Sabateismi á sabbatdegi

Fáir samtímamenn okkar vita hvað Þráttunarröskun eða Díalektík er, þó þeir séu maríneraðir í henni eins og smáttsaxaðir gaffalbitar. Fyrirbærið er þó langtífrá nýtt af nálinni; við siðmenntaðir höfum barist gegn þessum uppvakningi mannvonskunnar í mörgþúsund ár.

Undanfarið hef ég bent á að ýmsir meitlaraklúbbar hafa gert þessa vibbaíþrótt að mikilli list, þekktastir eru hérlendis Frímúrar (Englar, Saxar, Prússar, Fránkar), sumir vita vafalaust af Jesúítum (Kaþólskra), Magíum (Persa) og Töframönnum Faraós (Egyptar), Sabbateum og Frankistum (Júðskir og Tyrkneskir), eða Drúidum (Bretar, Húmanistar).

Ég uppnefni þá alla meitlara, í samræmi við ellefta ákvæði Guðdómlega sáttmálans; bannað er að bera meitil á grjót sem ætlað er til helgunar eða athafna (Rituals). Þannig er öll sálarmótun, sálnaverkfræði, og tilheyrandi meitlun (vitundarskrúbbun), harðbönnuð, enda djöfulleg verkfræði.

Að mínu mati eru einu raunhæfu tólin í stríði af þessu tagi, virkjun fjögurra lykla: Bæn, Iðrun, Vitnisburður, Fyrirgefning. Það segir sumum meir en mörgum, að kenna þurfi slíkt á okkar upplýstu tímum.

Frá því Platón og Aristoteles glímdu sín á milli, með eða á móti Díalektík, og allar götur til dagsins í dag, hefur menningin sópað í stórt mengi heilræða varðandi fyrirbærið. Sjálfur held ég mest upp á hvernig spámaðurinn Elía glímdi við skrímslið.

Mæli með hugvekju dagsins frá David Starkey, einum fárra íhaldsmanna samtíma okkar sem eitthvað vitrænt hefur fram að færa, og hefur ágætar hugmyndir. Allavega hef ég aldrei komið að neinni hugvekja hans þannig að ég fari ekki ríkari frá.

"What is to be done? Q&A"
https://www.youtube.com/watch?v=F5m6qDmq2tI (50m)

Athugasemdir

[Helgi Viðar Hilmarsson, 11.12.2023 kl. 12:43]

Ég er að hlusta á David Starkey. Að vernda borgarana fyrir ofríki ríkisins hefur verið breytt í verndun minnihlutahópa fyrir meirihlutahópun til að skapa ríkinu hlutverk og vald.

[Guðjón E. Hreinberg, 11.12.2023 kl. 19:06]

Já, það er soldið góður punktur hjá honum. Sosum fleiri að benda á þetta atriði undanfarið, sem fín mælistika á rangsnúningi samtímans.

Bestu kveðjur.