Draugasagan um Íslenskan her og álíka raunsæisfirring

Á fyrri hluta þrettándu aldar, sendi Noregskonungur fyrirspurn til Allsherjarþings á Íslandi, hvort hann mætti setja upp bækistöð fyrir hundrað dáta í Grímsey (landinu til varnar). Því var hafnað, enda talið óþarfi.

 

 

Sumarið 1662 kom hingað Danskur her og bað Allsherjarþing að leggja niður sjálfstæði landsins, það var samþykkt af Evrópusinnum á þingi. Aðmírállinn hélt veislu fyrir alla málsmetandi Íslendinga á Bessastöðum og sigldi síðan á braut.

Í sumar lok 1809 kom hingað Bresk freigáta og tilkynnti landsmönnum að þeir hefðu ekkert að gera við sjálfstæði, enda undir vernd þáverandi Evrópusambands Kalmars- og Hansakaupmanna. Þetta þótti augljóst, og einn evrópureglugerðar-lögbrjótur var því sendur til refsingar í London með freigátunni sem sigldi á brott.

Vorið 1940 kom aftur breskur her, í þetta sinnið til að vernda landið gegn Evrópubandalagi Hitlers og Mússólíni, voru hér í fjögur ár, skiptu um stjórnmálastétt í landinu, og sigldu loks á braut.

[Eins og allir vita söfnuðu dömurnar monníngum frá dátum í "ástandinu" fyrir kossaflens og dans meðan unnustar þeirra söfnuðu monningum fyrir smíðavinnu hjá dátunum sem uppteknir voru á dansleikjum, og keyptu sér síðan bújarðir og stofnuðu bísness og byggðu sér raðhús fyrir alla monníngana eftir að dátarnir sigldu brott. Svakaleg svívirða, atarna.]

Eins og sjá má á þessari upptalningu innrása gegn sjálfstæði landsins; er nauðsynlegt að Íslenska lýðveldið stofni Íslenskan her útaf einhverri ímyndaðri og órökstuddri hættu frá útlöndum.

Áður hefur komið fram hvernig landið missti löggjafarvald sitt og dómsvald og þar með sjálfstæði sitt í 45 ár frá 1798 til 1843 vegna þessara stórfelldu innrása.

Nauðsyn á Íslenskum her hlýtur því að vera augljós, enda hafa hernaðarsjónarmiðin bæði verið rökstudd með stríðstæknilegum (Strategic) sjónarmiðum og vel skilgreindri valsbragðatækni (Tactical analysis).

Flókið þetta síðasta?

• Hvernig á að fjármagna her?
• Hversu stór á hann að vera?
• Hvernig á að þjálfa herinn?
• Hvaða tæki þarf slíkur her, stórskotalið, flugskeyti, þotur, sprengjuflugvélar, skriðdrekar, liðsflutningavagnar, floti s.s. fallbyssubátar, kafbátar, tundurspillar, tölvutækni s.s. árásar og varnar aðferðir tölvuþrjótunar, drónatækni í lofti, á láði og í legi.
• Hvernig á að skipuleggja deildir og tignarþrep þessa varnarliðs ef til kemur, hverja á að ráða til að stjórna þessum deildum, eftir hvaða lögum og eftir hvaða takmörkunar og refsi/leiðréttingar úrræðum komi upp spilling eða fagleg glöp (Malfeasance) af öðru tagi?
• Hvar eru áherslur í varnarmálum bæja og strandlengja, hvar myndi skóinn kreppa ef til innrásar eða annarra árása kæmi?
• Þegar valið hefur verið hvaða deildir á að hafa, hvernig tignaskipulag þeirra verður útbúið, hvaðan á þá að kaupa vopnin, og annan útbúnað, með hvaða fyrirkomulagi og eftir hvaða gæðastöðlum?
• Hvernig á að tryggja þessum varnarmætti landsins dugandi aðföng og viðhald (Logistics) og tryggja skotfæri, aðhlynningu, aðrar vistir og eldsneyti? Hvaða iðnaðarmaskínu þarf að ræsa til baklands þessa liðs, og hvers eðlis þarf hugveita þess að vera?
• Hvar er áhættumatið, s.s. hverjar eru líkur á árás, og verði árás, hversu stór yrði hún þá, ennfremur hversu lengi væri raunsætt að telja að hægt væri að hrinda eða hægja á slíkri árás?
• Ef til átaka kæmi, hversu hátt hlutfall dauðsfalla bæði hermanna og annarra borgara væri ásættanlegt, sérstaklega í ljósi þess að enn hefur enginn Íslendingur látið lífið hérlendis vegna erlendra árása, né landið misst verulegt sjálfstæði í eigin málum?
• Hvernig á að tryggja að þessu liði yrði ekki beitt gegn óþekkum bloggurum landsins sem skelfast þá tilhugsun að verða sendir til Reyðjarfjarðar í gámagúlag fyrir óviðurkenndar skoðanir samkvæmt mismunandi pólitískri túlkun á hatursegðum og neikvæðni?

Hingað til eru einu rökin sem ég hef séð hjá stríðsþyrstum hernaðarblætis bjálfum landsins:

Ísland þarf varnir, helst eigin her, til að hægja á innrás ef sky kynni, meðan beðið væri aðstoðar frá Nató, og þetta sé augljóst útaf því að Þýska herráðið átti til áætlun til slíkrar innrásar 1940 en hafði afskrifað að framkvæmd hennar væri raunhæf, en þetta sé augljóst vegna Kalda stríðsins og Úkróstríðsins?

Flókið þetta síðasta?

Bakarí.

Apótek.