Þegar síldin fór kom verðbólgan, og Elítan kynnti [hugar]ofninn

Ég veit ekki hvar vitnisburður Jóns Lærða fór forgörðum, eða hvernig Ari fróði töfraði þjóðina handa sonum sínum ÍsQuislíngum. Eftir síðustu spennulosun, varðandi hryllinginn í Armeníu og Palestínu, fór ég út með hundinn.

 

 

Kvíðinn yfir hugsanlegum viðbrögðum Ógnarstjórnarinnar, er alvöru.

Á göngunni rifjaðist upp fyrir mér þegar ég ræddi fyrir mörgum missérum síðan um konuna sem kyndir ofninn minn sem er ljóð með beinni skírskotun til ferða Davíðs frá Fagraskógi um Evrópu. Á þeim tíma var enn um það að Póéle ofnar væru í svefnstofum vegakráa um gjörvalla Evrópu, og að ýmist húsfreyjur eða vinnukonur læddust inn rétt fyrir fyrstu morgungeisla og sköruðu líf í glæðurnar, þannig að kostgangar gætu farið frammúr í hlýju svefnrými frekar en köldu.

Minntist ég þá þess hvers vegna Mýtur um allan heim segja okkur að Storkurinn kemur með börnin, því allir vita að getnaður barna gerist einmitt í morgunsárið. Besta getnaðarvörnin er að kynmök eigi sér stað frá miðaftani til miðnættis, en getnaður rétt í morgunsárið og stundum fram yfir morguntíðir.

Hvarflaði að mér hversu margt af þekkingu og innsæi hefur horfið í töfra vélrænnar upplýsingar og efnishyggju endurreisnar; húmanisma sem yfirtekið hefur huga fólks án þess að það viti heitið á töfraðri heimsmynd sinni.

Sem aftur leiddi mig til þess þegar ég á aldrinum fimm til átta ára læddist stundum inn í eldhúsið, ef ég vaknaði nógu snemma, og kom að pabba mínum þar sem hann sat á eldhúskolli og beið þess að vörubílstjóri sækti hann í vinnuna.

Pabbi var öll þau ár sem ég man - en hann dó þegar ég var á ellefta ári - gröfumaður og skiptust vörubílstjórar á að sækja hann á morgnana, uns að því kom að hann fékk jeppa til umráða frá firmanu.

Ef enginn var skóladagurinn, spurði ég stundum pabba hvort ég mætti koma með honum í vinnuna, og leyfði hann það ef því var viðkomið. Sat ég þá til hádegis á hillu aftan við sæti gröfumannsins, hlustaði á útvarpið í gröfunni og horfði á stóra vélskófluna vinna með allskyns jarðefni, stundum í húsgrunnum, stundum í malarnámum og að moka uppá vörubílana.

Svo var farið í hádegismat á ýmsum matstofum þeirra bæjarhluta sem unnið var í. Þar sem vörubílstjórar og gröfumaður - og tengdir vinnuhópar - fóru í vel útilátinn hádegismat. Eftir hádegið skiptist snáðinn á að sitja í vörubílunum og rabba við vörubílstjórana þegar þeir óku ferðir sínar með malarhlössin.

Óskaplega sem ég hafði gaman af að horfa útum afturgluggann þegar þeir sturtuðu hlössunum af vögnunum eða þegar þeir bökkuðu ýmist upp að malartippunum, húsgrunnum, eða gröfunni.

Mamma yfirheyrði mig stundum yfir kvöldmatnum, og ég fattaði ekki fyrr en ég var fulltíða maður að hún var að spæja um forvitni karlanna um ýmislegt sem þeim kæmi ekki við.

Þetta er eins og með svefnstofuofninn, að þernur og húsfreyjur dirfðust ekki að kveikja upp í þeim ef ung hjón höfðu beiðst gistingar. Vitað var að eiginkonan, eða frænkan, myndi sjá um það sjálf.

Við vitum ekkert í dag, og við vitum ekki að við vitum ekkert. Eða, við skiljum ekkert og vitum enn minna.

Þegar menn komu af síldarbátunum fyrir tæpum tveim kynslóðum síðan, rétt áður en því var logið að síldin væri farin og menn fóru að byggja sér húsin sem verðbólgan borgaði fyrir, áður en kvótinn var tekinn frá landsbyggðinni og landsmönnum smalað á mölina, þegar enn voru síðustu leifar átthagaskyldunnar (þegar þurfti hreppstjóraleyfi til ferða milli hreppa og bæjarleyfi til að að skrá sig í bæjum landsins); voru menn of uppteknir af flöskubundinni spennulosun frekar en bloggrifrildi yfir fyrirsagnaverkfræði, að þeir tóku ekki syni sína með í vinnuna.

Jón lærði sagði okkur þetta, Jochum Eggertsson (Skuggi) benti á þetta, Sveinbjörn allsherjargoði Beinteinsson sannaði þetta, ég þori hins vegar ekki að minnast á þetta þegar Haturslögin verða staðfest af Piparkökudrengnum.

Stóra spurningin er þó, hvað hundurinn var að spekúléra á gönguferðinni, fyrst ég pikkaði þetta upp. Veideggi, en ég get þó skilgreint að ég veideggi.

Það er góð byrjun.

Í fyrra fór ég fyrst til fótaaðgerðafræðings, samkvæmt ábendingu hjúkrunarfræðínga á spítalanum, en ég vissi ekki sjálfur að ástandið á tánum á mér bar þess merki hversu oft ég færi í heitu pottana.

Þekki þær ekki í dag fyrir sömu tær, enda farið í fótaaðgerðaþjónustu annan hvern mánuð allar götur síðan. Ég hef ekki spurt fótaaðgerðafræðingana hvort þær viti hvernig þetta var í baðstofunum hér áður. En Guðrún frá Lundi gerði því skil, og amma mín ræddi um það.

Í gegnum aldirnar þegar menn gengu í sauðskinnsskóm, gúmmískóm og blautum þykkum ullarsokkum, voru menn svo stirðir og kaldir og lúnir til fóta þegar þeir komu inn eftir heilan dag í gegningum árið um kring, að húsfreyja sinnti fótum bóndans og á stærri heimilum sinnti hver vinnukona sínum vinnumanni.

Ég átti að vita þetta, en ég þurfti vitra konu til að koma vitinu fyrir mig. En ég vissi það ekki heldur.

Rétt eins og með Abu Rawash, þegar ég áttaði mig á vægi hans 2020 AD hafði ég vitað af honum síðan 2012 AD, og predíkað um það síðan 2018 AD. Eða þegar júðakonan Roseanne Barr opnaði augu mín fyrir fyrra atriðinu af tveim, en hið síðara fann ég í bók eftir Hegel; sem e.t.v. er veigamesta þekkingar og innsæisbrot sem ég hef rekist á.

Að vita að maður veit ekkert, það er frasi, að geta sannað það, er löng ganga í óþekktu landi.

 

 

Athugasemdir

[Helgi Viðar Hilmarsson, 8.10.2023 kl. 16:35]

Fólk almennt skilur ekki hvað verðbólga er og bölvar seðlabankanum þegar hann er að fletja kúrfuna. Skaðinn er nefnilega skeður þegar verðbólgan fer af stað. Verðbólgan er afleiðing af efnahagstjóni sem hér í eina tíð varð t.d. vegna samdráttar í veiðum en í seinni tíð aðallega vegna efnahagsóstjórnar þar sem ríkið eyðir um efni fram. Verðbólga er aðlögun peningamagns að raunhagkerfinu þegar peningarnir segja að við séum ríkari en í við raun erum og virkar eins og óbein skattlagning á almenning.

[Helgi Viðar Hilmarsson, 8.10.2023 kl. 16:42]

Þegar maður er ungur þá býður lífið upp á ýmsar skemmtilegar nýjungar en lítið skemmtilegar þegar maður er orðinn gamall.

[Guðjón E. Hreinberg, 8.10.2023 kl. 16:53]

Eða þegar ofríkið rukkar um efni fram, svo efnahagslífið neyðist til að hækka verðin til að eiga fyrir opinberum ráns-gjöldum.

Bestu kveðjur.

[Magnús Sigurðsson, 8.10.2023 kl. 18:30]

Er byrjað stríð Guðjón? -ég er svo gjörsamlega úti á túni eftir helgina, svona rétt eins og væri í gamla daga.

[Guðjón E. Hreinberg, 8.10.2023 kl. 18:33]

Þann ellefta mars 2020 hófu vestrænir Marxistar stríð gegn heimsmenningunni, í gær var ein smáorrusta þessa stríðs í Palestínu.

Annars tíðindalítið.

[Magnús Sigurðsson, 8.10.2023 kl. 19:47]

Þakka þér fyrir upplýsingarnar Guðjón.

Ég sat í friðið og spekt sambandslaus á Sólhólnum úti við ysta haf og missti af þessar smáorrustu í Palestínu, hélt kannski að það væri stærri stigmögnun á ferðinni, en hef hvorki kjark né heilaburði til að kveikja á medíunni. Sá samt á mbl að Reykfjörð hafði sent þotu.

[Guðjón E. Hreinberg, 8.10.2023 kl. 20:37]

Ástkæra Eris gyðjan í utanríkisráðuneytinu massar þetta. Enginn þorir að veraða á vegi hennar.

Bestu kevðjur.