Það er engin gervigreind til

Allt það sem Elítan uppnefnir gervigreind, eru algrím sem kótuð eru af grunnhyggnum forriturum, eftir skammsýnum og þröngsýnum reglugerðum eða uppskriftum, til að stjórna lífi annarra og sérstaklega tilveru þinni undir formerkjum eitraðrar góðvildar (Altruism).

{sjá tengda grein}

 

 

Enginn munur er á þessum algrímum og dæmigerðum Wikipedia heilaþvætti eða annarri valdhyggju-froðu og efnishyggju-stjarfa

Allt saman er þetta öfgafull bókstafstrú og költismi, húmanisma sem í fimm aldir hefur alið fólk á lygum og rangsnúningi sem afhjúpaðist á einu bretti þann 11. mars 2020. Ef þú ert ennþá við trog meginstraums musterisins, og ekki að undirbúa flótta, ertu leirmenni og bergmálskjáni.

Að vestræn menning er að setja algrím sín inn í allt sem hægt er, það verður ekki stöðvað fyrr en kerfismenningin sjálf hrynur. Nú er menningin sem nærir hana dáin og steind, siðmenningin sem hún nærði innfallin, og glundroði merkingarleysis hafinn (rofin rjúkandi tunga).

Bílar sem dæmi, hafa núna þurrkuletingjann þannig að nemi á framrúðunni skynjar hversu hratt rúðuþurrkurnar eiga að auka lífsþægindi þín og fjarlægja greind þína, eða hversu umfangsmikið sinnuleysi þitt skal vera.

--Sjálfvirka siðrofna skattaskýrslan; einmitt- þú skilur hvorki skatta né siðfræði.

Þegar "menningin" notar heiti yfir hluti sem eru rangheiti, er enginn hugur og aðeins örvænting framundan. Fyrst týnistu þó í boxinu hennar Pandóru ... og telur sjálfum þér trú um að hin illa von sé ekki þaðan. Loks fattarðu að hinn sanni styrkur er í örvæntingunni, því sá sem þaðan rís, verður aldrei sigraður né undirokaður.

• https://duckduckgo.com/?q=technocracy+patrick&t=lm&ia=web

Ef þig vantar endilega að gervigreind sé til, rýndu þá þinn eigin huga, því hann er dulkótaður og ekki af þér, ásamt tilfinningadramanu sem stjórnar öllu þínu lífi.

Komdu þér á grúfu í mölinni, og gerðu tímann að besta vini þínum. Þá færðu smámsaman hugann þinn aftur og hver veit, kannski færðu að passa sálina þína um helgar (undir eftirliti).

Því meir sem þú notar bænir þínar til að beina athygli Guðsins að einhverju öðru en þínum eigin hag, eða þínum eigin skoðunum, eða þínum eigin áhyggjum, því meir virkjarðu hag Guðsins og gefur honum ástæðu til að beina ljósi sínu að réttlátum og virkja þá, frekar en að leyfa veröld okkar - og algrímum hennar og dýrðum - að setja allt á annan endann.

Sjá: https://gudjonelias.blog.is/blog/logostal/entry/2293755/

Að englarnir verja því nær öllum tíma sínum að syngja Guði dýrðarsöngva, hefur ekkert að gera með kórsaung eða tónlist, heldur að þegar allt líf þitt er helgað Guði og þú tileinkar þér þau gildi sem hann hefur mestan áhuga á, er líf þitt lofsaungur, og það er efling; allsherjar efling.

Gleymdu félagshyggju, valdhyggju og efnishyggju. Iðkaðu bæn, iðrun, vitnisburð og fyrirgefning. Helst á grúfu, en annars á skeljunum. Þetta lærist. Þú veist ekki hvað efni, líf, alheimur eða tilvera er, og öll þekking og hæfni ratar til þín í réttu hlutfalli við getu þína og vilja til að tileinka þér.

Eins og Jósúa Maríuson sagði; sinnið fyrst hagsmunum Guðdómlega ríkisins, smámunirnir svosem hvar þú býrð eða hvað þú starfar, eða hvað þú étur leysist. Þetta virkar.

Einfalt; og eitruð gervigreind leirmenna og bergmálskjána flýja þig hraðar en þú getur sagt "jahérna!"

Sem dæmi um rotnun félagshyggjunnar, voru nýlegar samræður sem ég átti, og talaði óvart af mér, því viðmælandinn er afar klár. Til tals kom hvernig rétt orðabeiting og réttar tilvistarvísanir geta ýmist eflt eða tært mismunandi öfl, krafta og vættabirtingar. Nefnd voru dæmi um mátt þessa, góls - eða gagg á misgæfa melrakka á mörkinni. Viðmælandi mundi eftir dæmum sem ég hafði birt á öðrum vettvangi, og (í hita samræðna) benti ég á nokkur atriði úr þeim, málinu til staðfestingar. Viðkomandi vildi strax vita hvernig nota mætti þessa þekkingu til að laga öll vandamálin sem nú eru í gangi í heiminum í kjölfar covid og helst refskáka leikmönnum á sviðinu. Átsj, þetta virkar ekki þannig, og má alls ekki nota þannig. Sem fyrr segir, maður getur talað af sér í hita og þunga dagsins, margt sem við höfum sett í Arkívið var ekki sett til að því yrði [mis]beitt eða rangtúlkað, heldur skilið athugulum á göngu hins krókótta torfæra. Mergurinn málsins er þessi, þegar allir ræða djúpríkið eða glóbalista, eru þeir að nota rangheiti sem koma ýmist frá elítunni eða stýrðu andstöðunni sem skuggavaldið býr til (en elítan er strengjabrúða rétt eins og antivistar); feitríkið og marxismi (sem er Dialectical Materialism) eru réttheitin. Það er eins með t.d. Fasisma, sem er Dialectical Metaphysics. Taktu eftir að Marxistar beita hugtakinu frumspeki (Metaphysics) þegar þeir meina dulspeki (Mysticism), enda sjálfir aðeins 11prósenta "mannverur." Hefurðu tekið eftir hversu fáir vita hvað Kommúnismi eða Marxismi eru? Þú getur ekki barist við vitund eða vætt án þess að þekkja heiti hans. Veistu hver er holdgervingur Kronos á leiksviðinu í dag? Manstu þegar við greindum hver væri holdgervingur Khnum, en hann var þá einn öflugasti spilarinn á sviðinu og nú tekur því sem nær enginn mark á honum. Eða hvernigtiltekinn þurs var máttugur í orðræðum hérlendis áður en við skutum á hvað hann væri? Hann er því sem næst horfinn af sjónsviðinu, en reyndi að klóra í bakkann í sumar og þá ekki á sínu sérsviði, sem fjaraði út í magnleysi skammarinnar. Ekkert af þessu er sagt til ögrunar, heldur af virðingu, og þeir er skilja dulkótun þessa, skyldu stíga varlega til jarðar hér.

Þú skorar ekki á vætti að gamni þínu, eða vegna þess að einhver skrifaði eitthvað eða tældi þig út í einhvern Tavistockisma. Helst áttu að láta allt dulspekifikt eiga sig, en ef þú getur ekki sleppt því að fikta, lærðu þá af þér reyndara fólki og stígðu varlega til jarðar.

Þetta snýst ekki um félagshyggju. Þú ræður ekki yfir leiksviði dýrða veraldar, því sem Samael bauð Jósúa Maríusyni vald yfir, því aðeins að Jósúa efldi (tilbæði) hagsmuni Samaels. Ef þú reynir að glíma við Medúsu, breytir hún þér í leirmenni, ef þú reynir að tæla Baphomet breytir hann hug þínum í bergmál.

Athugulir hafa vafalaust veitt því athygli að ég ræði oft um Jósúa Maríuson, en forðast að ræða um Míþras (Jesú krist).

Komdu þér á grúfu, leitaðu uppruna Sálar þinnar, og efldu hag höfundar lífsins og alheimsins. Það er enginn annar sannleikur, ekki einu sinni þú ert sannur, EN; hver veit, þér gæti einn daginn boðist ættleiðing!

Þú notar bænina til að fletta ofan af öllum þínum eitruðu hugsunum, og óhikað kafar eins djúpt og þú kemst, og grefur enn dýpra, þú felur ekki þínar óguðlegu hugsanir heldur vitnar um þær fyrir Guðinum (það er bara einn), þú fyrirgefur öðrum misgjörðir þeirra og sindir* og lærir að fyrirgefa sjálfum þér það ljótasta sem þú fyrirverð þig fyrir í eigin sjálfi (en af hreinskilni opinberaðrar eitrunar) sem er iðrun.

Nú ríkir: Bæn, Iðrun, Vitnisburður, Fyrirgefning. Fokk von, örvænting er afl.

Þetta gerir þig sannan, og sú ómloðun (Resonance) hefur meiri áhrif á Veruleikann en nokkur annar leyndardómur sem þú lært getur í orðum, antivisma, eða neinu öðru í þessum eitraða heimi.

 

 

Dæmi um rofna rjúkandi stungu:

Elítan notar núna rýrt úraníum fyrir tært úraníum (depleted uranium). Elítan hefur löngu síðan misst vald sitt yfir máli voru og beitingu, eða mótsvar við sumum særingum þeim sem breytt hafa platkletti hennar í kviksand og dögg í flóð klúðurhlaupsins.

 

Einföldun á öllu framansögðu; þú breytir ekki heiminum, ekki heldur með því að breyta sjálfum þér. En verðir þú sannur, þá verður þú sannur, og ef þú flýrð ranglæti, gætirðu fundið réttlæti. Því er allavega lofað.

Elítan óttast þetta tvennt meir en nokkuð annað, að þú verðir sannur, eða flýir, og öll fræði hennar snýst um að tæla þig inn í völundarhús sjöþúsund sannleika (spegla).

 

* Orðið synd er klassískt rangheiti, af einbeittum brotavilja, til að þú skiljir ekki fyrirbærið sind.

 

Gervigreindin verður ekki stöðvuð