.

Þeir þurfa ekki að leiðrétta Satanísk ríki eða vekja siðblindan almenning, þeir þurfa aðeins að vitna um spillingu þessara, og sjálfs sín, svo englar Guðs geti gengist við þeim, og arka áfram þann farveg sem þeir ganga til eflingar á Guðs hag (sem er hin eina tilbeiðsla).

Þegar þú sérð Leynifélagið, eða hefur gengið í það, sérðu hvernig allir söfnuðir, öll félög (Societies), öll trúarbrögð, allar Akademíur - dýrðir Samaels - eru í stríði gegn því, enda "um" en ekki "á" (Er). Stríð sem er fyrirfram dæmt til að misheppnast, því rétt eins og þú getur ekki strokað út eða fangelsað hugmynd, getur þú ekki eytt alvöru leyni né komið á það hugar- eða sálarböndum (sama hvað Meitlaraklúbburinn reynir).

 

 

 

* Við höfum áður rætt mikilvægi þess að biðja fyrir elítunni, eða óvinum okkar; að Guð beini ljósi sínu að þeim. Sérstaklega þegar við getum ekki beðið fyrir þeim, að biðja Guð að blessa þau þar til við getum það sjálf (rót vilja, ásetnings (Intention)). Ekki gleyma að við höfum ekki réttlátan mælikvarða í okkar eigin vitund yfir hvað er gott eða illt, og því gætum við sjálf verið jafn spillt og þeir sem við biðjum fyrir, og hluti þess að Guð ljómi okkar eigin illsku (svo hún hrörni eða gufi upp) er fólgin í samspili "innri vitnisburðar og iðrunar."

 

* Að búa í siðmenningu krefst þess að þú afhendir frelsi þitt til löggjafans, óhjákvæmilega, og að löggjafinn (eða handhafi stjórnvalds) úthluti eða skilgreini eftir það afmörkun athafnafrelsis. Baráttan um ábyrga siðmenningu felst í að hún sé göfug, iðki Réttlæti og Mannvirðingu (Justice & Dignity) en ekki óheft frelsi. Barátta Antivista er því dæmd til að misheppnast - enda stýrð andstaða - því hún hvorki veit fyrir hverju hún berst í raun hvað þá að hún hafi skilgreint aðgerðaleiðir eða rýnt þær sem (sögulega) misheppnast, eða hvernig Elítan býr til - eða tælir - stýrðu andstöðuna.

 

Guð sagði við Móse, "ég hef heyrt ákall (bænir) míns fólks, sem hrópar á MIG eftir réttlæti og virðingu og ég sendi þig til þeirra, svo þú getir leyst þá úr ánauð (Deliver) og leitt þá til mín."

 

Þessi orð hafa vægi.

 

* Ég minni á að í orðræðu minni er mikill munur á elítunni og Elítunni.

Athugasemdir

[Magnús Sigurðsson, 18.4.2024 kl. 18:43]

Góður Guðjón, -guðs blessun.

Bestu kveðjur.

[Guðjón E. Hreinberg, 19.4.2024 kl. 15:58]

Takk sömuleiðis, Magnús.