Hlutir eru að gerast

Sumir hafa vafalaust haft gaman af að horfa á myndskeiðin með SU-35 þotunum sem fylgdu flugvél forsetans frá Moskvu til Sameinuðu Arabafurstadæmanna (UAE) og áfram tí Sáudí. Það má lesa ýmislegt út úr flugi, þegar færir orrustuflugmenn í að- og fráflugi, og ekki síst í fylkingarflugi sína tilfinningar sínar. Þá hafa vafalaust margir horft á líkamstjáningu lífvarða allra þriggja ríkjanna á flugvöllum og fundum, og lesið í líkamstjáningu og gaumgæft andann sem viðburðirnir fóru fram í. Nú eða að Kóngurinn sjálfur mætti út á flugvöll, eða borið saman við hneisuferðir voðatúns- og brussel foringjanna undanfarnar vikur um svæðið, en þeim er varla heilsað. Ástæðan fyrir að við erum að minnast á þessa skotferð Pútín til Persaflóans, nú í þriðja sinn í spennulosun, er af ástæðu, sem áður hefur komið fram, svosem. Hef aðeins litið yfir leiksviðið í heiminum í dag og tek eftir að hvarvetna eru greinendur að rýna þessa skotferð og hversu áhrifamikil hún er, vitundarlega. Allir vita að nú er Madúró að undirbúa stríð við Guyana, nokkuð sem Venezúela þurfti að setja á ís 1895. Þá er áhugavert að greinendur hvarvetna eru nánast í spýtukeppni yfir COP28 drulludreifaranum, og vafalaust hafa allir tekið eftir þegar ráðherra ÚAE gerði lítið úr fundinum og neyddist síðan til að draga yrðingar sínar til baka. Glöggir sem rýna aðeins meira en "múslímaheimurinn" vita vafalaust að menningarflóran á svæðinu viðhefur ákveðna tegund yfirlýsingalistar sem menn þurfa að kunna til að skilja, en er yfirleitt gert lítið úr hjá Gáfnabönkum vesturlanda. Margir vita að OPEC og OPEC+ kemur hér inn í kortið og einnig BRICS6 og hið nýja BRICS12 sem það er að breytast í, er e.t.v. stærra stak. Þá tóku sumir eftir að Kadyrov var með í för, sem er eftirtektarvert, en umfram allt, það sem við tókum ekki eftir fyrr en í dag; Elvira Nabiullina var í ferðinni! Sem fyrr segir, hlutir eru að gerast.

Þá er annað sem er að gerast sem við höfum lítið fylgst með, en höfum þó drepið á. Vestræn vopn eru að upplifa stórfelldar afpantanir þessa dagana, eftir notkunarafhroð þeirra í Austur-Evrópu undanfarin tvö ár, og við vitum hverjir fá nýjar pantanir í kjölfarið. Við höfum beðið átekta síðan MI56 drap Prígósjín, hvað verður um starfsemi Wagner í 27 til 34 löndum í Afríku, Asíu og víðar, en starfsemi sú var mun stærra verkefni en þátttakan í Bakhmut og öðrum orrustum, en vopnasala fylgir slíkri starfsemi. Við vitum að búið er að endurnýja yfirstjórnina sem fórst í flugslysinu en við vitum ekki enn hvernig fer með þá starfsemi sem þegar hafði verið byggð upp eða hvernig hún þróast. Atriði sem er meir en vert að fylgjast með. Þetta tengist síðan umræðunni um F16 vélarnar. Margir hafa vafalaust fylgst með undanfarin misseri að F35 vélin fræga, er ónothæft rusl. Jafnvel Suður-Kórea er að stórsjá eftir að hafa keypt nokkra tugi af þeim (ein þeirra fór í mask nýverið eftir árekstur við örn!), en vafalaust vita sumir að mjög lá við að SK keypti SU-27 þotur, sem eru ódýrari og hæfari (s.s. komið hefur í ljós í átökum milli þeirra og bæði Tyrknesku og Ísraelsku flugsveitanna síðan 2015 - en SU-35 er endurbætt útgáfa SU-27. Venezuela á slatta af SU-27 og búist var við að þar yrðu keyptar fleiri, en í dílnum sem SK bauðst á sínum tíma (og mig grunar að sá díll sé víðar) eru lokaskref samsetninga á slíkum pöntunum tekin í kaupendalandinu, með loforð um gegnsæi varðandi hönnun, tækni og viðhald ... bíddu; Tyrkir eru að íhuga að hætta við kaupin á F16 og skipta yfir í SU-35 ... og ef þú veist eitthvað um efnahagslíf vesturvelda, þá veistu að 80 prósent af því eru vopnaframleiðsla og að ein ástæða þess að Nató blokkin er gjaldþrota er út af því að IPCC klippti iðnaðinn undan "okkur" og gelti ... já. Hefurðu umengist hesta sem komið var niður í áður en þeir voru geltir? Já, þeir verða heimskir, ofbeldisfullir, þröngsýnir og ónothæfir, eins og "stjórnendur" okkar.

... þú endar með siðmenningu sem setur mynd af Jesú með brjóst og varalit utaná strætó, tekur af þér einkabílinn, drepur niður einkaframtakið, breytir stjórnmálum í tilkynningatöflu, fjölmiðlum í einhliða fagnaðarerindi og skiptir að lokum borgararéttindum út fyrir mannréttindi og sprautar allan lýðinn að lokum með stórfelldri erfðabreytitilraun vegna nýs áróðurshugtaks yfir veikindi sem allir hafa reynslu af en skyndilega vita ekki að þeir hafa reynslu (eða skólabókar) þekkingu á. Þú flýrð slíkt, eða deyrð.

... og þó skrokkurinn sprikli, þá ertu dáinn ef hugurinn er aðeins bergmál og leirburður.

Ég minni á að við erum hlutlaus hér í alþjóðamálum, bæði samkvæmt ákvæði Almennra hegningarlaga "Lýðveldisins Íslands 1944" og einnig ákvæði Stjórnarskrár "Endurreists Þjóðveldis 2013." Kalt mat: Vesturlönd hafa breyst í það sem Biblían nefnir viðurstyggð á helgum reit (innfallin siðmenning) og ber trúuðum að flýja slíkt. Kóraninn tekur í sama streng - en Kóraninn er byggður á sömu Eingyðistrú og Bibban og bæði guðfræðilega og siðfræðilega stendur á pari, öfugt við það sem heilaþvottavélar fullyrða.

Færslur mínar eru spennulosun eingöngu og þessa dagana erum við að rýna "að hlutir eru að gerast" en við sjáum ekki enn yfir blindhæðina. Textinn í þessari færslu er viljandi hafður tersinn.

Menning okkar á engar hugmyndir, ræktar engar samræður hvað þá samskipti, embættismenn aldrei látnir standa ábyrgð á mistökum sínum eða athugaðir með vanhæfni (sjá Varðmenn kvótans), stjórnmálafólk er skipað og kosníngar líkjast meira formlegri undirskriftasöfnun, "stjórnendur" uppnefna sjálfa sig "leiðtoga" en allar samræður þeirra eru hver við annan eða við hugveitur sem líkjast meir skýjafari en byggingum og trúa því að þegar þeir tala til fólksins séu þeir jafn sannfærandi og predíkarinn sem heldur að kirkjukórinn séu undirtektir ...

Við þurfum bráðlega að útskýra vandlega hvernig efnishyggju-eitrið (Materialist Toxicity) virkar. Eins og með félagshyggju-eitrið, þá sérðu það ekki gegnum maríneringuna. Fljótlega ...

 

...

...

 

Viðbót 19:54 - Margir hafa gleymt því þegar meirihluti Nató ríkjanna með Bandaríkin í broddi fylkingar beittu stríðsaðgerð gegn Tyrkjalandi* (Turkiye) árin 2019-2021 vegna hernaðaraðgerða Tyrkja vegna hryðjuverka Kúrdískra* terrorista gegn Tyrkjalandi. Fyrir utan að Nató missti alla réttlætingu fyrir tilveru sinni þegar einhugur var innan Nató blokkarinnar að leggja Líbýju í rúst, og Gaddafi var skotinn eins og sauðaþjófur á skítugum eyðimerkurvegi af útsendara Frönsku leyniþjónustunnar, þá hætti Nató að vera marktækt afl í heiminum þegar það snérist gegn öðru sterkasta meðlimsríki sínu að tilefnislausu. Ef rökstyðja þarf tilefnisleysið, þá minni ég á að leirmennum og bergmálsvitringum er bannað að lesa spennulosun.  Tyrkir eru eina Evrópuríkið utan Ungverjalands sem reynt hafa að stilla til friðar í heiminum undanfarin tvö ár og þeir munu ekki verja Nató í komandi stríði, og ef þú efast um að stríðum muni fjölga og breytast í allsherjar heimsstyrjöld, áttu að snúa þér til rörSýnar og skRúvu en ekki pirra þig hér.

* Nafnyrðingin Tyrkland er úrelt, frá því Türkiye hét Turkey á alþjóðavísu, og því ritum við Tyrkjaland.

* Minnir að gervigrasrót (Astroturf) öfga-vinstrisins hafi æst sig upp fyrir fáeinum misserum þegar í ljós kom að áttavilltur Íslenskur maður hafði álpast til Kúrdistan og gerst skæruliði hryðjuverkasveita þar í landi, og horfið.

Athugasemdir

[Helgi Viðar Hilmarsson, 7.12.2023 kl. 21:34]

Sæll Guðjón,

Hér er skemmtiefni þessu tengt. Taktu eftir því að VVP sveiflar báðum höndum jafnt þegar hann gengur en venjulega hangir hægri höndin niður með síðunni. SU-35 hefur ekkert sameiginlegt með SU-27 nema að vera rússnesk og líta eins út. Það eru engir sameiginlegir íhlutir.

https://youtu.be/nAyEwe73VAA?si=Xnff5y42ZnLwq096

[Guðjón E. Hreinberg, 7.12.2023 kl. 21:50]

Takk fyrir þetta Helgi Viðar - ég veit ekkert um íhlutina, aðeins að sú síðari var byggð upp úr 27M módelinu, og það var tímabil sem unnið var með frávik í vænghönnun en síðar valin sérstök útblásturstækni í staðinn - það vantar greiningar Andrei Ravesky í þessa hluti - skrifaði honum um daginn - og hann er alveg harður á að hann sé hættur opinberum greiningum eftir að hann hætti thesaker.is starfinu. Mér hefur þótt áhugavert hversu útbreidda notkun SU-27 vélin hefur en mjög misjafnt hversu vel henni gengur t.d. voru Úkraínsku vélarnar dritaðar niður en ekki þær Rússnesku, og svo finn ég hvergi neinar alvöru greiningar á getu MIG-29, utan ótrúlega loftfimleika sem menn gera á þeirri vél ... maður bilast á öllum þessum númerum.

Maður sér vel á "P" að hann situr of mikið við skrifborð ... og er meðvitaður um að gefa ekki of mikið upp í líkamstjáningu, nema við stöku tækifæri s.s. þegar hann hittir aldnar Olgur og Lönur, eða þegar hann hitti blindu stúlkuna og annað slíkt sem fær mann til að gráta.

Bestu kveðjur

[Helgi Viðar Hilmarsson, 8.12.2023 kl. 07:17]

Það er mikið ruglað með þessar þotur sem byggja á SU-27 og menn sjá ekki munin á breyttri útgáfu af SU-27 og nýrri þotu sem byggð er á grunni hennar af því að þessar þotur eru svo líkar í útliti. Wikipedia talar um allar þessar þotur sem varianta af SU-27 sem er vitleysa. Eini variantinn af SU-27 sem ekki heitir SU-27 er SU-33 sem útgáfa fyrir flugmóðurskip. SU-27 var lengi vel ekkert seld út fyrir Sovétríkin en hún var smíðuð til höfuðs F-15. Í framhaldinu af SU-27 var smíðuð ný þota á grunni hennar sem kallast SU-30 en hún er til í mörgum útgáfum og hefur verið seld víða um heim og sérútgáfur smíðaðar erlendis undir licence. SU-30 er tveggja manna vél með wing canards og thrust vectoring. SU-35 er ný þota endurhönnuð frá grunni og enn nútímavæddari en SU-30. SU-35 er eins manns vél þar sem wing canards hefur verið sleppt og lítur því út eins og SU-27 en smíðuð að miklu leyti úr koltrefjaefnum og á að standa á pari við helstu NATO þotur eins og Eurofighter, Rafal og Super Hornet.

Mig-29 var þróuð á sama tíma og SU-27 til að leysa af Mig-21 og til höfuðs F-16. Megin hlutverkið var þó að verja afmarkað loftrými innan Sovétríkjanna fyrir loftárásum. Þotan var með mikinn klifurhraða en lítið flugþol sem var helsti galli hennar. Hún hafði yfirburði gagnvart NATO þotum þegar fjarlægðin milli véla var komin undir 18 km. en á lakari þegar fjarlægðin var meiri sem yfirleitt kom henni um koll þegar skarst í odda.

Mig-29 var smíðuð í útflutningsútgáfu og seld í miklu magni til Varsjárbandalagsríkjanna og líka til ýmissa þriðjaheimsríkja. Mig-29 var ekki hönnuð sem multi role fighter eins og stundum er haldið fram þó svo að hún gæti borið og varpað sprengjum. Mig-35 er ný þota byggð á grunni hennar og á hún að verka litlu lakari en SU-35 en hún er aðallega hugsuð til útflutnings.

[Guðjón E. Hreinberg, 8.12.2023 kl. 16:50]

Takk fyrir þetta, Helgi Viðar, já, þessi númer gera mig ruglaðan. Svona álíka og þegar ég reyndi að átta mig á Lödu og Fiat 125 í gamla daga. Við fáum líklega nokkur myndskeið á næstu misserum sem sýna hvernig allt þetta vindur sig í komandi loftbardögum.

Ég hef tekið eftir þessu með SU-33 og flugmóðurskip, það eru til snilldar-myndskeið af slíku ...