Hjátrúar gutlarar og óraunsætt draumórafólk

Almenningur og Elíta hafa komist upp með að nota orðið Samsæriskenning, til að stimpla allt sem þau ákveða að sé Dulspeki/Hjátrú og Rangsnúning: sem óformlega villutrú. Umfram allt er orðið notað til sjálfsréttlætingar; "ég þarf ekki að rekja staðreyndir, því ég er í góða liðinu, og allir sem eru því ósammála eru trúvillingar, kenningasmiðir og dulspeki-gutlarar."

[Samanber viðhengda "frétt."]

 

 

Þegar Almenningur og Elíta sammælast í einum sinfónískum samhljóm, að breiða yfir eigin rangsnúning og óraunsæi, með útúrdúrum, tiktúrum og bjögun, og stimpla þá sem krefja þau um sannsögli, heiðarleika og dyggðir, sem samsæriskennara og samsæraútskýrendur, með framangreindum undirtón; er menningin dáin og siðmenning í frjálsu falli.

Þegar "fræðingum" Marxismans er síðan teflt fram, rétt eins og Töframenn Faraós á tímum Móse, til að setja rangindi og sundrungarfræði í vísindalegan ramma sem enga merkingu hefur, er flótti eina lausnin.

Setningin, margur heldur mig sig, verður brátt ólögleg.

Samsæri er þegar tveir eða fleiri einstaklingar, sammælast í kyrrþey (eða með leynd) að fremja vélabrögð gegn hópi fólks - s.s. samfélagi, samfélögum, þjóðfélagi/ríki - og þá af illum ásetningi og af einbeittum brotavilja (sé gjörningurinn lögbrot og/eða siðrof).

Í öllum tilfellum sem samsæri eru greind - (Conspiracy analysis) - er um að ræða undirbúning þess að hægt sé að bera fram lagalega ákæru sem sé dómtæk, þ.e. sönnun glæpsamlegs dómtæks athæfis.

Rekjanleg samsæri eru lögbrot, og ekki að ástæðulausu.

Samsæriskenning er þegar fólk slengir fram að eitthvað sé gert sem samsæri en engin greining er til staðar til að rökstyðja eða sýna fram á með rekjanlegum hætti (staðreyndum) að samsæri hafi raunverulega verið framið, en þess í stað borin fram menningarleg röksemdafærsla (mis raunsæ), og tengdir saman mis-líklegir punktar til að smíða heildarmynd.

Í gegnum aldirnar hafa samsæri verið framin í öllum menningarhópum, meðal allra þjóða heimsins, á hverri öld síðan siðmenning hófst fyrir 5783 árum og í níu tilfellum af tíu gegn ríki þess staðar og tíma. Augljóst er að þegar fulltrúar ríkisins, eða fræðimenn á þess vegum, nota hugtakið samsæriskenningar til að afmarka hverjir séu rétttrúaðir og hverjir rangtrúaðir, hverjir fyrsta flokks og hverjir annars flokks; er sönnun þess að samsæri hefur verið framið og að meinfýsinn hópur hafi yfirtekið ríkið, því og þjóð(um) þess til vansa.

Samsærisgreiningar eru alvarlegur hlutur, samsæriskenningar eru skemmtileg íþrótt; hvorutveggja er nauðsynlegt fyrirbæri í heilbrigðri menningu. Venjulegt fólk, í heilbrigðum heimi, hefur til að bera hæfileikann til að greina hér á milli og draga eigin ályktanir (Deduce) frekar en ætlanir (Assumption) og Elítan þarf ekki að skóla fólk í slíkum efnum.

Nema sinnuleysi siðrofs hafi sýkt alla hópvitund (Collective consciousness) meðal þjóðar eða þjóða ríkis og menninga(r) þess. Þá er tilgangslaust að ræða nokkurn hlut og allsherjar hrun eina leiðin framundan.

Sem minnir á annað; Elítan hefur alið fólk upp frá leikskóla til framhaldsskóla, viðheldur uppeldinu með fréttamiðlum, popptónlist og sápuseríum en þarf nú að toppa með reglum um hvað séu leyfileg orðræða og hvað séu villukenningar og hvað sé óreiðuræða (upplýsingaóreiða (Information Entropy)). Slíkt endar með því að allir verða njörvaðir niður með einum eða öðrum hætti.

Er þetta kenning?

Vendum nú kvæði okkar í kross.

Í ársbyrjun 2020 ákvað Ríkið að upp væri komin farsótt, þetta var ekki vegna greininga á neinum sýktum einstaklingum (með sóttareinkenni) heldur á grundvelli tveggja atriða. Annars vegar tilmæla frá Alþjóðaheilbrigðisstofnun Sameinuðu Þjóðanna (WHO) og á grundvelli alþjóðaheilbrigðisreglugerðar frá 2005 sem hafði verið ólöglega færð í lög á landinu. Þetta færði einum embættismanni því sem næst tilskipanavald til ráðdeildar með ríki og þjóð. Hins vegar á grundvelli óhæfra PCR greininga sem sannanlega höfðu ekkert vægi til að meta hvort sýking væri á ferðinni eða þá væntanleg sótt.

Ári síðar samþykkti Alþingi einróma að öll embættis- og reglugerðarglöp (Malfeasance) þáliðinna ellefu mánaða yrðu gerð að lögum, í nafni vísinda en þó voru engin vísindi í téðum lögum aðeins tilhæfulaus orð sem enga merkingu hafa utan samhljóm líðandi stundar byggðan á áróðri og tilhæfuleysi.

Flókinn texti með löngum orðum?

Maður lærir af Davos kommúnistunum sem rænt hafa Ríkinu af Fjölnismönnum sem aftur rændu því af þjóðinni.

Ef þú lætur siðleysi skjóta rótum, vex upp tré sem heitir siðrof. Það laumast aftan að þér eins og launaður andskoti.

Þetta hefur margrætt verið og ítarlega, samanborið við raunvísindi (líffræði) og lagagreiningar; til að mynda nákvæm greining á lögbrotum þáverandi sóttvarnalæknis og núverandi landlæknis. Svo og tölfræðigreining sem sannar að engin farsótt var á ferð og að sprautuherferðin vann að lágmarki tólffalt tjón á svokallaðri lýðheilsu samanborið við ætlaðan skaða af téðri farsótt.

Allar þessar greiningar stimplaðar sem dulspekileg samsæriskenning og virtar að vettugi ...

Haustið 2021 gaf forseti Lýðveldisins þau tilmæli til Alþingis að það myndi semja lög til að gera eitthvað varðandi allt það fólk sem rangsnýr og rangtúlkar vísindunum og neitar ónæmisaðgerðum sem beitt er til lýðhylli.

Hér er ekkert samsæri á ferðinni, hvorki kenning né greining. Hér eru glæpir á ferðinni. Ef þú uppnefnir þá einhverju öðru heiti, ertu sek(ur) um glæp. Ef engin stofnun greinir, ákærir, dæmir og framkvæmir dóm; þá neyðast vættir englunum eldri til að afgreiða viðurstyggð þá sem nú er risin og eitt sinn var nefnd siðmenning.

Hefurðu heyrt talað um John Magufuli? Hann var forseti Tansaníu í upphafi Covid heimsmorðsins sem enn stendur yfir. Hann var prófessor í efnafræði og eitt af því sem hann kenndi nemendum í líffræði að beita á rannsóknarstofum er einmitt PCR tækið.

Hann gerði stólpagrín að PCR greiningunum og fjórir aðrir Afrískir forsetar sem vissu að hann var sérfræðingur í þessu, fóru að hans fordæmi og neituðu að taka mark á Covid lygum WHO og Bill Gates mafíunnar. Þeir dóu innan árs úr skyndidauða; þeir voru drepnir af mafíunni, það er samsæriskenning.

Nærri því enginn vestrænna meginstraums fjölmiðla hafa fjallað um þetta. Fáir ef nokkur þeirra hefur sagt þér frá Covid ráðstefnunni sem haldin var á vegum Evrópusambandsins í Maí nú nýverið, þar sem tugir akademískra fræðinga (vísindamenn) mættu og gáfu skýrslu sem er bókuð; þeir sönnuðu að Covid farsóttin og Covid sprauturnar eru allt saman meinfýsin lýgi og vinnur ríkjum, ríkjabandalögum og menningarhópum stórfellt tjón. Hvaða hluti þessarar niðurstöðu passar inn í skilgreiningu á samsæri?

Veistu hversu mikið Bill Gates stofnunin fjárfesti í fjölmiðlasamsteypum, akademíum og hugveitum sem notaðar voru til að selja lýgina, eða hlutdeild fjárfesta - s.s. Blackrock og Vanguard - stóru lyfjarisanna er í áróðursmaskínu hans? Er þér sagt að stofnun þessa úrþvættis er metin sem aðildarríki að WHO og er aðal fjármögnunar vald þess? Þetta er samsærisgreining, hún er ekki kenning heldur rekjanleg staðreynd.

Erfiður texti?

Hvað er að frétta frá Tene?

Höfundur mRNA tækninnar, Dr. Robert Malone - sem þér er aldrei sagt neitt frá - hefur barist ötullega gegn notkun og misnotkun þessarar drápstækni, og hann hefur sýnt iðrun þess að hafa átt þátt í að hún varð til. Hann var á téðri ráðstefnu:

• https://rwmalonemd.substack.com/p/videos-the-international-covid-summit

Dr. Tom Cowan er gaur sem er rekjanlegur vísindamaður. Hann birti á dögunum myndskeið um tvennt, annars vegar hvernig geðlyf og krabbamein má skoða á annan hátt en almennt er gert, hins vegar hvað gerist þegar þú spyrð réttra spurninga og rekur svörin:

• https://beforeitsnews.com/health/2023/06/a-critical-look-at-what-covid-shots-do-and-dont-do-webinar-from-61423-with-dr-tom-cowan-3051974.html

Hvað eru margar kenningar í téðum tenglum? Hversu mikið af rekjanlegum raunvísindum?

Halda mætti að þau 82 prósent "íslendinga" sem settu hlýðnir á sig slefmottu og mættu glaðbeittir í gasklefasprautur myndu vilja svör í þessum stóru málum. Nei, þau eru öll svo góð, og allir sem ekki sjá það, eru villutrúarsamsæriskennarar og best sendir í gámagúlag.

Veistu af gámagúlaginu í Nýja Sjálandi, í Ástralíu, Kína, Hong-Kong, og já; Kanada?

... eða víðar?

Ekkert um það hjá RÚV og Sýn?

 

 

 

Til einföldunar - og í fullri virðingu - vil ég benda á fína grein Geirs Ágústsonar frá í dag - hengd við sömu frétt um "hverjir trúa samsæriskenningum." Þar listar Geir margar dulspekikenningar Elítunnar sem eru ranglega uppnefndar samsæriskenningar.

Held að nánari útskýring sé óþörf. Þá vil ég enn og aftur minna á ritgerð mína Húmanistadulspeki sem ég ritaði sumarið 2020 og finna má á hreinberg.is, en hún er viðeigandi í þessu samhengi.

• https://geiragustsson.blog.is/blog/geiragustsson/entry/2291416/
• http://hreinberg.is/?p=3147

 

Hverjir trúa samsæriskenningum?