Miðvikudagur, 28. júní 2023
Allir reiðir útaf bankaviðskiptum sem almenningur skilur ekki
Enn ræðir enginn um leyniskjöl Jóhönnu eða leynisamninga Katrínar, boðbera lýðheilsu, gegnsæis og jafnræðis: Bestu stjórnenda Lýgveldisins frá upphafi. Enginn ræðir óforskammaða - ólögmæta - eignaupptöku á 20 prósent eigna landsmanna; eftir að bankarnir og lánasamningar þeirra voru yfirteknir af Ríkinu.
Staðreyndin er sú að bankar á Íslandi eru undir beinni stjórn Ríkisins og geta ekkert gert og gera ekkert án eftirlits Ríkisins. Allt sem til er á landinu í dag, tilheyrir ýmist vinasjóðum sósíalískrar Elítu eða er komið í Aladdíns helli Lífeyrissjóðanna.
Þetta er staðan þegar allir eru reiðir en vita ekki hvers vegna þeir eru reiðir.
Það er einhver ástæða, en hún er kyrfilega falin í dulvitund hins reiða, tamin af taumhaldi lævískrar sálfræði. Auðvelt er að fá fólk með alls kyns bellibrögðum til að yfirfæra (Transference) reiðiflækjuna á Rothschild, Kapítalista, eða Hægri-öfga, eða varpa (Project) á aðila eins og Pútín og Trömp, eða Sigmund Davíð.
Loks má slípa og pússa, þar til óstöðugir fá sér hormónalyf vegna skrítinna tilfinninga, ...
Þetta er ástæðan fyrir að Elítan ætlar nú að semja reglur til að siða landann, svo hann reiðist einungis því sem Elítan leyfir honum að reiðast yfir, allir vel siðaðir (Moral) en blindir á siðfræði (Ethics), og því er Elítan siðlaus því hún krefst siðgæðis án siðfræði og semur siðareglur sínar eftir vindgangi hverju sinni, en siðaður almúginn er siðblindur því hann skilur ekki hvers vegna.
Flókinn texti með löngum orðum?
Hver er munurinn á stjórn Marxista á kynbeyglun eða stjórn Kristinna á kynvísi? Ef hægt er að stjórna sjálfkenni þínu og kynhneigð, er þér öllum stýrt, algjörlega. Ef hægt er að fela það í moldviðri allskyns tiktúra og huglægra umræðna, nærðu aldrei tökum á hver þú ert, hvaðan þú kemur, hvar þú ert, og alls ekki hvert þú stefnir: Vilji þinn og sjálfsvitund hefur verið leiruð, hugmyndir þínar og rökgreind umbreytt í bergmál.
Þegar þú reiðist eða hatar, þá þarf hvötin að vera til staðar, og helst í undirvitund þinni og dulin sálarflækjum (Complexes) sem aðeins útvaldir kunna að styðja á hverju sinni. Allt hatur er þannig; ópersónulegt, flókið, og tamið af öðrum en þér.
Þetta vissu töframenn Faraós, og þetta vita Vísindamenn sósíalísks húmanisma. Þetta veit ekki vel upp alinn almenningur, og hví skyldi Elítan fræða þig um það ef hún getur í skjóli þess rifið af þér allt sem þú átt, og ráðist inn í blóðið á þér í leiðinni?
Vindum okkur að öðru, og á persónulegu nótunum:
Það er bannað að lesa færslurnar mínar án leyfis ef ætlunin er að taka þær alvarlega. Þetta er spennulosun, sjálfum mér til skemmtunar. Ég fékk margar ákúrur víða að undanfarinn sólarhring, því ég hafði gleymt að setja "(löng færsla)" í eina fyrirsögn, og Nútímafólk þarf að láta styðja á rofana sína í réttri röð, og tón.
Fyrst láta þeir eins og þú sért ekki til, svo taka þeir þig alvarlega, síðan gera þeir grín að þér, loks berjast þeir gegn þér, og loks flýrðu svo þú sigrir ekki og verðir eins og þeir. --Gandhi*
Það sem satt er og rétt, mun ávallt standa af sér storma og ágjöf, en elstu vættir alheims hugsa í kynslóðum, en ekki misserum, þegar þær leiðbeina og ala upp menn og engla.
Að lokum:
Hver sá sem áttaði sig í kjölfar Hrunsins 2008, tók vald yfir eigin fjármálum, hætti að taka lán og nota plastkort. Bankar skipta slíkt fólk engu máli í dag. Allir sem eru að tuða yfir bankamálum og ríkum voldugum fyrirtækjum, eru sósíalistar.
Sósíalistar eru fólk sem öfundast yfir því sem aðrir eiga, tilbiðja Ríkið eins og Guð almáttugan, og finnst í góðu lagi að nota ríkið til að ræna aðra öllu sem þeir eiga, og gangi það ekki eftir þá að ræna þeim sjálfum og setja í gámagúlag.
Þú flýrð slíka menningu, og ef ekki er hægt að flýja, ræðir nauðsyn þess að flýja svo fleiri fari að ræða það, svo valdasjúkt ofbeldisfólk, sem hefur yfirtekið ríkið og umbreytt því í rangríki, temji sér hófsemd.
Þetta er ekkert flókið, bara langur texti; en þú skilur hann ekki því uppeldisforritun þín gaf þér engann undirbúning né elítan leyfi.
* Gandhi er oft eignuð setningin - first sniðganga þeir þig, síðan hlæja þeir að þér, síðan sækja þeir gegn þér, loks sigrarðu - en hann er ekki höfundur þessarar setningar. Ég rakst á hvaðan þetta kemur, í einhverju menningarriti í fyrra, en setningin er mun eldri. Því miður gleymdi ég að skrifa hjá mér hvaðan þetta kom og tekst ekki að rifja það upp (þessa stundina). Erlendir kommúnistar segja að Nikulás Klein hafi fyrst sagt þetta í kringum 1918, en þetta er eldra. Það dúkkar aftur upp einhvern daginn.
Það elsta sem ég hef fundið er eftir Arthur Schopenauer. Sem fyrr segir, ég held að þetta sé enn eldra, vafalaust veit þetta einhver kverúlantanna hér á blog.is. Hverju sem líður, það má vel eigna þetta Gandhí, hann var kúl gaur, og það fær fólk til að velta þessu fyrir sér.
Því Lýgveldis mafían er í dag spilaborg í sandkassa, bíðandi óumflýjanlegs slagviðris.
All truth passes through three stages. First, it is ridiculed. Second, it is violently opposed. Third, it is accepted as being self-evident. --Arthur Schopenhauer (1788 1860)
Að vera reiður, af réttri ástæðu, réttum aðila, á réttum tíma, (og réttan hátt), er göfug list. --Aristoteles (sviginn er færsluhöfundar)
![]() |
Yfirgefur bankann með miklum trega |
Tilkynna um óviðeigandi tengingu við frétt |
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.