Málið liggur ljóst fyrir, fórnarlambið drap hinn myrta

Ef ætlaður morðingi sem er í stríði við annan morðingja segist hafa gögn undir höndum sem sanni að hinn morðinginn sé morðinginn og hann sjálfur sé ekki morðinginn, þá er augljóst hver morðinginn er. --Elítan {sjá tengda frétt}

 

 

Úr einu í annað, en þó ekki utan efnistaka (Scope);

Allar ákvarðanir "Alþingis" fyrir stofnun Konungsríkisins Ísland 1918/20 og Íslenska Lýðveldisins 1944, svo og allur undirbúningur (ásamt 24 ára skólaáróðri) s.s. breytt kosningalög og kosningaréttindi og talningu atkvæða 1944; stóðust ekki neitt lögmæti né rýni, heldur voru gjörningar í skjóli þingsályktunartillagna.

Ef þú skilur lög, þá veistu að þingsályktunartillaga er þegar þingheimur ákveður að setja lög en veit að þau standast ekki lögmæti og skáskýtur því ályktun í gegn, sem stjórnsýslan meðhöndlar sem lög, t.d. til að setja reglugerðir (framkvæmdavald) en eru aðeins gjörningur; ólögmætur.

Ö já, þeir sem fengu völdin í september 1944 voru þeir sömu og töldu atkvæðin í maí, og allir fjölmiðlar höfðu birt myndir af kjörseðlum með xi á réttum stöðum og réttum fyrirsögnum á fréttunum. Kannaðu málið.

Fjölnismenn rændu Íslenska ríkinu 1918 og ÍsQuislíngar hernámsins svo aftur 1944. Svo vitnað sé í amerískan samsærakennara; "You cannot make this up!"

Jafnvel morðingjar og ræningjar vita að saga skjalsins - skjalavaldið - upplýsir glæpinn um síðir, og vilja því geta bent á hinn morðingjann í Kardimommubæ, ef skipt er um í brúnni.

Fram til 1990 var nær öll sagnfræði síðari heimsstyrjaldar byggð á ritröð sem skrifuð var af Winston Spenser, frænda núverandi krónprins,  ... bwahahahaha.

Kosningarnar 1918 um sambandslögin sýndu svo ekki var um villst að 75 prósent kjósenda voru þeim andvígir. Lýgveldið er ein stærsta og árangursríkasta lýgi allra tíma hérlendis. Til að mynda var allur aðbúnaður þess að fullveldið var afsalað EES ósvinnunni, framinn með samskonar gjörning, og allir vita að meirihluti þjóðarinnar vildi hafna lokafráganginum eða lögunum um samninginn.

En hverjum er ekki sama?

Eigum við að ræða Bókun 35 sem nú er keyrð í gegn af Festu, samtökum um samfélagsábyrgð? Engin lög verða lengur samin hérlendis eftir það og landið samskonar hérað í heimsveldi Brussel og eftir landráða gjörninginn 1662. Enginn kjósandi hérlendis veit af þessu, eða skilur, ef svo þá í mesta lagi 5 prósent.

Fólk hérlendis veit að allt landið er ein risastór lýgi - þó þau kunni ekki að sanna það - og að hinn almenni kjósandi er mjólkurbelja bundin á bás, hafandi merkingarlaust atkvæði.

Við höfum áður sýnt fram á - lagalega - að engir dómar hérlendis síðan sumarið 1944 standast lögmæti. Reglulega höfum við sýnt fram á að Stjórnarskránni 1944 hefur aldrei verið framfylgt varðandi lögmæta stjórnsýslu og lagagerð, hvað þá varðandi dómstóla.

Forsetinn einn getur stofnað og aflagt ráðuneyti og skipað ráðherra, ef hann afhendir meirihluta löggjafans - þinginu - veldið til að skipa ríkisstjórn, og þegar stjórnarskráin skilgreinir ekki dómstóla en afhendir löggjafanum vald til að skipa hina óskilgreindu dómstóla, þá er engin þrískipting valds og heldur ekki tvískipting valds heldur einveldi þeirra sem a) gefa út kjörseðlana og b) telja upp úr kössunum og brenna síðan kjörseðlana.

Þegar sá sami semur lögin og framkvæmir þau og dæmir um þau og getur skipt út lögum um dómstóla eftir kjörtímabilum; þá býrðu við Alræðisstjórn (Despotism) valdaræningja eða valdaránsmafíu; hugtak sem verður brátt fjarlægt úr orðasöfnum Árnastofnunar.

Við höfum áður sýnt fram á að stjórnarskráin var ógild í það minnsta frá júlí 2013 og fram á vorið 2016 sem gerir allt stjórnarfar landsins í þrjú ár ólögmætt og ógilt. Þá er ljóst að gjörningurinn 1662 stóðst ekki lögmæti Þjóðveldis og var um stjórnarrán að ræða.

Þegar við heimsóttum Þjóðskjalasafn "ríkisins" haustið 2015, að skoða Stjórnarskrárskjalið, fengum við að vita að enginn borgari hafði leitast eftir að berja það berum augum frá því það var uppritað; ennfremur að skjalaverðir safnsins vissu ekki hvort skjalið frá 1662 væri til og enginn ríkisráðsmaður Konungsríkisins eða Lýðveldisins hafði látið kanna hvort það væri til og þá hvort gjörningurinn 1662 hefði raunverulega gerst.

Fyrirspurn okkar til Danmerkur leiddi í ljós að skjalið er til og afrit fáanlegt þeim sem ber sig eftir því. Athugulir sjá hvernig dýpt þessarar fyrirlitningar elítunnar á þjóðinni tengist umræðuefninu.

Þú getur ekki stofnað ríki sem arftaka ríkis ef það ríki er til fyrir, er það? En ef þú veist að enginn rekur lygar þínar, og ríkisrán, hverjum er þá ekki sama hvort lygarnar eða rányrkjan séu öllum augljós? Geturðu sannað að Þjóðveldið hafi verið lagt niður 1662, eða yfirleitt - og þá öll þess stjórnskipan!

Margir kvarta reglulega, og biðja um breytingar, eins og sauðir sem bíða eftir forystusauð. Þú þarft ekki að breyta neinu hérlendis, því Þjóðveldið er til, og þú getur haldið eða tekið þátt í Héraðsþingum þess hvenær sem er, og dustað hefur verið rykið af öllu er viðkemur skjalvaldi þess og ríkissmiðju.

Þjóðveldið er eina lögmæta ríki landsins, og Lýðveldið sannaði það. --Nýttland.is

Veistu hvernig stjórnskipan 39 sjálfstæðra héraðsþinga var, eða lögmæti þess að neita að borga skatt í héraði ef því var óstjórnað, eða sniðganga þing? Nei, það er bara eitthvað gamaldags.

Ennfremur vitum við nú að eina tímabilið í sögu landsins frá 930 AD sem Alþingi gat ekki sett lög og dæmt um lögbrot hérlendis, var árin 1798-1843, sem merkir að við misstum aldrei sjálfstæðið nema téð 45 ár.

Ef þú ert getinn í lýgi og alinn upp í lýgi - auk þess hversu stórfelld rányrkja fer hér fram af hálfu ÍsQuislínga og Fjölnismanna með margfaldri skattheimtu, margföldum afborgunum, margföldum stjórnarskrárbrotum - hvernig býstu við öðru en stórfelldu lygarasamfélagi.

Áttu von á öðru en að slíkur skríll láti smala sér í vaxmýrina, eða að elíta* hans sé annað en djöflar í mannsham?

Ef siðlausir(6) leiða siðblinda(6), og siðruglaðir(6) antivistar reyna að vekja þá, endarðu í sex sinnum sex sinnum sex mannlegs ófullkomleika, eða fullkomnum siðbresti (siðrofi). Slík menning lifir ekki af, ágjöf vætta.

Þú getur sett lög sem banna greininguna, en vitnisburðurinn er framborinn og þú fangelsar ekki vitund, sérsaklega ekki sé hún helguð, því óhreint hamlar ekki hreinu.

Loks minni ég á að það er bannað að taka mark á því sem ég rita, enda eru allar mínar ranghugmyndir og öfgaskoðanir afleiðing af uppeldismistökum skólakerfisins, en rekstraraðili þess, Ríkið, meinar mér um úrræði til miskabóta og úrbóta þar til Ranhugmynda-Gúlag K.J. verður reist.

 

* Hugtakið Elítan er ekki hið sama og elítan, nema þú sért heimaalinn kálfur eða tvífættur þorskur, en þá veistu betur en að lesa spennulosun.

 

 

 

 

https://www.youtube.com/watch?v=aN9ssrVTkk8 (1kls34m)

 

Sönnunargögn staðfesti að herinn beri ekki ábyrgð

Athugasemdir

[Magnús Sigurðsson, 18.10.2023 kl. 13:52]

Góður Guðjón, -sannar ólögmæta djöflaríkið meir að segja með mynd.

[Guðjón E. Hreinberg, 18.10.2023 kl. 16:00]

Takk fyrir innlitið, Magnús; þú veist að getur reynst hættulegt ef núverandi Ógnarstjórn rekst á færsluna.

[Magnús Sigurðsson, 18.10.2023 kl. 17:43]

Já þú meinar, -ég reikna nú samt með að algrímið láti hana ekki liggja á glámbekk þar sem óvitar gætu skaðað sig á henni.