Villutrúarmaður og guðlastari í guðlausum húmanistaheimi

Við ætlum ekki að nota orðið Elíta í þessari færslu. Úbbs, átsj, undantekningin sannar regluna. Allavega, það er ekki hægt að blogga við eina áhugaverða frétt hér á MBL í dag, það sem er áhugavert við fréttina er að hún fylgir uppskrift.

 

 

Áður en lengra er haldið minni ég á að allar mínar ranghugmyndir og skoðanaöfgar eru vegna vanhæfra kennara sem mistókst uppeldi mitt, og því ekki við mig að sakast sem langar til að sjá alla hluti rétt eins og þeim er stillt upp. Beðist er afsökunar á setningum sem vekja reiði og hneykslan félagslegra góðborgara.

Það eina sem mig dreymdi um alla mína ævi, var að verða óþekkti bóndinn sem myndi gleymast, eins og forfeður mínir. En ég fékk það ekki, og það eina sem ég ræð við, er smávegis tuð öðru hvoru.

Lesið því áfram á eigin ábyrgð.

Í raun vekur það spurningu hvers vegna ekki er hægt að blogga við fréttina þegar vitað er fyrirfram að öll leirmenni trúa henni upp á hvert orð og munu kinka kolli við henni, og að einhverjir bergmálsvitringar munu greina fyrirsagnafræðina eins og ávallt þegar þeir flagga gáfum sínum í greiningum á opinberum og vísindalegum samsæriskenningum og annarri slíkri dulspeki.

Hversu margir eru líklegir til að voga sér að fullyrða hér í bloggheimum að fréttin sé leiksýning, að hryllingsverkið sé annaðhvort sviðsett eða frásagan af því, eða á annan hátt leyfa sér að efast um frásöguna; eða þora því? Það getur verið hættulegt í Universal (Catholic) Húmanisma, að bregða sér út fyrir sakramentið.

Tökum fyrsta snúninginn. Þú ert hálfnaður í gegnum dramafulla lýsingu fréttarinnar á bakgrunni ódæðisins þegar loksins kemur atriði fréttarinnar sjálfrar:

"

Árás­armaður­inn, Abdoulakh Anzorov, var skot­inn til bana af lög­reglu eft­ir árás­ina á föstu­dag. Hann var eins og áður sagði 18 ára gam­all og hafði búið í Frakklandi ásamt fjöl­skyldu sinni frá sex ára aldri. Abdoulakh Anzorov var fædd­ur í Moskvu en átti ætt­ir að rekja til Tsjet­sjen­íu. 

"

• https://www.mbl.is/frettir/erlent/2020/10/19/aras_a_lydveldid/

Enn ertu ekki búinn að fá neinar atburðalýsingar á hvað nákvæmlega gerðist, nema í bútum og molum innanum. Þú ert hins vegar kominn með á hreint að Múslímaheimurinn er stórvarasamur. Að geðsjúklíngurinn sem drap kennara sem var ekki kennarinn hans og skar síðan af honum hausinn, var ekki geðsjúklíngur heldur íslamskur öfgahyggjumaður, eða enn verra, vígamaður.

Viti menn, klikkhausinn var ekki af Alsírskum ættum! Svo þetta hlýtur að vera alvöru, því 90 prósent íslamskra klikkhausa - sem er 15 prósent Franskra borgara - eru þriðja kynslóð af Alsírsku fólki sem flutti til Frakklands - enda þá þegar franskir ríkisborgarar - fyrir tæpum tveim kynslóðum því þeir vildu ekki búa í Alsír eftir borgarastríðið þar.

Alsír hafði þá verið órjúfanlegur hluti Franska ríkisins - og verið nefnt Nýja Frakkland - í fast að öld, og litið var á borgara beggja hluta ríkisins sem jafna. Viti menn, þeir sem fluttu heim til gamla Frakklands árin 1960 til 1970, þeir enduðu í Gettóum, fengu engin atvinnutækifæri, lélega valkosti (eða úrræði) til að sækja framhaldsnám, og grunnskólar gettóanna fengu lélegasta aðbúnaðinn og lélegustu kennarana. Smátt og smátt á einni kynslóð eða svo, varð þetta fólk að annars flokks þegnum hins franska nýsósíalisma og ef þeir voguðu sér að kvarta, eða ef sumir þeirra í örvæntingu leiddust út í afbrot eða þjóðfélagsádeilu með mótmælum og einn og einn klikkhaus með grjótkasti++; þá eru þetta alltsaman Íslamskt öfgafólk.

Svipað er með Pakistana í Englandi, en alls ekki með aðflutta Tyrki í Þýskalandi. Þegar ég var unglingur voru það Jamaica búar í London, og fyrir átta áratugum voru það flóttamenn frá Rússnesku borgarastyrjöldinni sem voru hælisleitendurnir sem hurfu í stríðinu. {sjá Arkívið}

Þú færð aldrei að heyra í vestrænum fjölmiðlum að múslímar eru hátt í tveir milljarðar fólks, að 80 prósent þessa fólks myndirðu ekki þekkja á götu vegna klæðnaðar eða öfga, og að þeir einu múslímar sem komast í fréttir eru úr 11 prósenta hópnum, Arabistan, og ævinlega úr gettóum eða óopinberum fangabúðum á borð við Gaza eða flóttamannabúðum í Líbanon og Jórdaníu þar sem Palestínufólki var smalað saman árin 1948 til 1967, þar sem þau sitja föst alla tíð síðan.

Engar fréttir af Serbum, Króötum og Bosníum sem eru Múslímar og lifa venjulegu vestrænu lífi eða allt að fjórðungi Rússneskra borgara sömuleiðis. Þú færð aldrei rétta mynd af neinu, og það er ekki ríkinu að kenna, það er um að kenna valdasjúku siðblindu fólki sem yfirtekur ríkið og rangsnýr því.

Viti menn; eins og venjulega þegar Kristalsdeild Nató sviðsetur gjörninga, skaltu trúa í blindni, og vei þeim sem sér gloppur í frásögunni og efast um hvort hún sé rétt.

"Þú vondi maður, sem efaðist um hryðjuverkið!"

"Nei, ég efast um frásöguna."

"Hey, ekkert svona flókið."

Nato Chrystal Legion er dulheiti fyrir þær sveitir á vegum Nató sem sviðsetja Ísis, Gladíó 1 og Gladíó 2, og allskyns hryðjuverk sem notuð eru til að sannfæra vestræna borgara um ágæti þjóðfélaga sinna eða til að samþykkja hert lög sem klippa af þeim einkaframtakið og athafnafrelsið, að ekki sé rætt um skoðanafrelsið sem við klárlega höfum ekkert við að gera, því við gætum fundið okkur einhver önnur trúarbrögð en hið opinbera samþykkir.

Allt saman rekjanlegt.

Vissir þú að Lýðveldið þarf að samþykkja þau trúfélög sem eru í boði? Hver er þá æðsti guð allra samþykktra trúarbragða? Vissir þú að forstöðumaður þíns trúfélags - eða æðstiprestur sértu öfgasinni - þarf að gefa ríkinu árlega skýrslu fyrir starfsemi trúfélagsins, og að allt fólk er trúfélaga-skráð hjá hinu opinbera?

Veistu hvað trúarbragða klúbbur - eða söfnuður, eða kirkja - eru?

Vissir þú að sértu í kristinni kirkju að hún er fulltrúi hins kristilega guðsríkis, og sé biskup hennar undir valdi forsetans, þá er hann yfirvættur þess kristilega ríkis? Nei, þú vissir það ekki. Þú veist heldur ekki að Lýðveldið er félag og að lýðræði krefst óhefts félagaréttar og að Lýðveldi samtímans þverbrjóta þann rétt og að við sem getum sannað það; við erum öfgafulla fólkið sem ræðir of flókna hluti, því það hlýtur að vera samsæriskenning að leiðtogar þínir ljúgi að þér.

Heldurðu virkilega að þú sért laus við myrkar miðaldir og að klerkar miðalda hafi ekki verið kommúnistar? Er einhver munur á því að vera fleygt í ána eða vera útrýmt af félagsmiðlum eða framinn skyndilega úti og enga vinnu að fá, og það eina sem þú gerðir var að smella á læk eikkursstaðar?

Ó, eru vestræn ríki farin að loka bankareikningum fólks fyrir skoðanir þess, og sprauta fólk með tilraunaefnum vegna lygasögu sem enginn bað um sönnun fyrir? Kukl, költ, öfgar.

Alltaf þegar Nató sviðsetur ódæðisverk, og þú ert öfgahatari eða samsærakennari ef þú rýnir fréttirnar ofaní kjölinn, og athugar hvort aðrir hafi gert það og safnar saman punktunum, þá ertu guðlastari og villutrúarmaður hins guðdómlega réttsýna og vísindalega húmanistaheims, þú ögrar félagslegum jöfnuði og viti menn; jafnvægi lofthjúpsins sjálfs ef þú lætur þér ekki segjast.

Þú átt að fyrirlíta allan múslímaheiminn - þar sem allir hljóta að vera öfgamenn - samtímis í Frakklandi og Ísrael, og ef þú dirfist að líta út fyrir Vaxmýrina, þá ertu vond mann-vera, og kannski hægri-öfgi. Ekki skaðar að þú fyrirlítir Moskvufædda hvort heldur Rússa eða Chechnýja.

Kannski var einhver afhausaður, en ég lofa þér að hafi það gerst, og sé ódæðið ekki sviðsett, þá er klárt að ódæðismaðurinn er einhver bjöguð frásaga, því málaliðar kristalsdeildarinnar deyja ætíð á vettvangi og "líkið" er borið burt á börum með ábreiðu og það eru engar vitnaleiðslur, engin dómstaka, bara frásaga.

Hefurðu unnið í sláturhúsi? Hefurðu aðstoðað við heimaslátrun? Veistu hversu mikið mál það er að skera hausinn af sauðkind? Veistu hverskyns handtök það eru eða hvernig hnífar eru bestir í því, eða hversu mikið streð það er ef þú kannt það ekki eða hefur rangan hníf?

Núna er sláturtíð, skrepptu í næsta sláturhús og fáðu að prófa. "Not that easy."

Var einhver drepinn? Hugsanlega, og hugsanlega ekki. Ég var ekki á staðnum og get ekki sannreynt frásöguna. En fyrirsögnin, bæði fyrir Franska og Íslenska lesendur, ætti að vera hugsandi fólki skýrt flagg.

Hvað áttu við með "Árás á Lýðveldið?"

Mörg fórnarlömb svona verka reynast hafa bjagaða fortíð og svo finnast sum þeirra í öðrum þorpum, með sömu fæðingarblettina en ný nöfn. Þegar eitt slíkt gerðist hérlendis, var stúlka drepin, en sumir efuðust um hver framdi ódæðið og frásöguna sjálfa, og þeir sem trúðu frásögunni urðu öskureiðir, þeir sem sviðsettu frásöguna (ekki ódæðið) þeir þurftu ekki að reiðast því költið sá um það. En það breytti ekki þeirri staðreynd að drápið á stúlkunni var harmleikur; en költið kom í veg fyrir að finna út hverjir stóðu að drápinu og tryggðu að þeir gátu búið til skálk í skjóli nætur ...

Trúðu, mættu í vaxhöllina, láttu hirða af þér 7 af hverjum 10 krónum sem þú þénar, sættu þig við að þú sérð aldrei þessar krónur fyrir plastkorti eða snjallarmbandi.

Fyrir alla muni ekki rannsaka, þú gætir orðið Antivisti. Ef þú heldur áfram að rannsaka eftir að þú verður Antivisti, þá er voðinn vís, því þú gætir sloppið út á mörkina. Það er vont að lifa á þurru manna, það virkar bragðlaust og óspennandi, en það venst.

Er ekkert rætt um Armenana sem voru reknir af heimilum sínum fyrir hálfum mánuði?

Hef soldið meiri áhyggjur af þeim en tólfhundruð* manns í Miðausturlöndum og einum kennara í Frakklandi. Líttu á dæmið: einn drepinn af geðsjúklíngi, því breytt í dramaverkfræði, tólfhundruð drepnir af andspyrnumönnum í útrýmingarbúðum Ísraela. Margfalt fleiri sprengdir í loftupp með sprengjum, aðallega mæður og börn, af hálfu ríkisvélar. Viku fyrr kemur eitt ríki og rekur hundraðogtuttugu þúsund af heimilum sínum.

Hver er að fremja hin raunverulegu hryðjuverk? Þeir sem tala til þín eða þeir sem ræða við þig? Eða [sið]blint költið?

Árin eftir 2006 spruttu fram samsærakennarar og samsæragreinendur (Conspiracy theorists and Conspiracy Analysts) eins og gorkúlur á Internetinu. Árin 2016-2018 var þeim öllum skóflað út af vefjum á borð við TwitterX, Google, YouTube og Facebook. Flestir hafa fundið sér athvarf á Rumble, Bitchute og Odysee, en algrímin þar tryggja að þeir hafa týnst í hafi. Þú finnur ekki greinendurna í dag nema vita af þeim og kunna að þefa þá uppi, en þú finnur auðveldlega marga klikkaða kennara og útskýrendur; og Antivistarnir frá 2020 vita ekki hvað hugtakið týndist í hafi merkir, því enginn hefur kennt þeim það.

Ríki eru valdakerfi, og við þurfum að hafa ríki, af mörgum ástæðum, sú stærsta er að ríkið er málamiðlun á milli frekju og sinnuleysis. Vandinn er ekki að við höfum ríki, hvort heldur það sé konungsríki, lýðveldi eða þjóðveldi. Vandinn er að siðlaust og lýgið fólk mun ætíð reyna að smeygja sér inn í ríkin og kerfi þess og snúa ríkinu sér í hag. Ef einhver hefur sannfært þig um að samsæriskenningar og efahyggja sé guðlast og villutrú, þá hefur samsærið heppnast og bæði ríki og vísindum verið breytt í kukl og fylgjendum þess í költ.

Þegar það gerist, bitnar það á okkur en ekki þúveisthverjum, og það eru engir terroristar til, aðeins málaliðar; og þetta síðasta er svo auðsannanlegt að við ærum ekki óstöðuga frekar.

Hvað veistu um þjóðfélags ástandið í Frakklandi? Veistu eitthvað um Dieudonné og La Chenelle? Veistu eitthvað um Vallóna, Frankóna, Búrgunda, Baska, Normanna, Cátalána (og Cathara), Alsíra og fleiri þjóðerni (Ethnicities) sem Jakóbínar vestræns Marxisma eftir 1789 uppnefna allt saman Frakka?

Ekki efast um frásöguna, en þú mátt líta oní húddið.

Að lokum; þú manst að bloggið mitt er spennulosun eingöngu og það er bannað að taka mark á örvinglan veiks manns sem þarf hjálp.

 

* Þessir tólfhundruð voru ekki óbreyttir borgarar, tveir þriðju þeirra voru herforingjar og liðþjálfar. Held að "fjölmiðlar" hafi gleymt að segja þér að hryðjuverkið var surgical strike.

Athugasemdir

[Axel Pétur Axelsson, 16.10.2023 kl. 14:55]

snilldar gott meistari . . .

[Guðjón E. Hreinberg, 16.10.2023 kl. 14:58]

Takk fyrir, og bestu kveðjur. Var ennþá að slípa þegar þú leist við.