Fimmtudagur, 15. júní 2023

Afmælisdagur þjóðar þann 22. júní 2023 [með viðbót]

Sumarsólstöður koma upp þann 21. júní, þetta árið, eða á miðvikudag í næstu viku. Samkvæmt lögum Endurreists Þjóðveldis er því Þjóðveldisdagurinn - stofndagur Þjóðveldis - daginn eftir, eða fimmtudaginn 22. júní 2023.

 

 

Nýverið ritaði ég tvennar greinar til heiðurs Endurreistu Þjóðveldi, sjálfum mér þvert um geð, því ég hætti opinberum skrifum um málefni Þjóðveldis veturinn 2017/18, utan hvað ég viðheld vefsíðu þess fyrir hönd héraðsþinga.

Síðan vorið 2018 hef ég eingöngu sinnt orðræðu Eingyðistrúarinnar, en ég hafði árin 2015 til 2017 oftlega minnst á það á héraðsþingum, að þó ég væri mest áberandi í orðræðu Þjóðveldis, þá hefði ég verið kallaður til þess af vættum, en áminntur af Guði að festast þar ekki heldur aðeins sinna í afmarkaðan tíma.

Við þetta hef ég staðið. Allt þetta hefur áður verið vandlega rakið í Arkívinu (not.is). Sem fyrr segir, öll skrif mín hér á blog.is skal eingöngu túlka sem spennulosun.

Þegar Endurreist Þjóðveldi var stofnað, sumarið 2013, var það gert við stofnsetningu Allsherjarþings um kl. 1800 (sem telst sólarlag að sumri) á fimmtudegi við Sumarsólstöður og var athöfnin gerð samkvæmt fornum og enn lögmætum lögum Þjóðveldis eldra.

Var þá kosið um að bókin "Endurreist Þjóðveldi 2013" yrði lögð til grundvallar nýrri stjórnarskrá, og yrði hún þannig Manifesto eða frumspekilegur bakgrunnur að henni. Var samningu hennar lokið veturinn á eftir og hún kynnt opinberlega. Sumarið 2015 var þessi stjórnarskrá yfirfarin á Allsherjarþingi og samþykkt.

Var gerð á stjórnarskrá lítilsháttar breyting, en síðan þetta var hefur verið bætt við hana grein 48 um borgaralegt sniðgengi og var bætt sérstökum viðauka um mannréttindi við stjórnarskrána þar sem m.a. voru útfærð réttindi borgara til að vera óskrásettir.

Frá 2015 til 2019 reyndi á stjórnarskrána til skjalavalds og ríkissmiðju og á þeim árum var mótað fyrirkomulag Upplýsingastofnunar (sem er stjórnarskrárbundin), lénið nyttland.is sett upp með vefsíðu, og skýrsluhald héraðsþinga og Alþingis mótað. Um tíma gegndi Ragnar Sigurðsson Proppé embætti Lögsögumanns og er hann því einn lögsögumanna Þjóðveldis frá fyrstu stofnun þess. Rétt er að taka þetta fram, í ljósi Skjalavalds og Sögu.

Í ljós kom árin 2013 til 2017 að hefðin fimmtudagur við sumarsólstöður, væri ekki nógu skýr. Ekki var sama viðmið fyrir kristnitöku og eftir, og ýmis skrif hérlendis í gegnum aldirnar óskýr. Greinin "Sumarsólstöður 2017 og gjaldmiðill Þjóðveldis" á nyttland.is greinir frá umræðum um Þjóðveldisdag á héraðsþingum sumarið 2017 og einnig greinin "Héraðsþing Gullbringu og Kjalarness 13. okt 2017." Niðurstaðan var því sú að sett var upp viðmið og lögfest, hver væri Þjóðveldisdagurinn.

Frá þessari lögfestingu skiptir litlu máli, þegar saga liðinna alda er rýnd, hver var reikniregla á mismunandi tímum, við vitum ávallt hver var rétti dagurinn og getum miðað alla atburði við þann dag, svo fremi að almanaks töflur liðinna sumarsólstaða sé þekkt.

Sá sem þetta ritar hefur talsverða reynslu af rýni í almanök og dagsetningar, og fullyrði fullum fetum að dagsetningar eldri en tveggja alda gamlar eru oftar samkomulags atriði og málamiðlun en vélræn skráning.

Nýlega var t.d. send fyrirspurn til fræðaseturs Júðskra Rabbína (chabad.org) varðandi dagsetningu á eyðingu fyrra Musteris Salómons konungs; var eyðingin haustið 586 BC (f.Kr) eða 423 BC? Í svari þeirra var tilgreint hvernig árið 423 væri fundið út, og hvers vegna það ár væri frekar valið en 586 BC eða dagurinn sem Húmanistar nútíma sagnfræði nota. Bættu þeir við langri útskýringu hvaða dagatöl voru notuð á nítjándu öldinni þegar Akademía húmanismans gerði samræmdar tímatöflur nútíma sagnfræði.

[Hér má koma fram að viðhald krónólógíu Hebrea, sem nefnist Anno Mundi (AM) rekur í dag 5783 ára langa sögu samfelldrar siðmenningar, samfara ábyrgrar siðfræði og dyggðugrar frumspeki. Krónólógíu gutl húmanismans er enn með bleyju, hvað þetta varðar.]

Fólk er almennt ekki meðvitað um hversu margt í sagnfræði, tímalínum og skráningum er háð huglægu mati umfram hlutlægt, og er ekki ætlanin hér að fara sérstaklega í þá hluti. Við sem nennum grúski af slíku tagi tökum hins vegar ýmis viðmið, en hverjar svo sem niðurstöður okkar eru hverju sinni, þá þurfa röksemdir að vera til staðar, vandlega útskýrðar hverjum þeim sem hyggur á frekara grams og grúsk.

Þannig séð eru útgefnar dagsetningar oft málamiðlanir og pólitísk viðmið, frekar en kórréttar töflur. Það breytir ekki innihaldi þeirra þegar þær eru notaðar við menningarmótun. Þó geta sumar þeirra skipt talsverðu máli.

Til að mynda skiptir eyðing musteris Salómons miklu máli ef við ætlum okkur að vita hvort Tíma heiðingjanna lauk 1922, 1933, eða mun ljúka það Pfizer ár 2097. Sérstaklega ef það helst í hendur við þá túlkun okkar að vikurnar þrjár og hálf tákni kynslóðatíðir eða 140 ár. Þá ekki síst ef við finnum út hvenær fyrsta tíðin hófst en það tók talsverðar vangaveltur og orðræður (í fjarlægða hluta Arkívsins 202104xx-202206xx) að rekja hvort það hafi að gera með Serafím Sósíalismans og þá hvenær hans tími væri - sem ég tel að hefjist í júní 1908 (á heimsvísu).

Í þeirri orðræðu, að leita uppi þessar kynslóðatíðir eða vikur, varð okkur ljóst hver afmörkun Iðnbyltingarinnar væri, en það er atriði sem ég hafði látið reka á reiðann og kominn var tími til að rýna nánar. Afmörkun heimsendis í mínum skilningi eru tengiskipti (Coupling of Epoch) á tímalínu, eða meiriháttar tíðaskipting í heimssögunni. Í bókinni "God-s Will" er tilgreint - og kemur fram í fleiri rita minna og hljóðritana - að sýnir genginna aldingja (Sages) allt aftur til tíma spámannsins Enoks, stemmi við tímann frá Iðnbyltingunni til Tunglferðanna.

Hvenær var iðnbyltingin?

Fólk er ekki á einu máli um þetta, var hún t.d. þegar vefstólarnir og gufuvélarnar komu fram upp úr 1800, eða þegar talstöðin og flugvélin kom fram upp úr 1900? Við höfum rætt og rökrætt vandlega að hún hafi staðið yfir tímabilið 1881 til 1919. Ennfremur að hún sé aðeins ein en ekki þrjár eða fjórar.

Nú heldur Davos mafían því fram að þegar hafi orðið þrjár iðnbyltingar, en hverjar eru þær og hvernig eru þær afmarkaðar? Nú fylgir Ríkisstjórn Lýðveldisins þeirri ríkisstjórnarstefnu að innleiða fjórðu iðnbyltingu Kláus Schwab frá Davos. Nær enginn borgari Lýðveldisins veit þetta, en nánari upplýsingar um það má finna á vefsíðu Stjórnarráðs Katrínar, Bjarna og Sigurðar Inga.

 

 

Svo hver er þessi fjórða iðnbylting sem skiptir Elítu landsins svo miklu máli, að sú hugmyndafræði er opinber stjórnarstefna Ríkis þeirra? Hvernig er hún afmörkuð og útfærð, og hverjar eru hinar þrjár? Ætla mætti að í gegnsæu landi lýðræðis, upplýsingar og tækniframfara, væri þetta öllum sprautuþegum ljóst.

Já, orðið sprautuþegi er viðeigandi; því lögin um lýðheilsu og farsóttir frá febrúar 2021 tilgreina nákvæmlega engin vísindi, ábyrgð eða læknisfræðilegar afmarkanir. Allur sá flókni texti með löngum orðum, í ljósi farsóttar sem var skáldsaga, í sögu Húmanisma sem í orði kveðnu býr yfir lyfjalausnum við öllum þekktum sjúkdómum - nema afleiðusjúkdómum bóluefna - var ekkert annað en huglægur þvættingur sem afsalaði öllu valdi yfir þjóð Lýðveldisins til eins embættismanns, verndaðs af einni nefnd, til útfærslu valdaafsals til einnar alþjóðastofnunar.

Flókin Efnisgrein?

Alþingi Lýðveldisins Íslands frá 1944 lagði sjálft sig niður, einróma, í febrúar 2021 og gaf sjálfu sér leyfi til að fremja stærra þjóðarmorð en Nasistar Hitlers létu sig dreyma um hvað þá að framkvæma. Menning landsins ræddi það ekki nánar, heldur mætti hlýðin í vaxhöllina. Engin siðmenning hefur verið innan Lýðveldisins síðan þetta atvik átti sér stað því frumspeki stjórnarskrárinnar og lög hennar, voru í raun afnumin og þar með siðmenning landsins. Vísindi Húmanismans reyndust þann sama dag vera áróðursþvættingur en ekki raunsæ heimspeki og traust verkfræði.

Já, dagsetningar skipta máli. Áreiðanleg afmörkun skiptir máli. Rekjanleiki og heiðarleiki skipta máli. Dyggð, hvað er það, skrifaði Plátón (Menón) fyrir 24rum öldum síðan. Dyggð er eitthvað sem nútímafólk hefur engan áhuga á að vita neitt um, það er bara eitthvað flókið og djúpt.

Á laugardaginn kemur, þann 17. júní 2023 mun Íslenska Lýðveldið frá 1944 halda svonefndan þjóðhátíðardag. Ef þú spyrð almenning þessa ríkis hvers vegna þessi dagsetning sé valin, verður fátt um svör. Hver merking þessa dags sé; enn færri svör. Þetta er bara þjóðhátíðardagurinn.

Staðreyndin er sú að forseti Fjölnismanna, Jón Sigurðsson á að hafa fæðst þennan dag, það er þó ekki hátíðin, heldur sú að þennan dag 1944 var Íslenska Lýðveldið stofnað. Flestir Íslendingar trúðu í maí 1944, þegar kosið var um stofnun þess, að þeir væru að kjósa sjálfstæði frá Dönum.

Enginn sagði Íslendingum í aðdraganda kosnínga að sjálfstæði frá Dönum hafði þegar áunnist 1918, að sá dagur hafði verið valinn eftir málefnalegar orðræður, umræður og orðadeilur, að frumkvæði Fjölnismanna allar götur frá 1853 þegar Íslenskir menntamenn - uppfræddir og valdir af Dönum sjálfum í Kaupmannahöfn - hófu orðræður þess hvernig best væri að endurreisa og móta hið forna Allsherjarþing eða Alþingi, koma á heimastjórn og loks koma á fullu sjálfstæði Íslenska ríkisins.

Þessi mafía fæddist veturinn 1809/10 í kjölfar umfangsmestu pólitísku hreinsana sem fram hafa farið hér á landi, en sumarið 1809 munaði hársbreidd að nokkrir Íslenskir áhrifavaldar næðu að endurreisa hér sjálfstætt ríki og þá sérstaklega fornu héraðsþingin.

Fyrir fáeinum árum, þegar ég reglulega ræddi þessi málefni í myndskeiðum mínum, hafði samband við mig maður norðan úr landi, en hann hafði heyrt fullyrðingu mína þess efnis að víða á landinu væru til ómerktir grafreitir eftir þær hreinsanir sem ég tel að hér hafi verið framdar, en ég rökstuddi ítarlega hvernig sagnfræðingar geta sannreynt hana með samanburði á fæðingartöflum og dánartöflum, fundið út hverjir hurfu í hafi ári 1780 til 1830; tilgreindi maður þessi reynslu sína af að finna tvo slíka grafreiti á norðurlandi og vita af þeim þriðja.

Þessi grein er þó ekki um þetta heldur annað; hvað er þjóðhátíðardagur?

Að Lýðveldið frá 1944 er smíðað af Fjölnismönnum og að þeir voru handbendi Danskra valdaklúbba, á því er enginn vafi.

Að sú elíta og ættarlínur sem Bretar og Bandaríkjamenn efldu til valda árin 1940 til 1950 geta réttilega kallast Ís-Quislíngar, er óumdeilanlegt.

Að þeir menn sem unnu að ríkissmiðju Konungsríkisins frá 1920 (sem var Íslenskt fullvalda ríki frá 1. des 1918 til 17. júní 1944) vildu efla Íslenska dáð, hlutleysi og sjálfsvirðingu, er staðreynd.

Sem fyrr segir, hvað er þjóðhátíðardagur, því ljóst er hér að allir þeir dagar sem við erum að ræða, hafa ekkert að gera með þjóðir heldur stofndaga einhverra ríkja. Þjóðveldið 930, Konungsríkið 1920, Lýðveldið 1944 og Þjóðveldið 2013. Þetta eru ríkjadagsetningar, ekki afmælisdagar einhverrar þjóðar. Að velja einhvern dag sem þjóðhátíðardag, það er fínt mál, en nákvæmlega hvaða dagur sé valinn, er huglægt mat, pólitík og hugarástand.

Hugarástand núverandi þjóðar landsins, er hæ hó og jibbíjei, pulsur með öllu, tónleikar um kvöldmatarleytið og vonast eftir góðu veðri. Bara hið besta mál. Hitt er annað; þessi þjóð veit ekki hver hún er.

Sumarið 920 AD voru hér í landinu lágmark fimm þjóðir og þær mæltu ekki allar sömu tunguna. Ár hvert voru haldin héraðsþing hér og þar á landinu - og var þeirra frægast svonefnt Kjalarnesþing og var goði þess Þorsteinn Ingólfsson.

 

 

Þorsteinn fjármagnaði tvo fóstbræður, Úlfljót og Grím; annan til ferðar milli héraðsþinga þess og hinn til útvistar í Gulaþingi í Noregi. Erindið var annars vegar að fá goða og lög[sögu]menn hér og þar á landinu til að sameinast um stofnun þjóðríkis, hins vegar að finna ríkinu fyrstu lög þess. Talið er að verkið hafi aðeins tekið þrjú ár, en mig grunar að aðdragandinn hafi verið talsvert lengri og útheimt umtalsverðar samræður hér og þar, og útkljáðar deilur t.d. vegna hagsmunaárekstra og ýmissa persónulegra drauma um aukin völd hér og þar.

Einföldum smávegis:

Íslenska Þjóðveldið var stofnað - af fimm hópum ólíks fólks - án átaka og vopnaskaks.

Um stofnun þess ríkti einróma sátt. Þetta er eina þjóðríki veraldarsögunnar sem stofnað var þannig. Þjóðveldið var raunverulegt ríki frá 930 til 1662. Saga þess er ekki fullkomin, og það gekk í ríkjasamband tveggja fullvalda ríkja með Noregi sumarið 1264 og næstu fjórar aldir var oft tekist á um tilveru þess þar til Danir og tveir fulltrúar dana hérlendis lögðu það niður, ólöglega.

Lýðveldið á ekki skjalið sem lagði Þjóðveldið niður 1662, Danir eiga skjalið; ég tékkaði á því. Ég er eini Íslendingurinn sem gert hefur sér ferð á Þjóðskjalasafnið að lesa stjórnarskrá Lýðveldisins. Ríki Fjölnismanna, er lýgveldi og rúið öllum heiðri, ógilti eigin stjórnarskrá mánuði eftir að Endurreist þjóðveldi var stofnað og hefur ógilt alla sína siðmenningu.

Allt þetta er vandlega skráð á undanförnum árum.

Vil ég minna á ódæmt morð lögreglu landsins, þegar einn borgara þess var skotinn á færi eins og skepna veturinn 2013 og það hvítþvegið af saksóknara Ríkisins.

Daginn sem fulltrúar allra héraða Íslands komu fyrst saman á fimmtudag við sumarsólstöður var engin Íslensk þjóð til. Daginn eftir hafði hún fæðst. Fólk sem ýmist hafði flutt til landsins árin á undan, eða fæðst hér öldina á undan (og margir enn fyrr) komu hér saman á fimmtudegi, settu lög fyrir landið, samræmdu heildar-siðfræði sína, skilgreindi sjálfstæði héraða sinna, og breyttist úr að lágmarki fimm þjóðum í eina.

... í friðsemd.

Þeir sem á laugardaginn komanda hylla Fjölnismenn, með hæhó og jibbíjei, pulsa með öllu og ís með dýfu, veifandi fána sem danakóngur hannaði, vita ekki hver afmælisdagur þjóðar þeirra er, eða hverrar náttúru hún er, hvað þá af þeirri meitlun og hugarfarslegum vélabrögðum sem snúist hafa um að tryggja það Ástand (State).

Þegar Fjallkonan vitjaði mín sumarið 2012, hafði ég ekki þessa þekkingu, né heldur neinn áhuga á. Hvers vegna þetta vatt sig alltsaman eins og það gerði, veit ég ekki. Hitt er morgunljóst, að Þjóðveldið er varið af vættum og þeir hafa tryggt að þekking þess, skjalavald og lögmæti, lifi svo lengi sem landið byggja virkir og kvikir hugir. Það er ekki mitt, og heldur ekki þitt, það er ástand sem við getum aðhyllst og lagt rækt við, eða sleppt því.

Þetta er ekki fætt í félagshyggju, valdhyggju, eða efnishyggju, heldur í frumspeki og mætti virðingar og árvekni, og það er óháð líðandi stund (Temporal), því það er fjölært ástand en ekki einær vorlaukur. Samtímafólk okkar veit ekki hversu margir Íslendingar hafa staðið vörð um þetta í gegnum aldirnar, í heiðri og af dyggð.

Fáir vita í dag hvað heiður eða dyggð er. Þannig er það stundum.

Stofnun Þjóðveldis eldra er einn þriggja merkustu atburða þekktrar mannkynssögu, svosem hér er  rökfest. Hverjir eru hinir tveir, og hvernig er annar þeirra með rekjanlega þræði til þessa?

 

 

 

Viðbót 15:20:

Ég flýti mér oft að skrifa - og þá gleraugnalaust - og fer svo út með hundinn. Í fyrstu vistun þessarar færslu las ég öfugt á dagatalið og víxlaði dagsetningum í byrjun færslunnar. Það hefur nú verið lagað.

Sorrý.

Annað.

Oft þegar fólk hefur kynnt sér Endurreist Þjóðveldi, eða kynnir sér þing þess með eigin reynslu, kemur upp tvenns konar misskilningur - og oft mjög djúpstæður. Við fyrsta lestur stjórnarskráinnar segir fólk - í 9 tilfelli af 10 - "þetta er svosem ágætt en það þarf að breyta ýmsu hérna." Gott og vel svara ég þá; hverju þarf að breyta í stjórnarskrá Lýðveldis? Er þá svarað með störu, engum orðum, enda telur fólk þjóðveldið vera hjólaklúbb eða grasrótarsamtök til pólitísks þrýstings á Lýðveldið. Enginn hérlendis hefur nokkru sinni kynnst hugtakinu Ríkissmiðja, síðan Þorsteinn, Úlfljótur og Grímur byggðu Þjóðveldi eldra. Eitt sinn fór þessi samræða fram við Sturla Jónsson sem man stjórnarskrá Lýðveldis utanað og hefur margt um hana að segja. Hann sagði um stjórnarskrá Þjóðveldis "hún er áhugaverð, en hvernig væri að fara fyrst eftir þeirri gömlu?"

Báðar stjórnarskrár gera ráð fyrir að þeim sé breytt og tilgreina hvernig það skuli gera og á báðar hefur reynt, hvað það varðar.

Annað atriði er að flestir sem prófa þáttöku í þingum líta á Endurreist Þjóðveldi - eins og fyrr segir - sem grasrótarhóp til að a) laga allt það sem er að hér og þar í Lýðveldinu, annars vegar og b) þrýsta á Lýðveldið um ýmsar elítu- og stjórnarháttabreytingar, hins vegar. Það síðasta sem fólk sér, er sósíalisminn sem ól þau upp eða lýðveldið sem rammaði þau inn.

Einföldun: Reynsla mín er sú, að það tekur mörg ár að læra útgönguna og að varða nýja leið í eyðimörkinni, og fólk verður að ganga þessa leið sjálft. Þetta er ekki hægt að kenna, aðeins að uppgötva og varða.

Oft sér ekki fólk, þegar eitthvað er rýnt, hvað vantar í myndina og um leið fullgerir hana. Sá sem þetta ritar er meðvitaður um að slípa þyrfti betur ríkisstjórnar hluta stjórnarskrár Þjóðveldis og einnig skýra betur hvernig skattafyrirkomulag þess er hugsað þ.e. að ríkið sjálft fær skatta sína frá héruðunum sem aftur fá sköttun frá borgurum sem aftur geta kosið um skatta sína og ráðstöfun þeirra - til dæmis - einnig mætti nýta tækifærið meðan við erum fá að setja ýmis lög til að fyrirbyggja allskyns meinfýsni og rangsnúning í framtíðinni sem við þekkjum frá Lýðveldinu og öðrum ríkjum, en sleppt hefur verið að setja lög eða gera stjórnarskrárbreytingar einmitt vegna þessa - það verður skemmtilegra að ræða þessa hluti þegar 144 þúsundir eða svo verða komnar yfir. Það er eins með Guðdómlega Sáttmálann sem gerður var milli Móse og Skaparans sumarið 2448 AM (1312 BC), við lestur hans er hollt að skilja hverju var sleppt af ásetningi - en í raunsæi getur það sem vantar í lögin verið hluti lögmætis.

Eins og yfirleitt kemur fram þegar orðræða og heimsmynd Þjóðveldis er rædd; hið eldra er enn langt á undan okkar samtíð.

Spennulosun lokið.

Góðar stundir.

 

 

E.S. Skyldulesning dagsins er frá Helgu Ingadóttur: Lífeyrissjóðirnir eru falið rán (mín umorðun).


Flokkur: Bloggar | Breytt s.d. kl. 17:04 |

« Síðasta færsla | Næsta færsla »

Athugasemdir

1 Smámynd: Magnús Sigurðsson

Þakka þér fyrir þennan ítarpistil Guðjón. 

Sjálfur hef ég aldrei litið á þjóðveldið (gamla) sem ríki, eða ríkissmiðju eins og þú orðar hugtakið stundum.

Þjóðveldið og lög þess er í mínum huga aðferð frjálsra manna til að komast af við hvorn annan þegar á milli bar.

Ríkisvaldið var í raun hjá fjölskyldunni, og hún rekjanleg, -að 6. ættlið náði ríki fjölskyldunnar.

Landinu var nákvæmlega skipt upp á milli fjölskyldna með þetta og afkomumöguleika í huga. Goðar sáu um að héraðsþing og alþingi væru virkar stofnanir í rekjanlegu ættarsamfélagi. Svona í allra grófustu dráttum.

Fyrir tveimur árum fór ég niður að Bæjarós í Lóni, en svo merkilegt sem það er þá bjuggu Úlfljótur og Grímur geitskor sitthvoru megin við Bæjarósinn, ef ég man rétt.

Ég fór ekki niður a Bæjarmegin, eða Úlfljóts megin, vegna þess að það er í einkaeign og lokað með hliði, -nú sumarbústaður. Reyndar er allt land þarna í einkaeign en misjafnlega aðgengilegt.

Það er gaman að velta bústað Úlfljóts og Gríms fyrir sér þar sem þeir áttu náið samtarf við Þorstastein Ingólfsson á Kjalarnesþingi um stofnun þjóðveldis og stað fyrir alþingi, en landið allt á milli þeirra.

Reyndar hafði Þórður skeggi numið land í Lóni og bjó á Bæ, en Þórður flutti sig í landnám Ingólfs, á Leiruvog í Mosfellsbæ, og seldi Úlfljóti landnám sitt þannig að tengsl hafa verið sterk til staðar.

Fyrir sunnan Lón í Hornafirði og Suðursveit nam land maður sem lítið er minnst á í sögunni, en verður að teljast einstaklega áhugaverðu, Hrollaugur  Rögnvaldsson, bróðir Göngu-Hrólfs.

Og áhugavert er að það er m.a. í landnámi Hrollaugs, sem talið er að hafi verið svo kallað Papýli, en syðst í Lóni er t.d. Papafjörður og sunnarlega í hinu forna Papýli er talið vera Kirkjubæjarklaustur. 

Þú mátt ekki misskilja mig ég er ekki að rengja eitt né neitt af því sem þú skrifar, enda er það allt mér til frekari upplýsingar um þjóðveldi.

Ég hef gaman og gagn af því að lesa allar hugmyndir sem ríghalda ekki í rétttrúnaðinn hvað þetta varðar.

Enn og aftur takk fyrir ítarlegan og áhugaverðan pistil, eins og þín er von og vísa.

Magnús Sigurðsson, 15.6.2023 kl. 20:36

2 Smámynd: Guðjón E. Hreinberg

Takk fyrir þetta innlegg, Magnús. Það má vel velta fyrir sér hvort papýlingar hafi verið mun fjölmennari hérlendis en sögur Ara "vélráða" Þorgilssonar gefa til kynna, en hann vill meina að hér hafi bara verið fáeinir munkar.

Á þeim árum sem ég var mest að lesa mér til um Þjóðveldi eldra, rakst ég á Íslenska bók (á ensku) sem fór vandlega ofan í áhrif Íra á Kjalarnesþingi og var þar gefið til kynna að hér hafi verið fjölmennt af írum en "papar" í forsvari fyrir þá.

Eins hef ég rekist á að á þeim tímum þegar Herúlar byggðu níu borgir (byggðir) á Hellulandi (Labrador) hafi verið fjölmennt af Írskum og Skoskum (Pictum) á Nýfundnalandi sem þá var uppnefnt Hvíta Írland (minnir mig). Var gefið til kynna að leiðtogar þeirrar byggðar hafi frekar verið Drúíðar en Papar.

Einhverju sinni þegar ég var að ræða þessa hluti, var slengt á mig af einhverjum kommúnistakróga að Kristján Eldjárn hafi rannsakað þessa hluti og ekkert minnst á þá við heimkomuna. Svaraði ég - meira í gamni en alvöru því ég hef gaman af að hrekkja kommúnista - að hann hafi sleppt því til að fela það og rætt aðra hluti í staðinn (Obfuscation): Árí síðar rakst ég á að dagbækur Kristjáns voru læstar á Þjóðskjalasafninu í 50 ár eftir heimkomuna, og þó síðar hafi verið gefið út bók um innihald þeirra, stendur fullyrðing mín óhögguð.

Bestu kveðjur

Guðjón E. Hreinberg, 15.6.2023 kl. 21:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband