Lengi lifi[r] skömmtunarkommúnisminn

Það er ekkert í tengdri frétt - eða téðum fyrirlestri - sem hefur neitt að gera með raunsæi, þó er það allt saman rökrétt. Eins og allir vita getur óraunsæi verið sumum rökrétt og raunsæi verið sumum órökrétt en skaðinn er þegar slíkir hafa yfirtekið brúna.

 

 

Aðal atriði tengds áróðurs er þessi: "Því geti sú staða komið upp að orka verði skömmtuð á Íslandi." Við verðum í sama kommúnistafleyi og afgangur Evrópu þegar Davos klárar að umbreyta heiminum í Covidríkin, sem er langt komið og því sem næst mótþróalaust.

Elíta vesturlanda hefur á síðustu þrem árum skipt úr International Law yfir í Rules based order. Þarf að útskýra merkingarþeytuna?

Þú manst að maður svarar aldrei rökréttu óraunsæi með öðru en: Lygar og þvættingur, eða Takk fyrir persónuárásina eða Marxistaviðvörun - eftir atvikum og aðstæðum. Eins og margir hafa tekið eftir virðist vera tilgangslaust að rökræða við ákveðnar manngerðir.

Þetta er ekki vegna greindarskorts þeirra allra, heldur vegna valsbragða* (Tactics) þeirra og hertækni (Strategy) sem er byggð á aðferðafræði Frankfúrt skólans, sem eftur er byggð á hertækni León "Trotsky" Bronsky; Að halda í sífellu fram einhverju óraunsæju, annaðhvort með löngum orðum og flóknum textum, eða slögurum og yfirlýsingum, sem séu samræmd milli hópanna sem atlögunni beita, og þverskallast að hlusta á nein mótrök eða svara þeim.

Glöggir eru smámsaman að átta sig á að hægt er að snúa þessu upp á menningarvarga og siðræningja. Hinn almenni maður hefur þó ekki áttað sig á því sem við ættum öll sem einn maður að vera farin að sjá; að síðustu 30 mánuðir höfðu ekkert að gera með Vírus og að Hrunið 2008 hafði ekkert að gera með frásöguna. Hvorutveggja var árás á vestræna siðmenningu, sem er að heppnast því önnur árás hefur rifað menninguna.

Neðanmálsathugasemd sem lengdist óvart:

* Val[s]bragð er nýtt orð, mér finnst það passa betur en herbragð eða stríðsbragð, fyrir Tactics. Eins og allir fæddir fyrir 1991 vita, er valur fínt orð fyrir orrustuvöll eða stað þar sem margir eru drepnir. Ég nota ýmist stríðs/her- kænska eða tækni fyrir Strategy, eftir því á hvaða tíma dagsins ég skrifa. Eins og kunnugt er, hefur enginn skríbent notað hentugar þýðingar á þessum tveim orðum, en það er nauðsynlegt að slípa inn góð orð.

Þá vantar einnig gott yfirlit yfir hugtök úr herskipulagi, s.s. hvar er munurinn á Brigade, Regiment, Battalion, Corps, Squad, Team, Division, army group, platoon, o.s.frv. Maður finnur til þess nú á tímum þriðju heimsstyrjaldar, að eiga erfitt með að bísa þessum heitum yfir á ástkæra. Eftirfarandi listi er samantekinn með aðstoð Wikipedia og Ensk-Íslensku skólaorðabókar (nennti ekki að standa upp og sækja stóru ensk-ísl). Listinn dugar til að sýna að við þurfum að slípa þessi hugtök inn ef við ætlum að geta skrifað og/eða rætt um hernaðartengd mál:

• army (100þ +); her, landher, herskari, hersing (group, hópur, fylki),
• corps (40þ +); stórdeild, fjöldeild (tvær eða fleiri stórdeildir),
• division (10-30þ); skipting, deiling, deild s.s. bryndeild, markalín, atkvæðaskipting,
• brigade (4-8þ); stórfylki, sérsveit, lið, flokkur
• regiment (1-3þ); hersveit, herskari, hersing, sveit, fylking, sægur, (regimen; heilbrigðisreglur;  reglusveit),
• Column (?); ,
• battalion (3h-1þ); herfylki, liðsveit,
• squadron (3h-1þ); riðill, flokkskvísl, deild, flokkur, hópur, herflokkur,
• company (80-250); undirfylki, félag, félagsskapur
• platoon (26-55); flokksdeild, flokkur,
• squad (6-12); sjá squadron,
• team (2-4); eyki, sameyki, lið, samstarfshópur, gengi, samherjar,

Listinn er ekki tæmandi, og hafa ber í huga að hann er byggður á  Marxistapedia, betur þekkt sem Wikipedia. Hann dugar þó, sem fyrr segir, til að sýna að við eigum enga orðræðu sem slípar þetta, eða ekki svo ég viti.

 

 

Eins og kunnugt er verða þjóðaratkvæðagreiðslur á tveim eða þrem svæðum í Úkraínu í vikulokin um hvort ákveðin svæði vilji sameinast Rússneska sambandsríkinu eða ekki og úrslitin væntanlega ljós um helgina.

Vesturlandaleiðtogar eru iðnir við að upphrópa fyrirfram að ekkert verði að marka þær. Sé það rétt hjá þeim var heldur ekki neitt að marka allar þær þjóðaratkvæðagreiðslur sem voru iðkaðar árin 1919 til 1939, að undirlagi vesturlandaleiðtoga, til að skera úr um sama málefni eða þegar þeir hinir sömu hvöttu og styrktu Kosovo hérað til að kljúfa sig frá Serbíu (en Nató passar uppá að Serbía geti ekki lagað þann landþjófnað).

Það er ekkert að marka leiðtoga okkar, sem er sorglegt. Varðandi leiðtoga Rússa, þá hafa þeir gætt sín í yfirstandandi áflogum í Úkró (sem einhverra hluta vegna við erum orðin hluti af) að alþjóðalög og alþjóðahefðir séu virtar til fulls.

Nei, þetta merkir ekki að ég sé á bandi Rússa, og haldirðu því fram, ertu fíbbl. Ég kynni mér hins vegar fleira en áróðursvélar Covidríkjanna bjóða Gáfnaljósum sem ekkert vilja vita né skilja.

Vatnaskil eru að gerast þessa dagana. Í fyrsta lagi er Úkróherinn því sem næst hruninn, sérstaklega eftir tvær heimskusóknir þeirra nýlega, blóðtaka sem kostaði herinn hátt í fjörutíuþúsund manns! Herinn var 200 þúsund fyrir átta mánuðum, er nú rétt um hundrað. Rússar hafa misst u.þ.b. 6. Þetta er þó ekki aðalatriðið.

Úkró getur ekki barist meir, þeir hafa engan iðnað lengur og satt að segja gætu Rússar lokað fyrir allt rafmagn, vatn, skólp og síma á þeim svæðum sem þeim sýnist, hvenær sem er og klárað að yfirtaka landið með stórsókn; það hefur þó aldrei verið markmið þeirra.

Markmið sértæku hernaðar aðgerðarinnar (Special Military Operation) hefur frá upphafi verið að a) stöðva þjóðarmorð Úkró og þá sérstaklega Azov/Galisíu nasista á borgurum í Donbass í ólöglegum hernaði Úkró gegn Donetsk og Lugansk (samkvæmt alþjóðasamkomulagi), b) að koma frá völdum í landinu Nasistunum sem Viktoría Núland, John McCain og Lindsey Graham komu til valda með valdaráni og manndrápum 2014, og loks að tryggja að Nató byggi ekki upp eldflaugahreiður, áframhald á efna- og erfðavopnatilraunum ásamt árásarher við landamæri Rússlands þ.e. að Úkró verði ekki með stórvirka hermaskínu heldur eingöngu hæfar varnarliðssveitir.

Ekkert af þessu kemur fram í Gulupressu vesturlanda sem uppnefnir sig frétta- og fjölmiðla. Þessu markmiði er því sem næst að ljúka. Hvernig útkoman verður, er ekki ljóst ennþá, t.d. hefur Pólland mikinn áhuga á að Galisía verði aftur Pólsk og bæði Slóvakía og Úngverjaland hafa áhuga á leifunum í kringum Lvov.

Á sama tíma eru Nató löndin uppiskroppa með vopn sem hægt er að lána Zlenský, og búin með alla sína penínga. Til að gefa samanburð hefur hann fengið 150 prósent af árlegum hernaðarútgjöldum Rússa síðasta hálfa árið. Þó er enn dælt prentuðum dreggjum í Zlenský, á meðan smáiðnaður og smáverslun vesturlanda skreppur endanlega saman og þornar upp. Dálítið merkilegt ef þú lætur það meyrna í huganum eða marínerast. Því Úkró átti stærsta og best þjálfaða her Evrópu fyrir níu mánuðum.

Sjáðu til; Nató er því sem næst hrunið, það er varnarlaust. Vestræn stjórnmál eru ódýrt djók. Við ræðum ekki Covid helförina eða hvernig stjórnmálafólk og akademía heimsins þverbraut allt lagasiðgæði og fleygði öllum vísindaviðmiðum út í veður og vind, vegna gegnsærrar lýgi um flensu og annarrar um tilraunaefni - nóg um þetta rætt EN; svo furðulegt sem virðist, þá er meirihluti fólks um víða veröld ennþá að hanga í þessum lygum eins og andsetnir tvífætlingar.

Menning okkar er dáin, siðmenning hrunin. Því var spáð í tíunda kafla Jesaja, að þegar þjóðir hafni Guði verði herinn í norðri sendur til að tyfta þjóðina, en þegar sá væri búinn yrði honum refsað fyrir ódæði sín. Hef bent á þetta í hátt í 30 mánuði, enda allir spádómar lagskiptir en Davos herinn var búinn til af Sovétmarxistum og eftir 1991-9 fóðraður af Pekíngmarxistum.

Sjáðu; Bæden mafían í Woðatúni hótar nú kjarnorkuhernaði af fullum þunga, en auðvitað í þeim búningi að það verði Rússar, nema Pútin veit hverju Bæden er að hóta. Hann veit einnig að ef svæðin í Kherson, Donbass (og eða fleiri) munu kjósa að sameinast Rússneska ríkjasambandinu, verða allar árásir Úkró á þessi svæði beinar árásir á Rússland og þá breytist sértæka hernaðaraðgerðin í alvöru stríð. Þá er þess skammt að bíða að gáfnaljósin í Brussel og Woðatúni fríki út og missi sig endanlega, en hingað til hafa þau ekki verið beinlínis hæf.

Takmarkaða hervæðingin eða útkallið (Mobilization) sem Pútín ræsti nú í vikunni, er viðbragð við þessari stöðu. Hann á von á því að Nató tryllist og að þriðja heimsstyrjöldin sem hófst 11. mars 2020, og annar kafli hennar sem hófst 24. febrúar 2022, losni úr böndunum og verði æðisgengin (Frantic).

Manstu þegar sumir sögðu í fyrra, glundroði framundan og í hitteðfyrra þetta fer þannig að merking tungumálsins gufar upp, eða ári áður en Covidríkin fæddust í mars 2020, raunsæi hverfur eða gufar upp 2019, eða, mannkynið er að hafna opinberun Guðdómlega Sáttmálans merkingu hans og vægi.

Húmanisminn er hruninn, og heimskerfið sem notaði hann, er dáið. Boltinn er lagður af stað niður hlíðina og endar á leirfótum risans. Sem fyrr segir, Rússar gættu þess í smáatriðum að fara eftir alþjóðalögum. Það er Woðatún sem sífellt þverbrýtur alþjóðalög, fyrir utan það að Covid lýgin og Eitursprauturnar eru glæpur gegn mannkyni samkvæmt alþjóðlegum sáttmálum (treaties). Ekkert hefur notið raunsæis síðan 11. mars 2020, og þeir sem eru á valdi Fallinna engla eða haldnir Nephilim öndum, sjá ekki að vitund þerra er orðin að hringiðu.

FLÝÐU - ,

LIFÐU.

Mundu lyklana fjóra; B, I, V, F.

Notaðu þann hluta hugans sem enn virkar, þann sem Nephilim sálirnar (djöflar og dísir) ná ekki til, skiptiborðið sem hleypir Skaparanum að vitund þinni blessar hana og verndar. Hættu að ljúka bænum þínum með ákalli á Egyptaguðinn Amun-Ra, hafðu frekar vitund þína, alla leið niður í dýpstu hyldýpi óvitundar þinnar, opna fyrir heilandi rýni Skaparans. Þú þarft ekki að fyrirverða þig fyrir neitt það sem þú viðurkennir í bæn, iðrast af einlægni, vitnar um af hugrekki og fyrirgefur sjálfum þér af heilhug. Egóið þitt er einskis virði, forgengileg gríma sem eilíf sál þín notar á ferð sinni um þetta svið (Realm).

 

 

Efnishyggjufólk sér aðeins ellefu prósent veruleikans (og kennir þér í skólum að þú notir aðeins 10 prósent heilans). Þessar Mann-Verur vita að 99 prósent efnisins er tómarúm, þau þreifa þannig á 1nu prósenti. Mannverur sjá aðeins 6 prósent ljóss og heyra aðeins 4 prósent hljóðs. Þetta gerir alls ellefu. Ef þú rýnir vel í skoðanakannanir og flokksfylkingar sérðu að þegar menning er í jafnvægi, nær þessi hluti Mann-Kyns að halda sér í átta prósenta jafnvægi, þegar þau eru orðin 11 prósent heildarmengis Mannkyns og Mannfólks, ná þau yfirleitt að stilla strengi sína saman - með notkun slagara, yfirlýsinga, eða flókinna texta með löngum orðum sem hylja merkingarleysi þvættingsins, til að ná völdum yfir siðmenningu borga og ríkja (og nú heimsmenningar) og rústa hverju því sem á vegi þeirra verður. Því er nauðsynlegt fyrir heill mannfólks og manneskja að greina þessi hjarðdýr efnis- vald- og félagshyggju strax á unglingsárum og beina þeim í heilbrigt uppeldi svo þau verði ekki skaðleg. Annars muntu upplifa styrjaldir, hrun á siðmenningu og þjóða[r]morð. Við erum hér að ræða lífsnauðsyn.

 

Viðbót, 20220926

Fyrir þrem mánuðum lýsti Nató því yfir að það ætlaði að setja saman þrjúhundruð þúsund manna framvarðasveit (First responders). Greinendur spurðu þá, án þess að komast í fjölmiðla, hvaðan koma peníngarnir fyrir því og hvaðan færðu hæfa liðsmenn og hvernig muntu þjálfa þá. Nú þrem mánuðum síðar er Nató ennþá að rúnka sér í fyrirsögnum en Pútler framkallar sama fjölda og lofar að það sé aðeins 1 prósent þess sem hann gæti gert, og það er allt saman þjálfað fólk, með olíu, iðnað og penínga á bak við sig.

 

Skortur á raforku gæti ógnað hagvexti á Íslandi

Athugasemdir

[Geir Ágústsson, 22.9.2022 kl. 14:55]

Takk fyrir mjög ögrandi og beitta hugleiðingu sem skilur mjög margt eftir. Eina sem ég finn að er að vísa aðeins oftar í nánara lesefni fyrir forvitna lesandann sem finnur holu sem hann vill hoppa ofan í.

[Guðjón E. Hreinberg, 22.9.2022 kl. 18:49]

Takk fyrir góðu orðin, Geir. En bloggið mitt er eingöngu spennulosun ;)