Nýja ríkis-íhaldið að stíga fram

Því miður er eftirfarandi skilgreining í flóknum texta með löngum orðum, svo þeir sem munu efla Samfylkinguna til valda í næstu kosningum, munu ekki lesa textann og þó svo væri; myndu þeir hvorki skilja hann né kæra sig um. {sjá tengda frétt}

 

 

Þeir sem fylgst hafa með síðustu fimmtán árin vita að ríkasta fólkið er í dag í Samfylkingunni, hafi þeir ennfremur rýnt þróun Þjóðfélagsins (Ríkisins) vita þeir að allir "leiðtogar" þessa flokks eru alþjóða-kommúnistar og fylgjandi því að algrím gervigreindar og útdreginnar akademíu stjórni öllu þínu lífi.

Framangreindar efnisgreinar voru ritaðar í öfugri röð, sú síðari var rituð fyrst, síðan var þeim svissað. Bara til gamans.

Samfylking sem bæði ræktar allsherjar ríkið og státar af ríkasta fólkinu, hlýtur því að vera nýja ríkis-íhaldið, sem Ósjálfstæðiflokkurinn var árin 1929 til 2017. Varla ljúga mælingar; en "Sjálfstæðisflokkurinn" bjó til ríkisbákn öfga-skrifræðis, af einbeittum brotavilja (Deliberate intent) alla þá áratugi sem hann var við völd.

Nú er Ósjálfstæðiflokkurinn aðeins skósveinn Davos mafíunnar, en hann bjó fyrst til báknið sem elur upp börnin þín, ól þig upp, og saumaði utan um þig þykka ríkisbómull; og Samfylkingin er systurflokkur sömu hugmyndafræði, nema hann er fyrst og fremst skipaður fjárfestum og ríkisstarfsmönnum.

Þeim sem efast, væri nær að rannsaka Íslensku útgáfu Heims-Efnahags Ráðsins (World Economic Forum), eða Festu, samtök um samfélagsábyrgð, og þátttöku Sjálfstæðis-sósíalista í þeim öfgasamtökum sem nú stjórna lífi þínu - og rýna einnig hversu smár en valdamikill þessi hópur er; 1 prósentið sem stjórnar 99 prósentunum.

• https://www.sjalfbaer.is/

Samfylkingin hefur ekki verið í stjórnar andstöðu, né neinn annar flokkur á Alþingi, síðan núverandi ógnarstjórn var smíðuð haustið 2017. Eina ástæðan fyrir að fólk velur Samfylkingu eða aðra ekkiístjórn flokka, er leiði yfir ógnarstjórninni en algjör blinda á að hér er engin stjórnarandstaða og að allir flokkar landsins eru ein breiðfylking alþjóða marxisma, og útdreginnar firringar.

Of löng efnisgrein?

Einföldun: Enginn Íslenskur stjórnmálaflokkur iðkar stjórnmál, allir eru þeir leirstyttur, og þeir nenna ekki að ræða við fólk, því bergmáls-almenningur er að horfa á sjónvarpssápur.

Við erum maríneruð í vitskertri firringu, jafnvel þó þú sjáir það, tekur það mörg ár fyrir þig að skrúbba Félagshyggjuna, Valdhyggjuna og Efnishyggjuna af vitund þinni. Það eru innan við tíu manns í heiminum í dag, sem skilja þessa skilgreiningu, eða kunna við henni svar, því siðrof huga okkar og siðmenningar er algjört (Absolute), og víðvært (Global).

Þess vegna er tunga okkar að ryðga, því tunga flytur merkingu og hugur okkar ræður ekki við að úrvinnslu neinnar. Rofin er rjúkandi tunga, bergmál leiraðs huga.

Snúum okkur að öðru, en það er útdregin firring (Abstract Alienation).

Fyrir fjórum árum eða svo, sagði mér atvinnubílstjóri að líklega ætti hann sex mánuði eftir óunna í sínu fagi, en þá hafði hann ekið hópferðabifreiðum hingað og þangað um landið í fáein ár. Þegar ég hváði, sagði hann mér; ég átti að endurnýja ökuskírteinið í þessum mánuði og var tjáð á Sýsluskrifstofunni að ég þyrfti að fara í enn eitt ökuprófið, vegna nýrrar reglugerðar frá Brussel.

Gaurinn er með fullt hús í ökuskírteininu ... en hann var ekki til í þessar öfgar og er nú að vinna í öðru (og launabetra). Sjálfur er ég með hálf-fullt hús í ökuskírteininu, nema ég má ekki keyra stóra trukka með treiler, eða farþega gegn gjaldi, en ég má keyra ballrútur. Hálf-fullt er hér í þeirri merkingu að merkt er í öll skor en með takmörkunum.

Fyrir nokkrum árum fór ég á næstu lögreglustöð, mér til gamans, og bað lögreglumenn á vakt að segja mér fyrir hvað þeir myndu sekta mig, eða stöðva, miðað við skírteinið mitt. Vildi ég vita hvernig þyrfti að svara kollegum þeirra ef ske kynni að ég yrði stöðvaður af einkennisklæddum fýlupokum á fjallvegi að vetri.

Þeir þurftu að fletta upp og fara yfir hvert atriði og lesa sér til, því þeir voru alls ekki vissir hvar mörkin væru.

Þetta þótti mér meinhæðið (Sinister), og glotti næstu dagana. En!

Í sumar sá ég stöðufærslu á FB, þar sem kona á ógreindum aldri lét okkur í FB tengslanetinu vita; að hún fór fyrr um daginn í ökupróf til að hún mætti hafa kerru á bílnum! Og hún stóðst sér til mikillar gleði.

Í fyrra átti ég samræður við aðra konu á óþekktum aldri, og hún sagði mér hvernig ömmustelpunni sinni gengi í ökunáminu? Nú segi ég, allur utangátta. Þá kom lýsing sem átti betur við framhaldsskólanám í iðngrein en ökunám. Á sama tíma var dóttir vinar míns í ökunámi til prófs á sjálfskiptan bíl en ekki beinskiptan!

Fyrir fáeinum dögum var viðtalsþáttur hjá rörSýn, sem finna má á Vísir.is, þar sem fram kemur að atvinnubílstjórar eru ósáttir við sífellt auknar kröfur um endurmenntun og viðbótarnám til að geta skipt um gíra á stórum bílum, eða leggja þeim í stæði.

Ekki kvarta þeir yfir lögboðnum hvíldarstoppum, en heyrst hefur að umferðaræðarnar og landsvegirnir geri ekki nægilega ráð fyrir þessum boðum og bönnum, og ennfremur smáhlutir eins og algrímin í bílatölvunum, þar sem bílstjórar hafa lagt bílnum á áningastað og fengið sér pulsu með öllu eða ostborgara, en geta ekki sett bílinn í gang aftur, því tölvan sagði lögboðið hvíldarstopp.

Nýlega ræddi ég þegar algrím í bifreið drap á bílnum, því hundurinn var ekki í belti.

• https://gudjonelias.blog.is/blog/logostal/entry/2293707/
• https://www.visir.is/k/2d73d3dc-17ea-4b72-af93-e6ee3487a77b-1693291535328

Sumarið 2020 útskýrði ég í ritgerðinni Húmanistadulspeki að Covid 19 væri ekki samsæri, heldur afleiðing af því að þeir sem stýra stjórnkerfunum lifa í útdreginni firringu Akademískrar hugvillu, og að almenningur sem treystir á þau til forystu sé sinnulaus um þau gildi sem forystan lifir eftir. 

Ökuleyfi er einn af hitamælunum; siðmenning sem fangelsar okkar, er innfallin múmía. Margir vilja segja hana hrunda, sem er sama firring og áður er greind. Innfallið og hrunið (Imploded vs. Collapsed), hefur sitthvora merkinguna, og gjörólíkar birtingarmyndir.

Fyrir árið 2019, vissi enginn hvernig á að mæla siðrof (Anomie) og varla að fólk viti hvað hugtakið sé. Þeim fjölgar þetta árið sem nota þetta orð, en hversu margir þeirra kunna mælinguna?

Poppmenningin er hugfangin af bítlalögum frá þúsund hljómsveitum, þar sem inntakið er "I love you, I need you, I want you, you belong to me," enda býr enginn með sjálfum sér, heldur flögrar á tilfinningaþöndum upptrektum firringum í krukkum heilaþvottar sem þau skilja ekki né kæra sig um að sé útskýrð.

Menntun og fjölmiðlun samtímans tryggði að nútímafólk veit allt en skilur ekkert, og ókeypis atkvæðið þess gaf því kröfuréttindi á virðingu fyrir tilfinningum þess. Hvernig heimurinn allur meðhöndlar hið náttúrulega kyn, með sturlaðri hugmyndafræði, er fullkomlega údregin firring, og afleiðing af sama siðrofi.

Þú manst að hugtakið sturlun merkir óheft geðbilun með hrikalegum afleiðingum.

Slíkir verða ávallt blindir og mállausir sauðir í smalabúðum hvaða Elítu sem kærir sig um að smala þeim, hvort heldur inn í kommúnistakirkjur miðalda eða marxistaríki okkar tíma.

Sástu fréttina á DV í síðustu viku? Íslandsbanki byrjaður að loka reikningum, eða banna stofnun reikninga, hjá rangskoðanafólki. Eins og gjaldkeri sagði við mig í fyrra; þetta mun aldrei gerast hér - eins og í kanada, nýja sjálandi, bandaríkjunum, ástralíu, englandi og víðar - því við búum á Íslandi.

Bwahahahaha

Eða eins og Antivistar segja; ekki flýja, þetta reddast.

Og um enn annað, fyrst við ræddum bíla í þessari færslu.

Eins og allir vita, bræddi jeppinn úr sér fyrir stuttu síðan og var ég bíllaus í allt að þrjár vikur. Aldni hundurinn, sem hefur væga bíladellu, tók þessu betur en ég, en hún hefur undanfarin misseri "minnt á" að meðaltali annan hvern morgun, "hvort tímabært sé" að skreppa í sund eða versla í matinn (og stundum kaupa grillaðan kjúlla á heimleiðinni). Þá stillir hún sér upp, þegar við komum úr fyrstu morgungöngunni, og horfir ákveðnum svip, fyrst á mig og því næst á bílinn. Í þessar þrjár vikur minnti hún mig ekkert á. En hún naut þess þó að fá bíltúr öðru hvoru því góður vinur var okkur til aðstoðar þegar þurfti að skreppa í bæinn og kaupa inn.

 

Viti menn, síðustu dagana, eftir að við urðum aftur bílandi, kemst ég ekkert inn eftir fyrstu morgungönguna, til að hella uppá kaffi; því tíkin stillir sér upp við bílinn og lætur eins og hún sjái mig ekki meðan ég stend eins og álka við opnar dyrnar ... við eigum sko að fara í daglegan bíltúr til að jafna reikningana eftir vikurnar þjár!

 

Hún veit að ég þarf ekki reglugerð til að hlýða augljósu raunsæi.

Samfylkingin mælist áfram stærsti flokkurinn