Af landráðum

Landráð er glæpur sem ekki þarf útskýringu í flóknum texta með löngum orðum eða slögurum og fyrirsögnum. Landráð er brot embættismanns s.s. forseta, þingmanns, ráðherra, forstöðumanns opinberrar stofnunar, eða annarra opinberra starfsmanna, á stjórnarskrá Lýðveldisins.

Brot á stjórnarskrá, er brot gegn ríkinu sjálfu. Þetta er einnig svo í Endurreistu Þjóðveldi og krefst þar (eða varðar) útlegðardóms.

Minni landráð eru útskýrð með flóknum texta í löngum orðum í Almennum hegningarlögum en eru  greinar þær notaðar af Elítunni til að flengja borgara, eins og reyndar flest lög Lýgveldis.

Þeir embættismenn sem sérstaklega hafa svarið eið að stjórnarskránni, hafa lagt æru sína við brotið og þyngist því refsirammi tvöfalt.

Sakir plássleysis verða núlifandi landráðamenn á Íslandi ekki taldir upp hér.

Taldi rétt að tjá mig um þetta áður en það verður ólöglegt. Ó, og meðan ég man; öll lög gegn ræðu og skoðunum, eru brot á stjórnarskrá Lýðveldisins, svo og allar útgáfur Sóttvarnalaganna.

Yðar einlægur er eini lögspekingur landsins sem þorir að benda á þessar staðreyndir. Elítan hefur staðsett þrjá til fjóra lagakverúlanta út á jaðarinn, sérstaklega í þessa hliðvörslu.

Hliðvarsla er þegar fjallað er um svipað, á hátt sem vekur mikla athygli, en smalar niðurstöðunni aftur inn í elítumarkmiðin, en með orðagjálfri og orðræðufroðu - og öðru brottkasti - sem villir sýn svo aðalatriðin glatist. Hliðvarsla er hluti af verkfærum stýrðu andstöðunnar.

Varist vinstri öfgar sem þykjast vera hægri-öfgar. Þeir berjast fyrir mannréttindum kommúnista og öðrum félagslegum útþynningi alræðis- og harðstjórnar. Þeir fela það fyrir þér að nærri því öll orðræða vinstri-öfga, brjóta á almennu velsæmi, sem er stjórnarskrárbrot.

Sumt er ekkert flókið. Á Íslandi er bara einn íhaldsmaður.

Hér er eina blogg landsins sem enn berst fyrir borgaralegu siðferði samkvæmt vestrænni hefð, lagalegu réttlæti og eignarréttinum sem þú misstir vorið 2020. Þess vegna lesa það svo fáir sem raun ber vitni, því elítan er siðlaus og almenningur siðblindur.

Ekki misskilja, ég vil fáa lesendur og alls ekki bergmálspíur og leirmenni, enda er þetta bara spennulosunarblogg. Á meðan þeir eru sem fæstir sannast hið fornkveðna.

Dáin menning, hrunin siðmenning, rofin er rjúkandi tunga; glundroðinn í algleymingi. Þú sérð ekki glundroðann því þú ert hluti af honum, öll vitund þín er á flögri eins og blind dúfa í vindinum sem öskrar hringinn í kringum miðju stormsins, allir að reyna sitt ítrasta að láta eins og það sem Er sé ekki og að firringin sé veruleiki.

 

Tónlist dagsins:

 

 

Fyrir lengra komna;

Hvað veistu um Leonard Peltier og aðra baráttu gegn lygum og réttlætisbrotum í Nató knettinum?

Samsæriskenning dagsins:

Jair Bolsonaro er afkomandi Herúla í Brasilíu. {Þú manst að við sendum landnema þangað fyrir hundraðogfimmtíu árum eða svo? Innanum voru Herúlar.}

Firring dagsins:

Loftslagskvíði; Þegar þú veist að það er lýgi en þorir ekki að viðurkenna það.