Öll skattheimta og öll opinber gjöld á Íslandi eru ólögleg

Sýndu mér ákvæði Stjórnarskrár sem heimilar Alþingi og Ríkisstjórn að setja álögur, skatta og gjöld á "þjóðina" ... og já, meðan ég man, hvaða grein heimilar Lýðveldinu að afsala sér lagavaldi sínu til erlendra þinga eða stofnana?

Athugasemdir

[Guðmundur Ásgeirsson, 14.8.2022 kl. 15:11]

Það eru einkum þessi tvö ákvæði er varða skattamál:

40. gr.
Engan skatt má á leggja né breyta né af taka nema með lögum. Ekki má heldur taka lán, er skuldbindi ríkið, né selja eða með öðru móti láta af hendi neina af fasteignum landsins né afnotarétt þeirra nema samkvæmt lagaheimild.

77. gr.
Skattamálum skal skipað með lögum. Ekki má fela stjórnvöldum ákvörðun um hvort leggja skuli á skatt, breyta honum eða afnema hann.
Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu.

Eins og þar segir verða skattar að vera ákveðnir með lögum frá Alþingi. Ríkisstjórn hefur hins vegar enga heimild til skattlagningar.

Varðandi hitt sem þú nefnir, er það hvergi. Þess vegna getur ekkert orðið að íslenskum lögum nema það sem Alþingi samþykkir. Önnur grein stjórnarskráinnar er mjög skýr um hvar löggjafarvaldið er.

2. gr.
Alþingi og forseti Íslands fara saman með löggjafarvaldið. Forseti og önnur stjórnarvöld samkvæmt stjórnarskrá þessari og öðrum landslögum fara með framkvæmdarvaldið. Dómendur fara með dómsvaldið.

Ástæða þess að tekið er fram að forsetinn fari einnig með löggjafarvaldið er að hann þarf að skrifa undir lög svo þau öðlist gildi, eða ákveða að gera það ekki en þá þarf að halda þjóðaratkvæðagreiðslu.

[Guðjón E. Hreinberg, 14.8.2022 kl. 20:19]